بەلگىلى كومپوزيتور ءارى دومبىراشى اسىلبەك ەڭسەپوۆ مس سايلاۋبەكپەن كەلىسىمشارتقا وتىرعانى تۋرالى اڭگىمەنى جوققا شىعاردى. بۇل تۋرالى ول ZTB.kz باسىلىمىنا بەرگەن سۇحباتىندا ايتتى.
"سايلاۋبەك ەكەۋمىزدىڭ بىرگە تۇسكەن سۋرەتىمىز ينتەرنەتكە شىققاننان باستاپ بارلىعى ءبىزدى بىرگە جۇمىس ىستەيتىن بولدى نەمەسە مەنى سايلاۋبەككە پروديۋسەر بولدى دەپ جاتىر. ءبىراق بۇل ولاي ەمەس. مەن ونىمەن اتىراۋداعى جەرگىلىكتى مەيرامحانالاردىڭ بىرىندە كەزدەسىپ قالدىم. وسى كۇنى ۇشىپ كەتۋىم كەرەك ەدى، سوعان دەيىن دوستارىممەن بىرگە تاماقتانىپ وتىرعانمىن. سايلاۋبەكتى كوپ ادامدار بايقاپتى، ونىڭ ىشىندە قازاقستانعا بەلگىلى تاەكۆوندوشى ارمان ءشىلمانوۆ تا بار. ءبىزدى تانىستىرعان سول. جىگىتتەر سايلاۋبەككە ەندى ىشىمدىك ىشپەۋگە كومەكتەسىپ، تازا كيىمدەر ساتىپ اپەرگەن. ىشىمدىك ىشكەن كەزدە ونى كەيبىر ادامدار ۇرىپ، جاعدايىن پايدالانعان. سايلاۋبەك وتە جاقسى ءارى زيالى ادام بولىپ شىقتى. ول مەكتەپتى قىزىل ديپلومعا بىتىرگەن. تەك ومىرىندەگى كەي قيىندىقتارعا بايلانىستى وسىنداي جاعدايعا تۇسكەن. ونىڭ ينتەرنەت جۇلدىزى بولۋى تەگىن ەمەس. مەن وعان جاڭا ءومىر باستاۋىنا مۇمكىندىك بارىن، بارلىعى ءۇشىن شۇكىرشىلىك ەتۋ كەرەكتىگىن ايتتىم. ونىڭ ۆيدەوسىن العاش كورگەنىمدە قازاق بالاسىنىڭ وسىنداي ءريتمى بارىنا قاتتى قۋندىم. بۇل بارلىعىنا اسەر ەتتى دەپ ويلايمىن. ءبىزدىڭ ىنتىماقتاستىعىمىز تۋرالى ەشتەڭە ايتا المايمىن، سەبەبى مەن مۋزىكانىڭ باسقا جانرىنىڭ وكىلىمىن. دەگەنمەن، ناقتى بىردەڭە دەۋ قيىن. بولاشاقتا سەرىكتەس بولۋىمىز مۇمكىن، دەگەنمەن ءقازىر ەمەس"، - دەدى كومپوزيتور.
وتكەن اپتادا اسىلبەك ەڭسەپوۆ Instagram جەلىسىندەگى پاراقشاسىنا مس سايلاۋبەكپەن تۇسكەن سۋرەتىن جاريالادى. سونىمەن قاتار، مۋزىكانت وسى ادامعا كومەكتەسكەنىنە قۋانىشتى ەكەنىن جازعان. قولدانۋشىلار كومپوزيتوردى سايلاۋبەكپەن كەلىسىمشارتقا وتىردى دەپ، وسى حاباردى الەۋمەتتىك جەلى ارقىلى تاراتقان بولاتىن.
رەپەر مس سايلاۋبەك اقپانداعى ءوزى تۋرالى YouTube پورتالىنا شىققان ۆيدەودان كەيىن تانىمال بولىپ، الەۋمەتتىك جەلىلەردە ول تۇسكەن بەينەروليكتەر كەڭ تارالدى. ۆيدەودان ىشىمدىك ءىشىپ العان ەر ادامنىڭ تۇسىنىكسىز تىلدە رەپ ايتىپ جاتقانىن كورۋگە بولادى. وسىدان كەيىن ونىڭ ءانىن وڭدەپ، پاروديا جاسايتىندار كوبەيدى.
https://youtu.be/GZAGtwlqS9w
kaz.tengrinews.kz
