ت.ق. جۇرگەنوۆ اتىنداعى قازاق ۇلتتىق ونەر اكادەمياسى «كينو جانە تۆ» فاكۋلتەتى، «ونەرتانۋ» فاكۋلتەتى، «كينو تاريحى مەن تەورياسى» كافەدراسىنىڭ ۇيىمداستىرۋىمەن 2018 جىلدىڭ 30-ساۋىرىندە ساعات 10:00-دە كينوتانۋشى، پەداگوگ، قازاقستانداعى كاسىبي كينوتانۋدىڭ نەگىزىن قالاۋشى، ونەرتانۋ كانديداتى، پروفەسسور، قازاقستاننىڭ ەڭبەك سىڭىرگەن قايراتكەرى، «قۇرمەت» وردەنىنىڭ يەگەرى باۋىرجان رامازان ۇلى نوگەربەكتىڭ تۋعانىنا 70 جىل تولۋىنا ارنالعان «رۋحاني جاڭعىرۋ كونتەكستىندەگى زاماناۋي كينو ونەرى» حالىقارالىق عىلىمي-پراكتيكالىق كونفەرەنسياسى وتەدى، دەپ حابارلايدى Qamshy.kz اقپارات اگەنتتىگى.

اتالمىش جيىندا كينوتانۋشى ب.ر.نوگەربەكتىڭ وسىدان 25 جىل بۇرىن العاش كينوتانۋشىلار شەبەرحاناسىن قابىلداعان ءدارىسحاناعا ب.ر.نوگەربەك ەسىمى بەرىلىپ، ورناتىلعان مەموريالدىق تاقتانىڭ سالتاناتتى اشىلۋ ءراسىمى ءوتىپ، ب.ر.نوگەربەك اتىنداعى شاكىرتاقى تاعايىندالادى.

كونفەرەنسيا اياسىندا كەلەسى ماستەر-كلاسستار وتەدى:

28.04.2018 ج. ساع. 11:00 – تولومۋشوۆا گ. «چينگيز ايتماتوۆ ي كينو: ك ۆوپروسۋ فەنومەنا ەكرانيزاسيي كلاسسيكا» («شىڭعىس ايتماتوۆ جانە كينو: كلاسسيك شىعارمالارىن ەكرانداۋ فەنومەنى»).

30.04.2018 ج. ساع. 14:00 ­– رازلوگوۆ ك.ە. «منوجەستۆەننايا يدەنتيچنوست ۆ مەدياپروسترانستۆە» («مەدياكەڭىستىكتەگى كوپشىلىك سايكەستىگى»).

30.04.2018 ج. ساع. 15:30 – فومين ۆ.ي. «سپەسيفيكا سوۆرەمەننوگو ارحيۆنوگو كينوۆەدەنيا» («زاماناۋي مۇراعاتتىق كينوتانۋدىڭ ەرەكشەلىكتەرى»).

سونداي-اق، 28 ءساۋىر كۇنى ساعات 14:00-دە ت.ق. جۇرگەنوۆ اتىنداعى ءقازۇوا «كينومان» كينوكلۋبىنىڭ ۇيىمداستىرۋىمەن ا. ءامىرقۇلوۆ «قوش بول، گۇلسارى!» ءفيلمىنىڭ كورسەتىلىمى جانە تاريح عىلىمدارىنىڭ كانديداتى بمكي-نىڭ كينو ونەرى عزي جەتەكشى عىلىمي قىزمەتكەرى كوچەليايەۆا ن.ا. جەتەكشىلىگىمەن تالقىلاۋ وتەدى.

پلەنارلىق ماجىلىستە:   

ءنۇسىپجانوۆا ب.ن. – پەداگوگيكا عىلىمدارىنىڭ كانديداتى، پروفەسسور، ت.ق. جۇرگەنوۆ اتىنداعى ءقازۇوا رەكتورى (الماتى، قازاقستان)؛

رازلوگوۆ ك.ە. – ونەرتانۋ دوكتورى، پروفەسسور، جاڭا مادەنيەتتانۋ ينستيتۋتىنىڭ ديرەكتورى (ماسكەۋ، رەسەي فەدەراسياسى)؛

فومين ۆ.ي. – ونەرتانۋ دوكتورى، پروفەسسور، بمكي-نىڭ كينو ونەرى عزي جەتەكشى عىلىمي قىزمەتكەرى (ماسكەۋ، رەسەي فەدەراسياسى)؛

تاۋەكەل س. – پروديۋسسەر، كينورەجيسسەر، ءقازۇوۋ پروفەسسورى (استانا، قازاقستان)؛

تولومۋشوۆا گ. – كينوتانۋشى، FIPRESCI مۇشەسى، NETPAC مۇشەسى (بىشكەك، قىرعىزستان)؛

كوچەليايەۆا ن.ا. – تاريح عىلىمدارىنىڭ كانديداتى بمكي-نىڭ كينو ونەرى عزي جەتەكشى عىلىمي قىزمەتكەرى (ماسكەۋ، رەسەي فەدەراسياسى)؛

مۇقىشيەۆا ن.ر. – ونەرتانۋ كانديداتى، ءقازۇوۋ پروفەسسورى (استانا، قازاقستان) كينوتانۋشى ب.ر. نوگەربەكتىڭ شىعارماشىلىعى تۋراسىندا جانە ونىڭ قازاق كينوتانۋ عىلىمىنىڭ دامۋىنا، كاسىبي قازاق كينوتانۋ مەكتەبىنىڭ ىرگەتاسىنىڭ قالانۋىنا قوسقان وراسان ۇلەسى تۋراسىندا جانە زامانۋي كينو ونەرىنىڭ وزەكتى ماسەلەلەرى توڭىرەگىندە ءسوز وربىتەدى.