الماتىداعى باۋم توعايىن تۇرلەندىرۋگە ينۆەستورلار دا ات سالىساتىن بولادى. دەمالىس ورنىندا جارىقتاندىرۋ جۇرگىزىلىپ، ورىندىقتار، قوقىس جاشىكتەرى ورناتىلادى. ءقازىر ونىڭ جوباسى ازىرلەنۋدە. ودان بولەك، بىلتىرعى جىلدىڭ اياعىندا قالانىڭ بالانسىنا وتكەن توعايدا سەنبىلىك شارالارى كوپتەپ ۇيىمداستىرىلماق. سەگىز اۋداننىڭ وقۋشىلارى حالىقارالىق قۇستار كۇنىن اتاپ ءوتتى.

قوس قاناتتىلاردى قورعاۋ كۇنى 1906 جىلدان بەرى اتالىپ كەلەدى. نەگىزگى ماقسات -ازايىپ بارا جاتقان قۇس ءتۇرىن ۇدايى قورعاۋ جانە جۇرتشىلىقتىڭ تابيعاتقا دەگەن جاناشىرلىعىن ارتتىرۋ. ال الماتىلىقتار قۇستارعا دەگەن قامقورلىق كۇنىن اتاپ وتۋگە 10 جىلدان اسا ۋاقىتتان بەرى قاتىسىپ ءجۇر. قالامىزدىڭ 8 اۋدانى ات سالىسقان اكسيا بارىسىندا، قوس قاناتتىلارعا اعاشتان 10-نان اسا قۇس ۇياشىعى ورناتىلدى.

شارانىڭ باۋم توعايىندا وتكىزىلۋىنىڭ ءوز سەبەبى بار. بۇعان دەيىن  ىلە-الاتاۋ ۇلتتىق تابيعي ساياباعىنا تيەسىلى بولعان ورمان بىلتىر قالا بالانسىنا بەرىلگەن بولاتىن. ەندى كۇتىمسىز قالعان اۋماقتى كوركەيتۋ مىقتاپ قولعا الىنباق. ونى تۇرلەندىرۋگە ينۆەستورلار دا تارتىلماق. اتاپ وتكەندە، جارىقتاندىرۋ جۇرگىزىلىپ، ورىندىقتار، قوقىس جاشىكتەرى ورناتىلادى.

«ول بويىنشا جوبا دايىنداۋمىمىز كەرەك. بۇل بويىنشا ەڭ باستىسى -  مەملەكەتتىك بيۋدجەتتەن ەمەس. مۇمكىندىك بولسا، ينۆەستورلار ارقىلى جاساۋ. كەيبىر جۇمىستاردى قالانىڭ قارجىسىنا جاساۋ كوزدەلگەن. ناقتى شىعىنداردىڭ كولەمى انىقتالىپ جاتىر. ويتكەنى بىزگە جاڭادان ءوتىپ جاتىر»، - دەدى «مەدەۋ» وڭىرلىك تابيعي پاركى ديرەكتورىنىڭ ورىنباسارى ارمان شاتىربەكوۆ.

قازىرگى تاڭدا باۋم توعايىندا 110 مىڭعا جۋىق اعاش بار. اتى ايگىلى ورمانعا سانيتارلىق جۇمىستاردا جاسالادى. ءقازىر قانشا اعاشتىڭ شىرىگەنىن، قانشاسىن كەسۋ قاجەت ەكەنى زەرتتەلىپ جاتىر ەكەن.  وندا سوڭعى رەت اعاش وسىدان 10 جىل بۇرىن وتىرعىزىلىپتى. الداعى ۋاقىتتا مۇندا سەنبىلىك وتكىزىلمەك.