قازاقستان حالقى اسسامبلەياسىنىڭ "پاراسات" قايىرىمدىلىق قىزمەتىن ۇيلەستىرۋ ورتالىعى ەلوردالىق دوستىق ۇيىندە جۇمىس ىستەيدى دەپ حابارلايدى Qamshy.kz اقپارات اگەنتتىگى قحا سايتىنا سىلتەمە جاساپ.

ورتالىقتىڭ اشىلۋىنا وراي ۇيىمداستىرىلعان ءىس-شاراعا ەلوردالىق اسسامبلەيانىڭ ەتنومادەني جانە جاستار بىرلەستىكتەرىنىڭ باسشىلارى، قازاقستان حالقى اسسامبلەياسى مەسەناتتار كلۋبىنىڭ مۇشەلەرى مەن قالانىڭ قايىرىمدىلىق قورلارىنىڭ وكىلدەرى قاتىستى.

كەزدەسۋ اياسىندا نۇر-سۇلتان قالاسىنىڭ قازاقستان حالقى اسسامبلەياسى حاتشىلىعىنىڭ مەڭگەرۋشىسى ءلاززات قۇسايىنوۆا قاتىسۋشىلاردى قايىرىمدىلىق ىسىندەگى جاڭا كەزەڭنىڭ باستالۋىمەن قۇتتىقتادى.

نۇر-سۇلتان قازاقستان حالقى اسسامبلەياسى باسشىسىنىڭ ورىنباسارى ەلباسى – قحا ءتوراعاسى نۇرسۇلتان نازاربايەۆتىڭ تاپسىرماسى بويىنشا اسسامبلەياعا مەسەناتتار قاۋىمداستىعىنىڭ باس ۇيلەستىرۋشىسىنىڭ ءرولى بەكىتىلگەنىن اتاپ ءوتتى.

"اسسامبلەيا – بۇل قالا بويىنشا قايىرىمدىلىق قىزمەتتىڭ ۇيلەستىرۋشى ورگانى. ءبىز قايىرىمدىلىقپەن اينالىساتىن بارلىق ۇيىمدارمەن ىنتىماقتاستىقتا جۇمىس ىستەيتىن بولامىز"، – دەدى سپيكەر.

سونىمەن قاتار ءاربىر ادامنىڭ ءدىني نانىم-سەنىمىنە قاراماستان يگى ءىس جاساۋعا دەگەن بورىشى تۋرالى «ىرىسكەلدى قاجى» مەشىتىنىڭ يمامى ياحيا قاجى يسمايلوۆ ايتىپ ءوتتى.

ال قازاقستان رەسپۋبليكاسىنىڭ "ۆايناح" شەشەن-ينگۋش قوعامىنىڭ مادەنيەتىن دامىتۋ قاۋىمداستىعى" زاڭدى تۇلعالار بىرلەستىگىنىڭ باسقارما مۇشەسى يۋسۋپ كەليگوۆ ەلباسىنىڭ قازاقستان حالقى اسسامبلەياسى بازاسىندا قايىرىمدىلىق قىزمەتىن بەكىتۋ تۋرالى باستاماسىنىڭ ماڭىزدىلىعىن اتادى.

بۇگىن، سپيكەردىڭ ايتۋىنشا، اسسامبلەيانىڭ "قايىرىمدىلىق كەرۋەنى" جوباسى تۇراقتىلىق تاۋىپ، وعان «پاراسات» ورتالىعىنىڭ اشىلۋى سەبەپ بولدى.

كەزدەسۋ بارىسىندا باسقا دا قاتىسۋشىلار ءوز ويلارىن ورتاعا سالدى.

ءىس-شارا سوڭىندا قايىرىمدىلىق كومەك كورسەتىپ جۇرگەن مەسەناتتار العىس حاتتارمەن ماراپاتتالدى.

ءلاززات قۇسايىنوۆانىڭ سوزىنشە، بۇل ادامدار قايىرىمدىلىق كومەك كورسەتۋ ارقىلى "ءوز جاندارىنىڭ جومارتتىعىمەن ءبولىسىپ" جۇرگەن ادامدار.

سونىمەن قاتار "دۋستليك" قازاقستان رەسپۋبليكاسى وزبەكتەر قاۋىمداستىعى ءتوراعاسىنىڭ ورىنباسارى، كاسىپكەر جانە مەسەنات حاسان ءشارىپوۆ، "ۆايناح" شەشەن-ينگۋش ەتنومادەني ورتالىعى» قوعامدىق بىرلەستىگىنىڭ ءتوراعاسى، كاسىپكەر جانە مەسەنات باشير سولسانوۆ، نۇر-سۇلتان قالاسىنىڭ قازاقستان حالقى اسسامبلەياسى انالار كەڭەسىنىڭ مۇشەسى روزا قۇراشيەۆا، كاسىپكەر جانە مەسەناتتار داۋت گەنحۋزوۆ پەن ىرزا تۇرسىنزادا قالالىق اسسامبلەيا حاتشىلىعىنىڭ مەڭگەرۋشىسىنىڭ قولىنان قۇرمەت گراموتاسىن الدى.

ۇسىنعان: ادىلەت مادەنيەت