اعىمداعى جىلعى 26 ساۋىردە الماتى قالاسىندا ۇجىمدىق قاۋىپسىزدىك تۋرالى شارت ۇيىمىنا زاڭسىز كوشى-قونعا قارسى كۇرەس ماسەلەسى بويىنشا مۇشە-مەملەكەتتەردىڭ قۇزىرلى ورگاندارى باسشىلارى ۇيلەستىرۋ كەڭەسىنىڭ 21 وتىرىسى ءوتتى.
2018 جىلى ۇقشۇ ۇجىمدىق قاۋىپسىزدىك كەڭەسىنىڭ ءتوراعالىعىن قازاقستان رەسپۋبليكاسى جۇزەگە اسىرادى.
وتىرىسقا ۇقشۇ-عا مۇشە-مەملەكەتتەر، اتاپ ايتقاندا قازاقستان، رەسەي فەدەراسياسى، بەلارۋسسيا، قىرعىزستان جانە تاجىكستان ەلدەرىنىڭ وكىلدەرى قاتىستى.
قازاقستان رەسپۋبليكاسىنىڭ دەلەگاسياسى ىشكى ىستەر ءمينيسترىنىڭ ورىنباسارى، پوليسيا گەنەرال-مايورى ەرلان تۋرگۋمبايەۆتىڭ باسشىلىعىمەن قاتىستى.
«قازاقستان رەسپۋبليكاسى ورتا ازياداعى رەسەي فەدەراسياسى باعىتىندا ترانزيتتىك مەملەكەت بولعاندىقتان ۆيزا جانە شەكارا اسىپ ءوتۋ توڭىرەگىندە ءبىرشاما ماسەلەلەر تۋىندايدى. وتكىزىلگەن ءىس-شارالار ناتيجەسىندە قازاقستان رەسپۋبليكاسىنىڭ كوشى-قون زاڭنامالارىن جەتىلدىرۋ ماقساتىندا جانە شەتەل ازاماتتارىنىڭ ەل اۋماعىنا كەلۋ پروسەسستەرىن جەڭىلدەتۋ ءۇشىن ءبىرقاتار وزگەرىستەر ەنگىزىلگەندىگى تالقىلاندى. قازاقستانعا ينۆەستورلار مەن تۋريستەردى كوپتەپ تارتۋ ءۇشىن كوشى-قون راسىمدەرى جەڭىلدەتىلىپ، ەل اۋماعىنا زاڭسىز كەلەتىندەرگە قاتىستى زاڭ تالاپتارى كۇشەيتىلدى. اتاپ ايتساق، وتكەن جىلى قازاقستان رەسپۋبليكاسىنىڭ كوشى-قون زاڭناماسىن بۇزعان ءۇشىن 109 مىڭ 872 شەت ەل ازاماتى اكىمشىلىك جاۋاپكەرشىلىككە تارتىلىپ، 13 مىڭ 685 ازامات سوت شەشىمىمەن ەل اۋماعىنان الاستاتىلدى»، - دەپ مالىمدەدى ەرلان تۇرعۇمبايەۆ.
وتىرىستا ۇقشۇ-عا مۇشە-مەملەكەتتەردەگى كوشى-قون جاعدايىنا قاتىستى ماسەلەلەر، زاڭسىز كوشى-قونعا قارسى جۇرگىزىلگەن شارالاردىڭ تيىمدىلىگى، تاجىكستان رەسپۋبليكاسى مەن اۋعانستان يسلام رەسپۋبليكاسىنىڭ شەكارالاس اۋداندارىندا قالىپتاسقان جاعدايلار جان-جاقتى تالقىلاندى.
سونداي-اق، ءىرى حالىقارالىق جانە سپورتتتىق ءىس-شارالارعا دايىندىق جانە وتكىزۋ كەزىندەگى (قازاقستان رەسپۋبليكاسىنداعى «ەكسپو-2017» كورمەسى جانە رەسەي فەدەراسياسىنداعى فۋتبول بويىنشا ءاچ-2018) زاڭسىز كوشى-قوننىڭ جولىن كەسۋ، كوشى-قون سالاسىنداعى قاۋىپسىزدىكتى قامتاماسىز بويىنشا جۇمىس تاجىريبەسى زەردەلەندى. ۇقشۇ-عا مۇشە-مەملەكەتتەردەگى كوشى-قون سالاسىندا رەداميسسيا تۋرالى كەلىسىمشارت جانە باسقا دا ەكىجاقتى كەلىسىمدەر جاساسۋ باعىتىنداعى تاجىريبەلەر دە ورتاعا سالىندى.
