الماتىدا جاڭا Almaty Street Fitness فيتنەس جوباسى ىسكە قوسىلدى.

بۇگىن تۇڭعىش پرەزيدەنت ساياباعىندا وسى جوبا اياسىندا العاشقى جاتتىعۋ ءوتتى. 30-عا جۋىق جينالعان قالا تۇرعىنى ءبىرىنشى ازداپ شىنىعىپ، ساياباقتا جۇگىردى، ال سودان سوڭ، نەگىزگى جاتتىعۋلارعا كىرىستى. Almaty Street Fitness بارلىق قالاۋشىلارعا «Fitness blitz» نۇسقاۋشىلارىمەن دەمالىس كۇندەرى تەگىن سپورتپەن شۇعىلدانۋعا مۇمكىندىك بەرەدى.

ۇيىمداستىرۋشىلاردىڭ ايتۋىنشا، باعدارلاما كەلەشەكتە دە ءوز جالعاسىن تابادى جانە مۇنداي شارالار ءار اپتا سايىن وتەتىن بولادى. ءوز كەزەگىندە، قاتىسۋشىلار اسەرلەرىمەن ءبولىسىپ، العىستارىن جەتكىزدى.

«بىزگە وتە ۇنادى، وسىنداي جوبانىڭ باستالعانىنا قۋانىشتىمىز. نۇسقاۋشىلارمەن بىرگە تازا اۋادا تاڭعى جاتتىعۋدى كەرەمەت وتكىزدىك. ولار بارلىعىن ءتۇسىندىرىپ، كورسەتتى. ءبىز وتباسىمىزبەن بىرگە سپورتپەن شۇعىلدانىپ، سالاۋاتتى ءومىر سالتىن ۇستانامىز. بۇل سپورتتىق شارانىڭ اپتا سايىن وتكىزىلۋى بارلىعى ءۇشىن سپورتپەن دۇرىس ءارى تەگىن شۇعىلدانۋعا مۇمكىندىك بەرەدى»، - دەدى قالا تۇرعىنى ايمان جۇماحمەتوۆا.

جوبانىڭ باستى ماقساتى - قالا تۇرعىندارى مەن قوناقتارىن دۇرىس تاماقتانۋ مەن جاتتىعۋ ەرەجەلەرىمەن تانىستىرۋ.

بۇل شاراعا بارلىعى تەگىن قاتىسا الادى. جاتتىعۋلار «سپورتتىق الماتى» باعدارلاماسى اياسىندا ىسكە اسىرىلادى. «Fitness blitz» نۇسقاۋشىلارىمەن وتەتىن شەبەرلىك ساباقتارى ءار اپتا سايىن، دەمالىس كۇندەرى وتكىزىلەدى. ايتا كەتەر جايت، وتكىزىلۋ ورنى وزگەرۋى مۇمكىن، كەشكى جاتتىعۋلار دا قاراستىرىلعان.

بۇقارالىق جاتتىعۋدىڭ وتكىزىلۋ ورنى مەن ۋاقىتىن almatysports.kz سايتىنان جانە دە الەۋمەتتىك پاراقشالاردان بىلۋگە بولادى.