ءانشى ەرنار ايدار شىمكەنت قالاسىندا “اق باقىتىم” اتتى 3 D فورماتىندا كونسەرت وتكىزگەن سوڭ، ونى قايرات نۇرتاسپەن سالىستىرۋشىلار كوبەيدى. تىڭدارماندارىنا 3 D فورماتتا كەش ۇيىمداستىرعان ول جاڭا اندەرىن ورىنداپ، كوپشىلىكتى قۋانتتى. ەرنار ايدار – 2012 جىلى “جارىعىم-اي” انىمەن حالىقتى ەلەڭ ەتكىزىپ، تەز تانىلعان ءانشى. بۇگىندە ونىڭ ءاربىر تۋىندىسى حيتكە اينالىپ، تىڭدارماندارىنىڭ قاتارىن ارتتىرۋدا. شىمكەنتتە وتكەن “اق باقىتىم” كونسەرتى دە بۇل جولدا سەپتىگىن تيگىزبەك. سەبەبى، كەش 3 D فورماتتا ءوتتى. كونسەرت 4 بولىمنەن قۇرالدى. كەش بارىسىندا قورجىنىنداعى 80-نەن استام تۋىندىنىڭ ۇزدىكتەرى ورىندالدى. ەرنار ايداردى  قايرات نۇرتاسپەن سالىستىرىپ، تانىمال انشىگە ەلىكتەيدى دەپ ەسەپتەيتىندەر كوپ. ءتىپتى، جاس ءانشى قايراتتىڭ ىزىنە ەرىپ، 3 D كونسەرتىن دە ەلگە ۇسىندى. ءبىراق ءانشى قايراتقا ەلىكتەمەيتىنىن ايتىپ، اقتالدى. الداعى ۋاقىتتا ول  جەكە كونسەرتىمەن ەلىمىزدىڭ وزگە وڭىرلەرىن ارالاماق. كەيىننەن، مەلودراما جانرىندا كينو ءتۇسىرىپ، باستى ءرولدى ءوزى سومداماق.