قايرات نۇرتاس جانار دوعالوۆامەن بىرگە بەينەبايان تۇسىرەدى. بۇل تۋرالى "الاش ايناسى" دوعالوۆانىڭ پروديۋسەرى بايان ەسەنتايەۆاعا سىلتەمە جاساپ حابارلايدى.

پروديۋسەردىڭ ايتۋىنشا، بەينەبايان "سەن مەنى تۇسىنبەدىڭ" انىنە تۇسىرىلمەكشى. "بەينەبايان الماتىدا ەرتەڭنەن باستاپ تۇسىرىلەدى. بۇل يدەيا قايرات نۇراستىڭ دا، ءبىزدىڭ دە كوڭىلىمىزدەن شىقتى. سوندىقتان وسىنداي تۋىندى جاساپ شىعۋعا بەل بۋدىق"، - دەدى ەسەنتايەۆا.

ونىڭ ايتۋىنشا، ءاننىڭ بەينەبايانى اقپان ايىنىڭ سوڭىنا قاراي شىعىپ، وتاندىق تەلەارنالاردان بەرىلەتىن بولادى. ايتا كەتەيىك، ەكى ءانشى بۇل ءاندى قايرات نۇرتاستىڭ 3D كونسەرتىندە ورىنداعان ەدى.

ال وسىعان دەيىن باق-تاردا جانار دوعالوۆانىڭ قازاقستاننىڭ تاعى ءبىر ءانشىسى ايقىن تولەپبەرگەنمەن دۋەت ورىندايتىنى تۋرالى حابارلانعان بولاتىن. ول كەزدە دە بايان ەسەنتايەۆا مۇنىڭ جاقسى يدەيا ەكەنىن ايتقان ەدى.

ەسكە سالا كەتەيىك، جانار دوعالوۆا وتكەن جىلدىڭ قاراشا ايىندا Turkvizyon-2014 بايقاۋىنىڭ جەڭىمپازى اتانعان بولاتىن. جانار دوعالوۆا "ءىزىن كورەم" انىمەن ونەر كورسەتىپ، 225 بالل ۇپاي جينادى. دەرەككوز: "الاش ايناسى"