دارحان كالەتايەۆ پرەزيدەنت اكىمشىلىگى باسشىسىنىڭ ءبىرىنشى ورىنباسارى بولدى، - دەپ حابارلايدى Qamshy.kz اقپارات اگەنتتىگى اقورداعا سىلتەمە جاساپ.
"دارحان امان ۇلى كالەتايەۆ قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ ءبىرىنشى ورىنباسارى بولىپ تاعايىندالسىن"، - دەلىنگەن جارلىقتا.
ەسكە سالا كەتسەك، كالەتايەۆ 1 ناۋرىزدا پرەمەر-مينيستر كەڭسەسىنىڭ باسشىسى قىزمەتىنە تاعايىندالعان ەدى. دارحان كالەتايەۆ 1972 جىلى شىعىس قازاقستان وبلىسىندا دۇنيەگە كەلگەن.
شىعىس قازاقستان مەملەكەتتىك ۋنيۆەرسيتەتىن "تاريح" ماماندىعى بويىنشا، مەملەكەتتىك باسقارۋ ۇلتتىق جوعارى مەكتەبىن "مەملەكەتتىك باسقارۋ مەنەدجەرى" ماماندىعى بويىنشا ءتامامداعان. ساياسي عىلىمدار دوكتورى.
ەڭبەك جولىن 1995 جىلى ق ر مينيسترلەر كابينەتىنىڭ تىلدەر كوميتەتىنىڭ مامانى رەتىندە باستاعان. ءبىلىم جانە مادەنيەت، اقپارات جانە قوعامدىق كەلىسىم مينيسترلىكتەرىنىڭ قۇرىلىمىندا جۇمىس ىستەگەن.-2002 جىلدارى مادەنيەت جانە قوعامدىق كەلىسىم مينيسترلىگىنىڭ ىشكى ساياسات دەپارتامەنتى ديرەكتورىنىڭ ورىنباسارى، كەيىن اقپارات جانە قوعامدىق كەلىسىم مينيسترلىگىنىڭ جاستار ساياساتى دەپارتامەنتىنىڭ ديرەكتورى بولىپ جۇمىس ىستەدى.
2002 جىلدان باستاپ - ق ر پرەزيدەنتى اكىمشىلىگىنىڭ سەكتور مەڭگەرۋشىسى، ىشكى ساياسات ءبولىمىنىڭ مەڭگەرۋشىسى، الەۋمەتتىك-ساياسي ءبولىم مەڭگەرۋشىسى، مەملەكەتتىك باقىلاۋ جانە ۇيىمداستىرۋ ءبولىمىنىڭ مەڭگەرۋشىسى قىزمەتىن اتقارعان.
2007-2008 جىلدارى - ق ر پرەزيدەنتى اكىمشىلىگى باسشىسىنىڭ ورىنباسارى، 2008-2009 جىلدارى - "نۇر وتان" حدپ ءتوراعاسىنىڭ ءبىرىنشى ورىنباسارى، 2009-2016 جىلدارى - "سامۇرىق-قازىنا" ۇلتتىق ءال-اۋقات قورى" اق باسقارۋشى ديرەكتورى قىزمەتتەرىن اتقارعان.
ۇسىنعان: ماقپال سەمباي
