1 ناۋرىز كۇنى  ۇلتتىق  ناقىشتاعى  كادەسىيلار مەن  زەرگەرلىك  بۇيىمدار  وندىرەتىن «ادەمى-اي»  كومپانياسى جانە «ادەمى-اي» ونەر مۇراجايى بىرلەسىپ «ۇلت جاۋھارلارى»  اتتى كورمە وتكىزدى.  كورمە 8 ناۋرىز حالىقارالىق ايەلدەر مەرەكەسىنىڭ  قۇرمەتىنە وراي ۇيىمداستىرىلىپ، وندا كونە جادىگەرلەر مەن جاڭا كادەسىيلار ۇسىنىلدى. 

كورمەگە الماتى قالاسىنىڭ اكىمىنىڭ ورىنباسارى زاۋرەش امانجولوۆا، الماتى قالاسى اكىمشىلىگى جانىنداعى «ايەلدەر ءىسى جانە وتباسى-دەموگرافيالىق ساياسات جونىندەگى گەندەرلىك كوميسسيا» مۇشەلەرى، ب ا ق وكىلدەرى جانە  قالا تۇرعىندارى قاتىستى. كورمەدە ءسوز العان زاۋرەش امانجولوۆا بۇگىنگى  «ادەمى-ايدىڭ»  وسى  يگى  شاراسىن  وتە جوعارى باعالاپ، جاڭا كادەسىيلارعا دەگەن تاڭدانىسىن جاسىرمادى. ۇلت مۇرالارىن ۇلىقتاپ جۇرگەن باحارگۇل تولەگەنقىزىنا يگى تىلەكتەرىن  ايتتى. كورمە سوڭىندا ءسوز العان كومپانيا ديرەكتورى باحارگۇل تولەگەن قىزى جينالعان  كورەرمەندى   كەلە جاتقان 8 ناۋرىز حالقارالىق ايەلدەر مەرەكەسىمەن قۇتتىقتاي وتىرىپ،  كومپانيانىڭ   بۇگىنگى ماقساتى تۋرالى بىلاي دەدى: - ءبىزدىڭ باستاپقى ماقساتىمىز ءوزىمىزدىڭ ۇلتتىق قۇندىلىقتارىمىزدى ۇلىقتاپ، سالت-داستۇرىمىزگە ساي كادەسىيلار شىعارۋ بولاتىن، سوعان ساي وسى كۇندە جۇمىس جاساپ كەلەمىز. جالپى بۇگىنگى سىزدەرگە كورسەتىپ وتىرعان كادەسىيلارىمىز-  ءبىزدىڭ ديزاينەرلەر توبىنىڭ سوڭعى 6 اي كولەمىدە جاساعان ەڭبەگىنىڭ جەمىسى. ءبىز ءقازىر مۇراجايدا تۇرعان  بايىرعى  بۇيىمدارىمىزدى جاڭعىرتىپ، نەگىزگى ەرەكشەلىكتەرىن ساقتاي وتىرىپ، بۇگىنگى كۇنگە ساي نۇسقاسىن جاساۋدى قولعا الدىق. ماسەلەن، الدارىڭىزدا تۇرعان وڭىرجيەك، قۇداعي جۇزىك، شاشباۋ، بىلەزىك سياقتى اشەكەي زاتتىردا وسىدان 2 عاسىر بۇرىنعى بەلگىلەر قاز قالپىندا ساقتالدى. قۇرمەتتى ب ا ق وكىلدەرى، ءبىزدىڭ وسىنداي اتقارىپ جاتقان جۇمىسىمىزدى ەل-جۇرت ءبىلىپ، ارتىق-كەمىمىزدى ايتۋى ءتيىس دەپ ويلايمىز، ول ءۇشىن سىزدەردىڭ كومەكتەرىڭىز، قولداۋلارىڭىز اۋاداي قاجەت. سول ۇشىندە وسى كورمەنى ۇيىمداستىرىپ وتىرمىز. «ادەمى-اي» كومپانياسى ۇسىنعان جاڭا كادەسىيلاردىڭ قاتارىندا، قازاق ەلىنىڭ تاريحىنان سىر شەرتىپ، بۇگىنگى كەلبەتىن بەينەلەيتىن «قازاقستان تاريحى» تاباقشاسى، «ناۋرىز»، «جەتى قازىنا»، «ەرتوقىم» كارتينالارى، زەرگەرلىك اشەكەيلەر،  جىبەكتەن جاسالعان توقىما بۇيىمدار، وڭىرلەرگە ارنالعان تاباقشالار توپتاماسى، قازاق حالقىنىڭ سوعىس قارۋلارى مەن ساز اسپاپتارى ۇلگىسىندە جاسالعان فلەش-كارتالار بولدى. وسىنداي كورمە جۋىردا استانا قالاسىندا وتەدى دەپ جوسپارلانۋدا.