جالپىقالالىق سەنبىلىك اياسىندا المالى اۋدانىندا ورنالاسقان جوعارى وقۋ ورنى جانە كوللەدج ستۋدەنتتەرى «ينستاگرامم» الەۋمەتتىك جەلىسىندە اشىلعان المالى اۋدانى جاستارى پاراقشاسى ارقىلى «تازا قالا» اكسياسىن وتكىزىپ، سەنبىلىككە شاقىردى. جالپى، المالى اۋدانىندا 65 مىڭنان استام ستۋدەنت وقيتىن 16 جوو جانە 20 ورتا ارناۋلى وقۋ ورنى ورنالاسقان.
سونداي-اق، سەنبىلىك بارىسىندا «امانگەلدى» ساياباعىندا المالى اۋدانىنىڭ اكىمى ج.ەستەنوۆ باستاعان اپپارات قىزمەتكەرلەرى، اۋدان ارداگەرلەرى جانە جەرگىلىكتى تۇرعىنداردىڭ قاتىسۋىمەن اعاش وتىرعىزىلىپ، كورىكتەندىرۋ جۇمىستارى جۇرگىزىلدى.
اۋدان اۋماعىندا سەنبىلىك جۇمىستارى 30 شاعىن ۋچاستوكتەر بويىنشا جۇرگىزىلدى. جالپى، سەنبىلىككە 37 مىڭنان استام ادام قاتىستى. اۋدان بويىنشا سەنبىلىك كەزىندە 105 تەحنيكا جۇمىلدىرىلىپ، 780 م3 قوقىس شىعارىلدى.
قوعامدىق جانە جاستار ۇيىمدارى، مەكتەپتەر، اۋرۋحانالار، بالاباقشالار، پيك-تەر، جوعارى جانە ارنايى ورتا ءبىلىم بەرۋ مەكەمەلەرىءنىڭ ستۋدەنتتەرى، الەۋمەتتىك مەكەمەلەر جانە تۇرعىندار اۋدان بويىنشا سەنبىلىكتى جوعارى دەڭگەيدە وتكىزۋگە ءوز ۇلەستەرىن قوستى. جالپىقالالىق سەنبىلىك وتكىزۋ بارىسىندا كوشەلەر، اۋلالار، جالپى قولدانىستاعى ورىندار، ارىق جۇيەلەرى، بوس ورىندار، جاسىل جەلەكتەر، وزەن ارنالارى مەن سۋ قويمالارىنىڭ جاعالارى تازالاندى.
اتالعان اكسيانىڭ ماقساتى - سانيتارلىق نورمالار مەن اباتتاندىرۋ ەرەجەلەرىنىڭ بۇزىلۋىن انىقتاۋ جانە ونىڭ الدىن الۋ. اكسيانىڭ ماقساتى – بالالاردى قورشاعان ورتانى قورعاۋعا، تابيعاتتى ايالاۋعا شاقىرۋ. سونداي-اق، تاربيلەنۋشى بالالار اراسىندا قامقورلىق، باۋىرماشىلدىق قاسيەتتەردى ورناتىپ، ەڭبەكسۇيگىشتىككە باۋلۋ. بارلىق قىزمەتتەر مەن ۆەدومستۆولاردىڭ قىزمەتىن ۇيلەستىرىپ، كەلىپ تۇسكەن مالىمەتتەردى جيناۋمەن اينالىساتىن جۇمىس توبى قۇرىلدى.
