الەۋمەتتىك جەلىدە «قالاۋلىم قاسىرەتى» اتتى تاعايبەك تۇرىسبەكتىڭ ولەڭى قىزۋ تالقىعا ءتۇستى دەپ جازادى Qamshy.kz اقپارات اگەنتتىگى. اتالعان شوۋ-باعدارلاما تۋرالى ءتۇرلى پىكىر بار. تانىمال ءانشى ساكەن مايعازييەۆتىڭ باعدارلاما تۋرالى پىكىرىنەن كەيىن ونەر ادامدارىمەن بىرگە الەۋمەتتىك جەلى قولدانۋشىلارى دا اشىق پىكىر بىلدىرە باستادى.
قالقاسىندا قالىپ قويماي مازاقتىڭ،
ماقساتىمىز ار-ۇياتتى ازايتپاۋ.
قىرىق ۇيدەن تىيىم كورمەي قازاقتىڭ
قىز جىبەگى تولەگەنگە ءسوز ايتتى-اۋ.
ءبىرى ويسىز، ءبىرى قىزبا، ۇشقالاق،
قاراۋ ءسىرا مۇمكىن ەمەس شوشىماي.
ءبىزدىڭ قازاق بەت جىرتىسىپ ءۇش ساعات
قالاۋلىسىن ىزدەپ پە ەدى وسىلاي؟!
تەك تانىلۋ شىركىندەردىڭ ويىمى
ەلەمەيدى ارتسا داعى كىم كىنا
قۇندىلىقتى قۇربان ەتكەن ءتايىرى،
مىنانداي شوۋ قاجەت پا ەدى ۇلتىما؟!
تاربيەمەن ءتالىم بولماي وزەكتە،
قۇردى مىنا قۇمار پەندە قورلانىپ.
قارا باستىڭ قامىن كۇيتتەپ بوز وكپە
نار الاشتىڭ مۇڭىن ءقايتسىن تولعانىپ؟!
جولى كوپ قوي ۇلت ازىعىن توناۋدىڭ،
ال تونالسا باسشىلاردىڭ كىناسى-اۋ.
بىرەۋلەردىڭ ساياساتى قالاۋلىم،
بىرەۋلەردىڭ قۇرباندىعى مىنا شوۋ.
ءوزى ىندەت بولىپ كەلگەن، ءوزى داۋ،
كەتسە ەكەن سور «قالاۋلىم» تورىمنەن.
كونبىس قازاق كوندىكسە دە قاجىدى-اۋ،
ەكراننان ەسسىزدىكتى كورۋدەن.
جانىمىزدى جاقسىلىقپەن جىلىتپاي،
جۇيكەمىزگە تيە بەرەر مۇڭدى ىزعار.
ۇلى دالا زاڭىن ءسىرا ۇمىتپاي،
ۇلتتى ويلايتىن ازايماسىن ۇل-قىزدار.
ەسكە سالا كەتسەك، «قالاۋلىم» باعدارلاماسى 25 ساۋىرگە دەيىن جابىلادى دەگەن اقپارات الەۋمەتتىك جەلىگە جاريالاندى. الايدا «ەۋرازيا» ءبىرىنشى تەلەارناسى باس ديرەكتورىنىڭ ورىنباسارى، ەكس-سەناتور سۆەتلانا جالماعامبەتوۆا «قالاۋلىم» باعدارلاماسىنىڭ جابىلمايتىن ايتقان بولاتىن.
پىكىر قالدىرۋ