استانا قالاسىنىڭ ءىىد جەرگىلىكتى پوليسيا قىزمەتىنىڭ تابيعاتتى قورعاۋ پوليسياسىنىڭ قىزمەتكەرلەرى ازاماتتاردىڭ ستيحيالىق قوقىس قالدىقتارىن توگۋىنە جول بەرمەۋ ماقساتىندا كۇندەلىكتى بەلگىلى ءبىر ءىس-شارالاردى جۇرگىزىپ وتىرادى. وسى رەتتە ءتارتىپ ساقشىلارى قوقىس قالدىقتارى كوپتەپ توگىلەتىن جەرلەردى تەكسەرۋدە، دەپ حابارلايدى ەلوردا اكىمدىگىنىڭ رەسمي سايتى.

تەكسەرۋ جۇمىستارىنىڭ بارىسىندا جەرگىلىكتى پوليسيا قىزمەتى تابيعاتتى قورعاۋ پوليسياسىنىڭ قىزمەتكەرلەرى ۇلىتاۋ كوشەسىنىڭ بويىنداعى بەلگىلەنبەگەن ورىندا «كاماز» ماركالى اۆتوكولىكتىڭ 49 جاستاعى جۇرگىزۋشىسىنىڭ باتپاقتى توككەنىن انىقتادى. قۇقىق بۇزۋشى ق ر اقبتك-نىڭ 505 بابى «قالالار مەن ەلدi مەكەندەردiڭ اۋماقتارىن اباتتاندىرۋ قاعيدالارىن بۇزۋ…» بويىنشا اكىمشىلىك جاۋاپكەرشىلىككە تارتىلدى. وعان 10 اەك (24 050 تەڭگە) مولشەرىندە ايىپپۇل سالىندى.

«ال 59 جاستاعى «Howo» ماركالى اۆتوكولىكتىڭ جۇرگىزۋشىسى تۇران كوشەسىندە بەلگىلەنبەگەن جەردە بەتون قالدىقتارىن توككەنى ءۇشىن ق ر اقبتك-نىڭ 505 بابى  «قالالار مەن ەلدi مەكەندەردiڭ اۋماقتارىناباتتاندىرۋ قاعيدالارىن بۇزۋ…» بويىنشا اكىمشىلىك جاۋاپكەرشىلىككە تارتىلدى. وعان سالىنعان ايىپپۇلدىڭ مولشەرى 20 اەك (48 100 تەڭگەنى) قۇرايدى»، - دەلىنگەن حابارلامادا. 

ايتا كەتەيىك، جىل باسىنان بەرى استانا قالاسى ءىىد جپق تابيعاتتى قورعاۋ پوليسياسىنىڭ قىزمەتكەرلەرى ق ر اقبتك-نىڭ 505 بابى «قالالار مەن ەلدi مەكەندەردiڭ اۋماقتارىن اباتتاندىرۋ قاعيدالارىن بۇزۋ…» بويىنشا 558 جۇرگىزۋشىنى انىقتاپ، اكىمشىلىك جاۋاپكەرشىلىككە تارتتى. سالىنعان ايىپپۇلدىڭ  جالپى سوماسى 14 ملن 600 مىڭ تەڭگەدەن اسادى.