قورداعى جارنا سەنىمدى قولدا، ونىڭ بولاشاعىنا الاڭداۋدىڭ قاجەتى جوق، – دەيدى الماتى وڭىرلىك كوممۋنيكاسيالار قىزمەتى الاڭىندا جۋرناليستەرمەن باسپا ءسوز بريفينگىن وتكىزگەن ءبىرىڭعاي جيناقتاۋشى زەينەتاقى قورىنىڭ باسشىلارى.
وسىدان جيىرما جىل بۇرىن قۇرىلىپ، ەرتەڭ زەينەت جاسىنا جەتكەندە ەمىن-ەركىن ءومىر ءسۇرۋدى قامتاماسىز ەتەدى دەپ ۇمىتتەندىرگەن ءبىرىڭعاي جيناقتاۋشى زەينەتاقى قورى توڭىرەگىندە بۇگىندە الىپقاشپا اڭگىمەنىڭ ءورىپ جۇرگەنى جاسىرىن ەمەس. ءتىپتى، سول قورداعى ازىن-اۋلاق قاراجاتتارىن الىپ، جۇمسايمىز دەگەنگە جۇرتتىڭ كوبىنىڭ سەنىمى دە از. ويتكەءنى، 2018 جىلدىڭ 1 قاڭتارىنان باستاپ ايەلدەردىڭ زەينەت جاسى جارتى جىلعا ۇزارتىلسا، ازاماتتارىمىزدىڭ بجزق جيناعان جارنانى بەرۋ تاسىلدەرى دە وزگەرتىلدى. دەمەك، جاڭا جىلدان باستاپ سالىمشىلار قورداعى جارناسىن بۇرىنعىداي بىرنەشە رەت ءبولىپ ەمەس، ول ەندى اي سايىن ءبولىپ تولەنەتىن بولدى. «بۇل شەتەلدىك تاجىريبەدە بار ءتاسىل، سوندىقتان ءبىز حالىقتىڭ قارتتىعىن قامتاماسىز ەتۋ ماقساتىندا وسىنداي قادامعا بارىپ وتىرمىز»، – دەگەن ەدى، حالىقتىڭ الەۋمەتتىك جاعدايىنا جاۋاپتى مينيسترلىكتىڭ وكىلدەرى حالىقپەن ءتۇسىندىرۋ جۇمىستارىن جۇرگىزگەن كەزەكتى ءبىر كەزدەسۋلەرىندە. ءبىر قاراعاندا، دۇرىس شەشىم دە شىعار، دەيتۇرعانمەن، بۇل حالىقتىڭ ءوز ەركىمەن تىرنەكتەپ جيناعان ازىن-اۋلاق بولسا دا قورى ەدى عوي، ونى ءبىر كۇندە نەمەسە ءبىر جىل ىشىندە قولدانىپ، ءبىر كەرەگىنە جۇمساسا دا ءوز ەركىندەگى شارۋا ەدى عوي دەيسىڭ عوي. الماتى قالاسى وڭىرلىك كوممۋنيكاسيالار قىزمەتى ورتالىعىندا بولعان جۋرناليستەرمەن بولعان بريفينگكە قاتىسقان بجزق اق وڭىرلىك جەلىنى دامىتۋ جانە ىلەسپە قىزمەت كورسەتۋ دەپارتامەنتىنىڭ باسشىسى ءماميلا مۇسابەكوۆا جانە قوردىڭ الماتى بولىمشەسىنىڭ باسشىسى نۇرلان امىرەنوۆ جۇرتتىڭ كوكەيىندەگى كوپ ساۋالعا جاۋاپ بەرىپ، قازىرگى تاڭدا قوردا اتقارىلىپ جاتقان جۇمىستارى، اسىرەسە، سيفرلى قازاقستان باعىتىندا جۇرگىزىلىپ وتىرعان جۇمىستارى جونىندە ايتىپ بەردى. قوردىڭ وڭىرلىك جەلىلەردى دامىتۋ جانە ىلەسپە قىزمەت قىزمەت كورسەتۋ دەپارتامەنتىنىڭ باسشىسى ءماميلا قۇرمانجان قىزىنىڭ ايتۋىنشا، ۇستىمىزدەگى جىلدىڭ 1 قاڭتارداعى جاعدايى بويىنشا زەينەتاقى جيناقتارىنىڭ جالپى سوماسى 7،78 تريلليون تەڭگەنى قۇراپ، قورداعى جيناقتالعان جارنا مولشەرى وتكەن جىلدىڭ وسى مەرزىمىمەن سالىستىرعاندا 1،1 تريلليونعا ارتقان. سونىڭ ناتيجەسىندە ءبىر جىل ىشىندەگى قورداعى جارنا ءوسىمى 16 پايىزدى قۇراپ، جالپى ىشكى ءونىمنىڭ 15 ،1 پايىزىن قۇراپتى.
دەپارتامەنت ديرەكتورى ءماميلا قۇرمانجان قىزىنىڭ اقپاراتىنشا، وتكەن جىلى سالىمشىلارعا 169،69 ميلليارد تەڭگە تولەنسە، ونىڭ 22،69 ميللياردى ساقتاندىرۋ ۇيىمدارىنا اۋدارىلعان. حالىقتىڭ جيناقتاۋشى زەينەتاقى جۇيەسىنە دەگەن سەنىمىن ارتتىرۋ ماقساتىندا 2017 جىلى حالىقتىڭ قارجىلىق-قۇقىقتىق ساۋاتتىلىعىن كوتەرۋ جانە ساپالى زەينەتاقى قىزمەتتەرىن كورسەتۋ بويىنشا كوپتەگەن جۇمىستار اتقارىلعان.
قوردىڭ بارلىق فيليالدارىندا توقسان سايىن «اشىق ەسىك كۇندەرى» وتكىزىلىپ، سالىمشىلاردىڭ زەينەتاقىمەن قامسىزداندىرۋ بويىنشا بەرىلگەن وزەكتى ساۋالدارىنا تولىق جاۋاپ بەرىلگەن. استانا، الماتى قالالارىنىڭ جانە 14 وبلىستىڭ اكىمدىكتەرىمەن ىنتىماقتاستىق جانە قارىم-قاتىناس تۋرالى مەموراندۋمدارعا قول قويىلدى، – دەيدى م.مۇسابەكوۆا. دەپارتامەنت باسشىسى، سونداي-اق، سالىمشىلاردىڭ سانى مەن قورعا سالىنعان جارنا مولشەءرى بويىنشا الماتى قالاسىنىڭ الدىڭعى ورىندا تۇرعانىن اتاپ ءوتتى.
قور قىزمەتىن اشىق ەتۋ ماقساتىندا قوعامدىق كەڭەس قۇرىلعانىن دا باسپا ءسوز ءماسليحاتىنا قاتىسۋشىلار تىلگە تيەك ەتتى. «موبيلدىك كەڭسە»، قور سايتىندا ەلەكتروندىق قىزمەت كورسەتۋ ىسكە قوسىلعالى بەرى 2298 سالىمشى ونلاين تارتىبىندە جەكە زەينەتاقى شوتىن اشسا، 987 الۋشى زەينەتاقى تولەمدەرىن تاعايىنداۋ جونىندە ءوتىنىش بەرىپتى. ءقازىر جاۋاپتى بولىمشەلەر قوعامدىق كەڭەس مۇشەلەرىمەن بىرلەسىپ، ءوز-وزىن جۇمىسپەن قامتىعان حالىقتى جيناقتاۋشى جۇيەگە تارتۋ بويىنشا ۇسىنىس دايىنداپ جاتىر، – دەيدى ءماميلا مۇسابەكوۆا.
جۋرناليستەر تاراپىنان قويىلعان ساۋالدارعا مۇمكىندىگىنشە جاۋاپ بەرۋگە تىرىسقان بۇگىندە 18 فيليالى، 218 قىزمەت كورسەتۋ ورتالىقتارى بار بجزق وكىلدەرى قورداعى جيناقتالعان جارنانىڭ تاعدىرىنا حالىقتىڭ الاڭداماۋىنا، ونىڭ سەنىمدى قولدا، قوردىڭ سەنىمدى سەرىكتەسى ۇلتتىق بانكتىڭ يەلىگىندە ەكەندىگىن ايتتى. ولاي بولسا، كوڭىلىمىزدەگى كوپ كۇدىكتى سەيىلتىپ، ەرتەڭگى قارتتىعىمىزدىڭ قامسىز وتەتىندىگىنە ءبىز دە سەنىم ارتايىق.
نۇرجامال بايساقال
الماتى اقشامى
