كۇللى ەۋروپانى مويىنداتقان اتاقتى ليتۆالىق رەجيسسەر يوناس ۆايتكۋس ساحنالاعان يران-عايىپتىڭ «قورقىتتىڭ كورى» اڭىز-داستانى ەندى ەلوردا تورىندە قويىلماق. 22-28 ماۋسىم ارالىعىندا استانا كۇنىنە وراي ۇيىمداستىرىلاتىن «ساحنادان سالەم» اتتى ءىىى حالىقارالىق تەاتر فەستيۆالىنە ون ءبىر ونەر ۇجىمى قاتىسادى. ونىڭ قاتارىندا ەلىمىزدەن بولەك رەسەيدىڭ ماسكەۋ گۋبەرنيالىق جانە گرۋزيانىڭ تبيليسي قالاسى الەكساندر گريبوەدوۆ اتىنداعى مەملەكەتتىك اكادەميالىق ورىس دراما تەاترلارى بار. ق ر ەڭبەك سىڭىرگەن قايراتكەرى ەرلان ءبىلالوۆ باستاعان قازاقتىڭ مۇحتار اۋەزوۆ اتىنداعى مەملەكەتتىك اكادەميالىق دراما تەاترى «قورقىتتىڭ كورى» سپەكتاكلىن قازان ساحناسىندا قويىپ، حالىقارالىق دارەجەدەگى ونەر سىنشىلارى مەن ساراپشىلاردىڭ جوعارى باعاسىنا يە بولىپ قايتقان بولاتىن. بۇل جولى تەاتر ۇجىمى استانا قالاسىنىڭ «جاستار» تەاترى ساحناسىندا ەلوردا قوناقتارى مەن كورەرمەندەرىن تاڭقالدىرماق.
تەاتردىڭ «باسپا ءسوز قىزمەتى»
پىكىر قالدىرۋ