كەشە الماتى قالاسى المالى اۋدانىنىڭ جول-كولىك پوليسياسى ءۇش ەر ادامدى ۇستادى، دەپ حابارلايدى Qamshy.kz اقپارات اگەنتتىگى الماتى قالالىق ءىىد باسپا ءسوز قىزمەتىنە سىلتەمە جاساپ.
كۇدىكتىلەر Toyota Venza كولىگىنىڭ ەكى دوڭگەلەگىن شەشىپ العانى انىقتالدى.
«ءۇش ەر ادام Hyundai Accent ماركالى كولىكپەن قاشقان. پوليسەيلەر كولىكتى گوگول مەن نۇرماقوۆ كوشەلەرىنىڭ قيىلىسىندا توقتاتتى» دەيدى الماتى قالالىق ءىىد وكىلى.
ۇستالعانداردىڭ كىم ەكەنى انىقتالدى. ۇشەۋى دە قازاقستان رەسپۋبليكاسىنىڭ ازاماتتارى. 1991، 1994، 1995 جىلعى كۇدىكتىلەر سوتتالماعان.
الماتى قالالىق ءىىد مالىمەتىنە سايكەس، المالى اۋداندىق ءىىب-نىڭ تەرگەۋ بولىمىندە ق ر قك 188 بابى بويىنشا سوتقا دەيىنگى تەكسەرۋ جۇمىستارى جۇرگىزىلىپ جاتىر»
