"رۋحاني جاڭعىرۋ" اياسىندا ل.ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىندە ساۋلەت-قۇرىلىس فاكۋلتەتىنىڭ ۇيىمداستىرۋىمەن حالىقارالىق ەتنيكالىق شىعارماشىلىق كورمە بولىپ ءوتتى.
ەلباسىنىڭ "رۋحاني جاڭعىرۋ" باعدارلاماسىن جۇزەگە اسىرۋ ماقساتىندا ۇيىمداستىرىلعان كورمەگە وقۋ ورنىنىڭ باسشىلارى، فاكۋلتەت دەكانى، پروفەسسور-وقىتۋشىلار، جاستار ۇيىمدارىنىڭ كوشباسشىلارى جانە ونەر جولىن قۋعان ستۋدەنت-جاستار قاتىستى.
كورمەنىڭ نەگىزگى ماقساتى – جاستاردىڭ شىعارماشىلىعىن شىڭداۋ جانە ولارعا قولداۋ كورسەتىپ، "رۋحاني جاڭعىرۋ" باعدارلاماسىن جۇزەگە اسىرۋعا بەلسەنە قاتىسۋعا شاقىرۋ.
كورمەنىڭ سالتاناتتى اشىلۋ راسىمىندە ەۇۋ الەۋمەتتىك-مادەني دامۋ جونىندەگى پرورەكتور، فيلولوگيا عىلىمدارىنىڭ دوكتورى، پروفەسسور، ق ر ۇعا اكادەميگى ديحان قامزابەك ۇلى ءسوز سويلەدى. عالىم ءوز سوزىندە ۋنيۆەرسيتەتتەگى شىعارماشىل جاستاردىڭ ۇسىنىسى قولداۋ تاپقانىن جانە بۇگىنگى كورمە سونىڭ ناتيجەسى ەكەنىن اتاپ ءوتتى.
سونداي-اق ديحان قامزابەك ۇلى كورمەگە قاتىسۋشىلاردى رەكتور ەرلان ءباتتاش ۇلىنىڭ اتىنان قۇتتىقتاي كەلىپ، بۇگىنگى شارانىڭ ماڭىزدىلىعىنا توقتالدى. بۇگىنگى كورمە اياسىنداعى اڭگىمە ەۇۋ ستۋدەنتتەرىنە عانا ەمەس قازاقستاندىق جاستارعا دا رۋحاني قۇندىلىق رەتىندە قوسىمشا سەرپىن بەرەتىنىن جەتكىزدى.
شاراعا جينالعاندار كورمەنىڭ جوعارى دەڭگەيدە ۇيىمداستىرىلعانىن اتاي كەلىپ، وعان بەلسەنە اتسالىسقان پروفەسسور ت.وتەشوۆا، دوسەنت ك.بەگىمباي، دوسەنت مىندەتىن اتقارۋشى ج.سادىقوۆا، ماگيستر ز.بوزتايعا ەرەكشە ريزاشىلىقتارىن ءبىلدىردى.
ۇسىنعان: ادىلەت مادەنيەت
