الماتىدان شقو-عا گۋمانيتارلىق كومەك جونەلتىلدى.

سۋ تاسقىنىنان تارشىلىق كورىپ وتىرعان اياگوزدىڭ حالقىنا سىرتتان ورالعان قانداستار گۋمانيتارلىق كومەك كورسەتتى. قايىرىمدى جاندار قيىنشىلىققا تاپ بولعان شىعىستىڭ جۇرتىنا  جاردەم رەتىندە ءبىر كاماز تاۋاردى تاعى جونەلتتى. «نۇر وتان» پارتياسىنىڭ الماتى  قالالىق فيليالى 3 جارىم ميلليون تەڭگە جيناپ، اقشانى ارنايى اشىلعان ەسەپشوتقا اۋداردىق دەيدى.

الماتى تۇرعىندارى تاسقىن شايعان اياگوز اۋدانىنا قاجەتتى كومەكتى جيناۋ ءۇشىن 2 اپتا ازىق-تۇلىك پەن كيىم-كەشەكتى جەتكىزگەن. ارنايى قابىلداۋ ورتالىقتارى قالانىڭ 8 اۋدانىندا قىزمەت كورسەتتى. ناتيجەسىندە، جينالعان كومەكتىڭ كولەمى 2 تونناعا جەتكەن. وعان قوسا، تابيعات اپاتىنان زارداپ شەككەندەرگە ارنايى اشىلعان «بولاشاق اياگوز» ەسەپشوتىنا 3،5 ميلليون تەڭگە قارجى اۋدارىلعان.

«بۇزىلمايتىن تاعامدار: كۇرىش، ۇن، قانت، ماكارون، ۆەرميشەل سەكىلدى ازىق-تۇلىكتەردى عانا جىبەرىپ وتىرمىز. ويتكەنى وزدەرىڭىز بىلەسىزدەر، ءبىر تاۋلىكتەن اسا جول جۇرەدى. سوندىقتان كەز كەلگەن تاعامدى، مىسالى، باسقا ماي سەكىلدى ولاردى ءبىز جونەلتپەيمىز. تەك جىلى كيىمدەر، سىرتقى كيىمدەر، بالالاردىڭ كيىمدەرى ويىنشىقتار بار اراسىندا. سونىڭ بارلىعى ەندى از دا بولسا  سول جەردەگى قيىندىق كورىپ وتىرعان اعايىندارىمىزعا الماتىلىقتاردىڭ قول ۇشى دەپ ەسەپتەيمىز»، - دەدى «نۇر وتان» پارتياسى الماتى قالالىق فيليالى ءتوراعاسىنىڭ ورىنباسارى قايىم-مۇنار تابەيەۆ.

باسپاناسىز قالىپ، بارىنان ايىرىلعان الىستاعى اياكوزدىك اعايىنعا  قىتايدان كەلگەن قانداستاردا  قاپ-قاپ كيىم، قاپشىق تولى تاماق جىبەرىپ جاتىر. قانداس كاسىپكەرلەر قيىن كەزدە قول ۇشىن سوزۋ قارا سۋىقتا قالعان جانداردىڭ قاجەتىن تولىق وتەمەسەدە  جاندارىنا جىلۋ سيلاپ، حالىقتىڭ وزدەرىمەن بىرگە ەكەندىكتەرىن ءبىلدىرۋ دەيدى. ۇن، كۇرىش، ماكارون، سۇيىق ماي سىندى ۇزاق ساقتالاتىن 12 توننا تاماقتى تۇگەل تيەدى. قيىن ساتتە جۇمىلا بىلگەن قانداستار جينالعان زاتتار اۋىلداعى  400 وتباسىن كەمىندە ءبىر اپتا اسىراۋعا بولادى دەيدى.

«وسى العان زاتىمىز قيىنشىلىق بولعان وتباسىعا تيسە دەيمىز. ولارعا، حالىققا ايتاتىنىمىز، قيىنشىلىق بولعان اياگوز حالقىنا، باسقا دا قيىنشىلىق بولىپ جاتقان حالىققا ءبىز ءارقاشان بىرگەمىز. ولاردىڭ باسىنا تۋعان كۇنگە قايعىسىن ءبىز ورتاقپىز»، - دەدى  كاسىپكەر قانات تۇماربەك.

بەلسەندىلەر جينالعان جۇكتى جەتكىزۋ ءۇشىن جولعا شىقپاق. ول كومەككە مۇقتاجدارعا سارسەنبى كۇنى تابىستالاتىن بولادى.