«ءتىل سىناعىنان ءوتتىم. ەندى تىركەپ جاتسا، قول سىناعى، قالدى اعايىن! 120 مىڭ قول جيناۋ كەرەك!». ورتالىق سايلاۋ كوميسسياسى جانىنان قۇرىلعان پرەزيدەنتتىككە كانديداتتىڭ مەملەكەتتىك ءتىلدى مەڭگەرۋ دەڭگەيىن انىقتايتىن لينگۆيستيكالىق كوميسسياسىنان شىققان ءامىرجان قوسانوۆ ءوزىنىڭ الەۋمەتتىك جەلىدەگى پاراقشاسىندا وسىلاي دەپ جازدى.

ال  كوميسسيا  ءتوراعاسى مىرزاتاي جولداسبەكوۆ پرەزيدەنتتىككە كانديداتتىڭ  ەمتيحاننىڭ بارلىق ءۇش كەزەڭىنەن سۇرىنبەي وتكەنىن ايتتى.

–جازبا جۇمىسىن بيىك دەڭگەيدە جازىپ، تاقىرىپتى تەرەڭ قامتىدى. قادىر مىرزا ءالى زامانداسىمىزدىڭ ولەڭىن ەركىن، ادەمى وقىدى. ءۇشىنشى "ونەر-بىلىم بار جۇرتتار" دەگەن تاقىرىپتا دا وتە ادەمى اڭگىمە ءوربىتتى. ءبىز قاناعاتتاندىق. سونىمەن لينگۆيستيكالىق كوميسسياسىنىڭ قورىتىندىسى - قوسانوۆ ءامىرجان ساعيدراحمان ۇلى مەملەكەتتىك ءتىلدى ەركىن مەڭگەرگەن. باسقا پىكىر جوق، – دەدى مىرزاتاي جولداسبەكوۆ.