1 مامىر – حالقىمىزدىڭ بىرلىگى كۇنى بولىپ ەسەپتەلەدى. قازاقتىڭ بايتاق دالاسى بۇگىندە 130-دان ارتىق ۇلت وكىلدەرىنە ورتاق وتان بولىپ تۇر.
بۇل مەرەكەنىڭ ماقساتى - ەل ىشىندەگى ءتۇرلى ۇلت پەن ءدىن وكىلدەرىنىڭ بىر-بىرىنە دەگەن سىي-قۇرمەتىن ارتتىرىپ، تاتۋلىقتى، بىرلىكتى، ورتاق قۇندىلىقتاردى ناسيحاتتاۋ.
«بىرلىك بولماي تىرلىك بولماس». راس! بەرەكەنى كوزدەگەن ەل مەرەكەلى تىرلىك جاساۋدان جالىقپاعان.. «بەرەكە باستاۋى بىرلىك، ەل ءىشى تاتۋ تىرلىك» قاعيداسىن ۇستانعان ەل ءۇشىن بۇل مەيرامنىڭ ورنى ەرەك.
جىل سايىن اتاۋلى مەرەكەدە قازاقستان اۋماعىندا تۇرىپ جاتقان 130-دان استام ۇلت پەن ۇلىس وكىلدەرى كيەلى قارا شاڭىراقتا ءتاتۋ-تاتتى، بەرەكە مەن بىرلىكتە، بەيبىتشىلىك پەن ىنتىماقتا ءومىر ءسۇرىپ جاتقاندىعىن تويلايدى. ەلىمىزدەگى ەتنوستاردى بۇرىنعىدان دا جاقىنداستىرۋ ءۇشىن بۇكىل قازاقستاندا جاپپاي پاتريوتتىق شەرۋلەر وتەدى.
بۇگىندە «دوستىق» اتتى ءبىر شاڭىراق استىنا شوعىرلانعان ءاربىر ۇلتتىق-مادەني ورتالىقتار مەرەكەدە ءان ايتىپ، بي بيلەپ، جالپىحالىقتىق مەيرامدا ءداستۇر مەن سالتقا تولى ءتۇرلى كورىنىستەر كورسەتىلەدى. حالىقتىڭ كوڭىل-كۇيىن كوتەرۋ ءۇشىن ءتۇرلى سپورتتىق جارىستار ۇيىمداستىرىلادى.
1995 جىلدىڭ ناۋرىزىندا دۇنيە جۇزىنە ۇلگى بولىپ وتىرعان، ۇلتارالىق تاتۋلىق پەن تۇراقتىلىقتىڭ فەنومەنى – قازاقستان حالىقتارى اسسامبلەياسى قۇرىلدى.
بۇل ەشبىر ەلدە بولماعان ەرەكشە، ساياسي ماڭىزى زور قۇرىلىم. اسسامبلەيا 365 مۇشەسى، 471-دەن استام رەسپۋبليكالىق، وڭىرلىك، وبلىستىق، قالالىق ۇلتتىق-مادەني بىرلەستىكتەرى 500-گە جۋىق كىشى اسسامبلەيا مۇشەلەرىنىڭ باستارىن بىرىكتىرىپ، ءبىزدىڭ ورتاق ءۇيىمىز – قازاقستاندا شىنايى دوستىقتى قامتاماسىز ەتىپ كەلەدى. بۇگىندە ءاربىر ۇلتقا سالت-داستۇرلەرىن جاڭعىرتۋعا، مادەنيەتى مەن ادەبيەتىن دامىتۋعا، ءتىلىنىڭ جەتىلۋىنە قامقورلىق كورسەتىلۋدە.
قازاقستاننىڭ ساياسي جۇيەسىندە ماڭىزدى تۇتقا بولىپ تابىلاتىن اسسامبلەيا بۇگىنگى تاڭدا بارلىق ەتنوستاردىڭ مۇددەسىن ورتاق قازاقستاندىق مۇددەگە اينالدىرۋدى، ۇلتتىق ەرەكشەلىكتەرىنە قاراماستان بارلىق ازاماتتاردىڭ قۇقىعى مەن ەركىندىگىن ساقتاۋدى قامتاماسىز ەتەتىن قوعامدىق ينستيتۋت رەتىندە تولىعىمەن قالىپتاستى.
قازاقستاندا تۇراتىن بارلىق ۇلتتار مەن ەتنوستار قالىپتاستىرعان ەل بىرلىگى مەن تۇراقتىلىقتى ساقتاۋعا باعىتتالعان قازىرگى مول تاجىريبە ەتنوس ارالىق پروبلەمالاردى شەشۋدىڭ الەمدىك تاجىريبەسىنە ەنۋدە.
قازاقستاننىڭ بىرلىگى كۇنى بارلىق بالاباقشالاردان باستاپ، مەكتەپ، ۋنيۆەرسيتەتتەردە، كوللەدجدەر مەن ج ش س، جەكەمەنشىكتەگى كاسىپورىندار مەن مەملەكەتتىك ۇيىمداردا ايتارلىقتاي اتاپ وتىلەدى. ماقساتى – قازاقستان حالقىنىڭ بىرلىگىن نىعايتۋ، جاستاردى دوستىق پەن ىنتىماقتاستىقتا ءومىر سۇرۋگە تاربيەلەۋ.
تاۋەلسىز قازاقستاندا مەيرام 1996 جىلدان باستاپ تويلانادى. 1 مامىردى قازاقستان حالقىنىڭ بىرلىگى كۇنى دەپ جاريالاۋ تۋرالى بۇيرىققا قازاقستان پرەزيدەنتى نۇرسۇلتان نازاربايەۆ 1995 جىلدىڭ 18 قازانىندا قول قويىپ، ەڭبەكشىلەر كۇنىن تويلاۋدان باس تارتتى. بۇل كۇنى قازاقستان رەسپۋبليكاسىندا تۇراتىن حالىقتاردى بىرلىككە، ىنتىماققا ۇيىتاتىن مەرەكەلىك شارالار وتكىزىلەدى. قازاقستان — كوپ ۇلتتى مەملەكەت. ەلدە 150-دەن استام ۇلت پەن ۇلىس وكىلدەرى ءبىر تۋدىڭ استىندا ءتاتۋ-تاتتى عۇمىر كەشۋدە. قازاقستان حالقىنىڭ بىرلىگى كۇنى قالاي اتاپ وتىلەدى؟ ءان ايتىلىپ، بي بيلەنەدى.
بىرلىگىمىز جاراسىپ، ەلىمىز تىنىش بولىپ، ۇلت دەمەي، باسقا دەمەي تاتۋلىقتا، بەيبىت ومىردە كۇن كەشەيىك، دوستار! 1 مامىر قۇتتى بولسىن!
جيناقتاپ، ۇسىنعان: ماقپال سەمباي
