جاپونيادا ءوتىپ جاتقان مانەرلەپ سىرعاناۋدان الەم چەمپيوناتىنىڭ كۇمىس جۇلدەگەرى، قازاقستاندىق ەليزابەت تۇرسىنبايەۆا جارىس سوڭىنداعى باسپا ءسوز ءماسليحاتىندا جۋرناليستەر سۇراعىنا جاۋاپ بەردى دەپ حابارلايدى Qamshy.kz اقپارات اگەنتتىگى ♦Olympic.kz سايتىنا سىلتەمە جاساپ.

جۋرناليستەر قاۋىمى تۇرسىنبايەۆاعا تورتتىك سالحوۆتى ورىنداۋعا قاتىستى ساۋال تاستاعان.

- قازىرگى قۋانىشىمدا شەك جوق. كۇمىس مەدال مەن ءۇشىن كۇتپەگەن جۇلدە بولدى. وسى ساتكە دەيىن بۇل ەلەمەنتتى تازا ورىنداعانىما سەنە الار ەمەسپىن. تاڭەرتەڭگى جاتتىعۋ ساتىمەن ءوتتى. سوڭعى ەكى جارىستا سالحوۆتى ورىنداۋ بارىسىندا قاتە جىبەرگەنىمدى بىلەسىزدەر. مىنە، بۇگىن تازا ورىنداپ شىقتىم. مۇز ايدىنىنا بەت العان كەزدە ءوزىمدى كەرەمەت سەزىنگەنمىن. سول سەزىم سوڭىنا دەيىن جوعالعان جوق، - دەدى تۇرسىنبايەۆا.

ەسكە سالا كەتەيىك، ەليزابەت تۇرسىنبايەۆا قازاقستان سپورتىنىڭ تاريحىندا تۇڭعىش رەت الەم چەمپيوناتىنىڭ كۇمىس جۇلدەگەرى اتاندى. 

سونداي-اق، ايەلدەر اراسىندا تورتتىك سالحوۆتى تۇڭعىش ورىنداعان سپورتشى رەتىندە تاريحتا قالدى.

ۇسىنعان: ماقپال سەمباي