قىرىلعان اقبوكەندەر سانى 100 مىڭعا جۋىقتاپ قالىپتى. بيلىك تە، حالىق تا جايباراقات قالىپتا... ءولدى مە، ءولدى... كوپ قىرىلدى ما، كوپ قىرىلدى... 30-جىلدارداعى قازاق اشارشىلىعىنا سوۆەتتىك قوعامنىڭ قالاي جاناشىرلىق تانىتقانىن كوز الدىما ەلەستەتە الاتىن سياقتىمىن. اقبوكەنىمىزدىڭ قىرىلۋىنا قالاي نەمقۇرايلىلىق تانىتساق، ستاليندىك جۇيە دە ءدال وسىلاي سامارقاۋلىعىن بايقاتتى.
سول كەزدە مارقۇم قانداستارىمىزدىڭ ءولى دەنەسى مىنا فوتوداعى اڭدار سياقتى كەڭ دالادا شاشىلىپ جاتقان بولار؟
سول كەزدىڭ شولاق بەلسەندىلەرى دە ماسكەۋگە قاراي جالتاقتاپ، ءوز سۇراعىنا ءوزى جاۋاپ تاپپاي دال بولعان شىعار؟
قازاقتىڭ سورى بىتپەيدى.
قازاقتىڭ "سورىن قايناتقان" جوڭعارلار مەن ستاليندەر ەمەس.
مىنا پۋتين دە "قايناتا" قويار دەپ ويلامايمىن.
قازاقتىڭ سورى ونىڭ جالتاقتىعى مەن سامارقاۋلىعىندا...
سەرىك اباس-شاح
