ورتالىق كوممۋنيكاسيالار قىزمەتىندە ۆولونتەرلىك قوزعالىستى دامىتۋ بويىنشا qazvolunteer.kz فۋنكسيونالدىق ونلاين-پلاتفورمانىڭ تۇساۋكەسەرى ءوتتى دەپ حابارلايدى Qamshy.kz اقپارات اگەنتتىگى.

"ونلاين-پلاتفورمانىڭ فۋنكسيونالدىق مۇمكىندىكتەرى ۆولونتەرلەرگە جاڭا باستامالاردى ىسكە اسىرۋعا، ءوز قىزمەتى تۋرالى اقپاراتتى اشىق قول جەتكىزۋگە، جوبالاردى جانە ءىس-شارالاردى ۇيىمداستىرۋشىلارعا ۆولونتەرلەر مەن ۆولونتەرلىك ۇيىمداردى تابۋعا مۇمكىندىك بەرەدى"، - دەدى اقپارات جانە قوعامدىق دامۋ مينيسترلىگى ازاماتتىق قوعام ىستەرى كوميتەتىنىڭ ءتوراعاسى ءاليا عالىموۆا.

Qazvolunteer.kz ونلاين-پلاتفورماسى ارقىلى ەلدەگى وتكىزىلگەن جانە جوسپارلانعان ءىس-شارالار ت. ب. تۋرالى اقپاراتتار الۋعا مۇمكىندىك بار.

سونداي-اق، پلاتفورمادا وتكىزىلگەن جۇمىستىڭ قورىتىندىسى بويىنشا ۆولونتەرلەردىڭ رەيتينگى قالىپتاستىرىلاتىن بولادى.

ءاليا عالىموۆانىڭ ايتۋىنشا، قازاقستانداعى ەرىكتىلەر ازاماتتىق بەلسەندىلىكتىڭ كەڭ تاراعان فورمالارىنىڭ ءبىرى بولىپ تابىلادى.

ونلاين-تۇعىرنامانى ق ر اقپارات جانە قوعامدىق دامۋ مينيسترلىگى "ۇلتتىق ۆولونتەرلەر جەلىسى" زتب-مەن بىرلەسىپ ازىرلەدى.

ايتا كەتسەك، قازىرگى ۋاقىتتا 200-دەن استام ۆولونتەرلىك ۇيىم بەلسەندى جۇمىس ىستەيدى. ەرىكتىلەر قوزعالىسىمەن 50 مىڭنان استام ادام قامتىلعان.

ۇسىنعان: ادىلەت مادەنيەت