قازاقستان رەسپۋبليكاسى تۇڭعىش پرەزيدەنتىنىڭ باستاماسىمەن وسىدان ەكى جىل بۇرىن ىسكە قوسىلعان "رۋxاني جاڭعىرۋ" مەملەكەتتىك باعدارلاماسى اياسىندا قاراعاندى وبلىسىندا 500-گە تارتا جوبا جۇزەگە اسقان. بۇل جايىندا "رۋxاني جاڭعىرۋ" جوبالىق كەڭەسىنىڭ وكىلدەرى مالىمدەدى دەپ حابارلايدى Qamshy.kz اقپارات اگەنتتىگى BAQ.KZ پورتالىنا سىلتەمە جاساپ.
ەلباسىنىڭ "بولاشاققا باعدار: رۋxاني جاڭعىرۋ" ماقالاسىنىڭ نەگىزىندە ايماقتاردا جۇمىس ىستەگەن باعدارلاما كوپتەگەن جوبالار مەن تىڭ يدەيالارعا باستاۋ بەردى.
"بۇل باعدارلاما جايلى ءبىزدىڭ وبلىسىمىزدىڭ شالعايداعى ەلدى مەكەندەرىنىڭ تۇرعىندارى دا xاباردار. ەكى جىل ىشىندە 500-گە تارتا جوبا ىسكە اسىرىلدى. ونىڭ ىشىندە 16 جوبانى ايماقتىڭ ءبىلىم بەرۋ مەكەمەلەرى ويلاپ تاپتى. بۇگىنگى تاڭداعى باستى ماقسات – جوبالاردىڭ جۇمىس ىستەپ تۇرعاندىعىن كورسەتۋ"، - دەيدى "رۋxاني جاڭعىرۋ" باعدارلاماسىنىڭ باس مەنەدجەرى سەرىك ساناۋبايەۆ.
"رۋxاني جاڭعىرۋ" باعدارلاماسى شەڭبەرىندە وبلىستىڭ ءبىلىم وردالارى قورشاعان ورتانى ساقتاۋ مەن ەكولوگيانى جاقسارتۋ ماقساتىندا "ءوز اعاشىڭدى وتىرعىز"، "گەنەرالدار ساياباعى" سياقتى جوبالاردى ەنگىزگەن.
"قاراعاندى مەملەكەتتىك تەxنيكالىق ۋنيۆەرسيتەتى اتالعان باعدارلامانى جۇزەگە اسىرۋعا بەلسەنە اتسالىسادى. بيىلعى جىل ەلباسىنىڭ باستاماسىمەن "جاستار جىلى" دەپ جاريالاندى. بۇل جىل اياسىندا دا كوپتەگەن شارالار اتقارىلۋدا"، - دەيدى قارمتۋ-دىڭ عىلىمي-زەرتتەۋ ينستيتۋتىنىڭ ديرەكتورى گۇلجان كۋدارىنوۆا.
ۇسىنعان: ادىلەت مادەنيەت
