جاقىندا تانىمال كينو جۇلدىزى اندجەلينا دجولي يسلام ءدىنىن قابىلداپ، تۇركياداعى بوسقىندار لاگەرىنە باردى. بۇل تۋرالى «قامشى» پورتالى قىرعىزستاندىق «kabarlar.org» سايتىنا سىلتەمە جاساي وتىرىپ جازادى.

اكتريسا، رەجيسسەر جانە بۇۇ-نىڭ ەلشىسى انجلەينا دجولي الەم ەلدەرىندەگى بوسقىندار لاگەرلەرىنە بارىپ، ونداعى جاعدايدى الەم نازىرانا ۇسىنۋدى ۇردىسكە اينالىرىپ كەلەدى. مىسالى، وكەن اپتادا تانىمال جۇلدىز بىردەن بىرنەشە لاگەرلەردى ارالاعان. اۋەلى ول ۇلى پاكسپەن بىرگە ناميبياعا، سوسىن ليۆياعا، سوسىن قىزى شايلومەن بىرگە تۇركياداعى بوسقىندار لاگەرىنە بارعان.

اندجەلينا ءدجوليدىڭ تۇركياعا ساپارى بارىسىندا ول قولىنا «ءتاسپى» ۇستاپ جۇرگەنىن فوتووپەراتورلار ءتۇسىرىپ العان.  اكتريسانىڭ ءوز سوزىنە سەنسەك، ونىڭ ۇيىندە ءدىني تانىمدىق كىتاپتار وتە كوپ جانە ءتۇرلى ءدىني اعىمنىڭ وكىلدەرى تۇرادى. سونداي-اق، جيھان كەزىپ جۇرەتىن ءارتىس ءدىني ورىندارعا، مەشىتكە بارىپ قۇدايعا ءمىناجات ەتۋگە دە ۋاقىت تابادى. ول وسىنداي ساپارلاعا بالالارىن بىرگە الىپ جۇرەدى. سونىمەن قاتار، تانىمال ارتىستەر جانۇياسىنداعى بالالار حريستيان، بۋدديزم جانە يسلام ءدىنىنىڭ قاينارلارىمەن سۋسىنداۋدا.

«ءبىز بالالارىمىزعا بارلىق ءدىندى قۇرمەتتەۋدى ۇيرەتەمىز. ولار كەلەشەكتە قانداي ءدىندى ۇستاناتىنىن وزدەرى شەشەدى. دەگەنمەن، ءبىز ولاردى مەشىتكە، عيباداتحاناعا، شىركەۋگە اپارىپ، ولاردى ءدىننىڭ قاينارلارىمەن سۋسىنداتۋعا تىرىسىپ ءجۇرمىز»،-دەيدى اكتريسا.

نۇرزات توعجان