گرۋزيا پرەزيدەنتى سالومە زۋرابيشۆيلي ازەربايجان ۇلت وكىلەرىنىڭ گرۋزين ءتىلىن ناشار بىلەتىندىگىنە قاراماستان، ولارمەن ورىس تىلىندە سويلەسۋدەن تۇبەگەيلى باس تارتتى دەپ حابارلايدى Qamshy.kz اقپارات اگەنتتىگى ♦ruposters.ru سايتىنا سىلتەمە جاساپ.
پرەزيدەنت ازەربايجان ۇلت وكىلدەرىن ناۋرىز مەيرامىمەن قۇتتىقتاۋ ءۇشىن ارنايى گارداباني قالاسىنا بارعان. گرۋزيا پرەزيدەنتى گرۋزين ءتىلىن ناشار بىلەتىن جەرگىلىكتى تۇرعىندارمەن ورىس تىلىندە سويلەسۋدەن باس تارتتى.
"مەن سىزدەرمەن ورىس تىلىندە سويلەسپەيمىن. بۇل تالقىلانبايدى. ول ءبىزدى بىرىكتىرەتىن ءتىل ەمەس. مەن ازەربايجان تىلىندە بىرنەشە ءسوز جاتتاي الامىن. ءبىراق ءبىزدىڭ بولاشاعىمىز ءبارىمىزدىڭ ءبىر تىلدە سويلەۋىمىزگە بايلانىستى" - دەدى ەل پرەزيدەنتى.
فرانسياعا دۇنيەگە كەلىپ، سوندا وسكەن زۋرابيشۆيلي گرۋزين تىلىندە دۇرىس سويلەي المايتىنى ءۇشىن ۇنەمى سىننىڭ استىندا قالاتىنىن ەسكە سالا كەتەيىك.
Ruposters جازىپ وتكەندەي، 2018 جىلدىڭ قاراشا ايىندا سايلاۋدا جەڭىسكە جەتكەن سوڭ زۋرابيشۆيلي رەسەي فەدەراسياسىمەن بىرىگۋگە قارسى شىعىپ، ماسكەۋدىڭ سىرتقى ساياساتىن سىناپ، ەلىنىڭ ناتو مەن ەۋرو وداققا كىرۋ جولىن ۇستانانىن مالىمدەگەن ەدى. ول كرەمل "ابحازيا مەن وڭتۇستىك وسەتيانى جاۋلاپ العانىن" مويىنداعاننان كەيىن عانا كەلىسسوز جۇرگىزەتىنىن ايتقان-دى.
ۇسىنعان: ماقپال سەمباي
