نۇرگۇل ماۋبەرلينوۆا اقپارات جانە كوممۋنيكاسيالار ۆيسە-مينيسترى بولىپ تاعايىندالدى، دەپ حابارلايدى Qamshy.kz اقپارات اگەنتتىگى پرەمەر-مينيستردىڭ سايتىنا سىلتەمە جاساپ.
نۇرگۇل ماۋبەرلينوۆا 1973 جىلدىڭ قاراشاسىندا قاراعاندى وبلىسىندا دۇنيەگە كەلگەن. ە. بۋكەتوۆ اتىنداعى قاراعاندى مەملەكەتتىك ۋنيۆەرسيتەتىن جانە قازتۇتىنۋوداعى ەكونوميكالىق ۋنيۆەرسيتەتىن ءتامامداعان.
ەڭبەك جولىن 1992 جىلى باستاعان. ءار جىلدارى مەملەكەتتىك ورگاندار مەن كوممەرسيالىق سەكتوردا جۇمىس ىستەگەن.
2006-2008 جىلدارى – ق ر مادەنيەت جانە اقپارات مينيسترلىگى اقپارات جانە مۇراعات كوميتەتىندە باس مامان، باس ساراپشى.
2008-2012 جىلدارى – ق ر پرەمەر-مينيسترى كەڭسەسىنىڭ اقپارات-ساراپتاما ورتالىعىندا باس كەڭەسشى.
2012-2016 جىلدارى – ق ر پرەزيدەنتى جانىنداعى «ورتالىق كوممۋنيكاسيالار قىزمەتى» ديرەكتورىنىڭ ورىنباسارى، پارلامەنت ءماجىلىسى ءتوراعاسىنىڭ كەڭەسشىسى.
2016 جىلدىڭ ماۋسىمىنان وسى ۋاقىتقا دەيىن ق ر مادەنيەت جانە اقپارات مينيسترلىگى اقپارات كوميتەتىنىڭ ءتورايىمى بولدى.
