سەناتور ءبىرعانىم ءايتىموۆا Qazkom بانكىنىڭ استانا قالاسىنداعى فيليالىنىڭ قىزمەتكەرلەرى وعىز دوعانعا قازاق تىلىندە قىزمەت كورسەتۋدەن باس تارتۋىنا قاتىستى پىكىر ءبىلدىردى.
Sputniknews.kz پورتالىنىڭ مالىمەتىنە سۇيەنسەك، سەناتور بارلىق سالادا مەملەكەتتىك تىلدە قىزمەت كورسەتە الاتىن قىزمەتكەرلەر بولۋى ءتيىس ەكەنىن ايتقان.
«مەن بانككە بارعاندا قاي تىلدە سويلەسەم، سول تىلدە جاۋاپ الامىن. مۇندا ەش قيىندىق جوق. دەگەنمەن، زاڭعا سايكەس، بارلىق سالادا كليەنتتەرگە مەملەكەتتىك تىلدە اقپارات بەرۋگە مىندەتتى. زاڭ بارىنە ورتاق. ادامنىڭ ىشكى مادەنيەتى قالىپتى، ەموسياعا سالىنباي سۇراق قويىپ، سول كەيىپتە جاۋابىن تالاپ ەتە الاتىنداي بولۋى ءتيىس. ال بانك باسشىلىعى مەملەكەتتىك تىلدە قىزمەت كورسەتە الاتىن قىزمەتكەرلەردىڭ مىندەتتى تۇردە بولۋىن قاداعالاۋى كەرەك»، — دەدى ءبىرعانىم ءايتىموۆا.
ايتا كەتەيىك، وعىز دوعان قازاق تىلىندە قىزمەت كورسەتۋدەن باس تارتقان Qazkom بانكىنىڭ قىزمەتكەرلەرىن ۆيدەوعا ءتۇسىرىپ، جەلىگە جۇكتەگەن بولاتىن. ول بانك كەشىرىم سۇرماسا، «ەير استانا» سياقتى ولاردى دا سوتقا بەرەتىنىن مالىمدەدى.
