وڭتۇستىك قازاقستان وبلىسى وتىرار اۋدانىندا ازاماتتاردى كاسىپكەرلىككە تارتۋ ماقساتىندا 45 ادامعا 180 ملن تەڭگە كولەمىندە نەسيە بەرىلگەن. ناتيجەسىندە مال شارۋاشىلىعى مەن قىزمەت كورسەتۋ سالالارىندا 50-گە جۋىق جاڭا جۇمىس ورنى اشىلعان.

وقو اكىمىنىڭ باسپا ءسوز قىزمەتى ۇيىمداستىرعان پرەسس-تۋر كەزىندە جۋرناليستەر وسىنداي ءبىرقاتار نىسانداردى ارالاپ، جۇمىسىمەن تانىستى، دەپ حابارلايدى Qamshy.kz اقپارات اگەنتتىگى.

ە.قۇلتايەۆ مەملەكەتتىك باعدارلاماسى اياسىندا جەكە كاسىبىن اشقان جاننىڭ ءبىرى. ول 5 جىل مەرزىمگە 7 ملن تەڭگە نەسيە الىپ، «اعىساي» تىگىن شەبەرحاناسىن اشقان. بۇگىندە قاراماعىندا 4 جۇمىسكەرى بار.

سونداي-اق، اۋداندا كاسىپكەرلەردىڭ دەمەۋىمەن بالالاردى بالاباقشامەن قامتۋ ماسەلەسى دە وڭتايلى شەشىمىن تاۋىپ كەلەدى. مەملەكەتتىك-جەكەمەنشىك ارىپتەستىك اياسىندا بوي كوتەرگەن ل.جاباتايەۆانىڭ «كەلدىبەك اتا» بالاباقشاسى وسىنىڭ دالەلى. زاماناۋي قۇرال-جابدىقپەن قامتىلعان بوبەكجاي 100 ورىنعا شاقتالعان. بۇگىندە وندا 23 جەرگىلىكتى تۇرعىن تۇراقتى جۇمىسپەن قامتىلعان. جالپى اۋداندا مۇنداي 6 بالاباقشا جۇمىس ىستەپ تۇر.

مۇنان سوڭ تىلشىلەر «ۇيدە الەۋمەتتىك قىزمەت كورسەتۋ» مەكەمەسى جانىنان اشىلعان «كۇندىزگى قاتىناۋ بولمەسىنە» ايالدادى. مۇمكىندىگى شەكتەۋلى بالالار كۇتىمىنە ارنالعان مەكەمەگە 89 ءبۇلدىرشىن ەسەپكە الىنعان. ونىڭ 62ء-سى تىرەك-قيمىل اپپاراتى بۇزىلسا، 17 بالانىڭ پسيحونيەۆرولوگيالىق اۋىتقۋى بار. قازىرگى تاڭدا زاماناۋي قۇرال-جابدىقتارمەن جابدىقتالعان ۇيدە 22 بالا 2 اۋىسىمدا الەۋمەتتىك قىزمەت الۋدا.

ب ا ق وكىلدەرى ءشاۋىلدىر اۋىل وكرۋگىندەگى ارىس وزەنى جاعالاۋىن اباتتاندىرۋ جۇمىستارىمەن دە تانىستى. مۇنداعى قۇرىلىس جۇمىستارى 2017 جىلى باستالىپ، 2018 جىلى اياقتالادى دەپ جوسپارلانۋدا. اۋدان باسشىسى بۇل جۇمىستار وزەن جاعالاۋىن كورىكتەندىرۋ جانە تۇرعىنداردىڭ قاۋىپسىزدىگى ءۇشىن جاسالىپ جاتقانىن جەتكىزدى.

وتىرار اگرارلى اۋدان بولعانىمەن، ونداعى توپىراقتىڭ سورلانۋى، اۋا رايىنىڭ قولايسىزدىعى شارۋالاردى ابىگەرگە سالىپ كەلدى. وسى ماسەلەنىڭ الدىن-الۋ ءۇشىن اۋدان اكىمى ە.ايتاحانوۆتىڭ باستاماسىمەن ءو.وسپانوۆ اتىنداعى قازاق توپىراقتانۋ جانە اگروحيميا ينستيتۋتى عالىمدارىمەن بىرلەسىپ، عىلىممەن ۇشتاستىرىپ ەگىن ەگۋ جۇمىستارىن جۇرگىزۋ قولعا الىندى. ناتيجەسىندە شارۋالار ءونىم كولەمىن ارتتىرىپ، تاجىريبەنىڭ تيىمدىلىگىنە كوز جەتكىزدى. قازىرگى تاڭدا اۋدانداعى 3 مىڭ گەكتار جەرگە توپىراقتى زەرتتەۋ جۇمىستارى ءجۇرىپ جاتىر.

تاريح پەن شەجىرەگە باي اۋدانعا قىزىعۋشىلىق تانىتىپ كەلەتىن تۋريستەردىڭ سانى جىل سايىن ارتىپ كەلەدى. سوندىقتان وڭىردەگى تۋريستىك كلاستەردى دامىتۋ ماڭىزدى ماسەلەلەردىڭ ءبىرى بولىپ وتىر. جۋرناليستەر اۋدانىمىزعا كەلگەن قوناقتارعا جاعداي جاساۋ ماقساتىندا «وتىرار توبە» قالاشىعى مەن «ارىستانباب» كەسەنەسى ارالىعىنداعى جول بويىنا سالىناتىن تۋريستىك نىساندارىنىڭ جوباسىن كورىپ، وتىرار مەملەكەتتىك ارحەولوگيالىق قورىق-مۋزەيىنە دە ات باسىن بۇردى. مۋزەيدىڭ كورمە زالى زاماناۋي ۇلگىدە قايتا جابدىقتالىپ، جاڭا جادىگەرلەرمەن تولىقتىرىلعان بولاتىن.