ادامداردىڭ كوبى اعىلشىن ءتىلىن ۇيرەنىپ نەمەسە بىلگەنىن جەتىلدىرگىسى كەلسە، قاراپايىم، ساپالى جانە ىڭعايلى باعدارلامالاردى ىزدەيدى. اعىلشىن ءتىلىن بارلىق جەردە قاي ۋاقىتتا بولسا دا ۇيرەنەتىن 10 باعدارلامانى «قامشى» پورتالى ۇسىنادى.
“ۋاقىتىم جوق” دەگەن تاپتاۋرىن سەبەپ تابىلا قالادى. نەگىزى وتە جۇمىسباستى ادام دا اعىلشىن ءتىلىن وقۋ ءۇشىن ۋاقىت تابۋىنا بولادى. ەڭ باستىسى ونداعى ساباقتار ۇزاق جانە جالىقتىراتىن بولماۋى ءتيىس. تەك قانا تۇراقتى بولسا اعىلشىن ءتىلىن ۇيرەنۋگە بولادى. بۇل ەڭ ماڭىزدى قويىلاتىن تالاپ. اعىلشىن ءتىلىن ۇيرەنۋدى جاقسى ادەتكە اينالدىرىپ، سوزەردى جۇمىسقا بارا جاتىپ نەمەسە كوفە ءىشىپ وتىرعان كەزدە قايتالاۋعا سىزدەرگە وسى IOS پەن Android-قا ارنالعان باعدارلامالار كومەكتەسەدى.
iCan ABC
بۇل باعدارلاما اعىلشىن ءتىلىن جاڭادان ۇيرەنە باستاعاندارعا ارنالعان. ارىپتەر پەن دىبىستاردى ۇيرەنىپ، سويلەۋىڭىزدى جاقسارتقىڭىز كەلسە iCan ABCء-دى لايىقتى دەپ باعالايسىز. ءبىراق اقىسىز باعدارلامانى شەكتەۋلى ۋاقىتقا عانا قوندىرا الاسىز. باعدارلاما اعىلشىن تىلىمەن ەندى تانىسىپ جاتقان بالالارعا جارايدى.
Words
Apple رەداكسياسى وسى باعدارلامانى “ءبىلىم” كاتەگورياسىنداعى ەڭ مىقتى دەپ ەسەپتەگەنى جاي ەمەس. باعدارلامانىڭ بازاسىندا 8 مىڭنان استام ءسوز بار، سونىمەن قاتار باعدارلاما وفلاين رەجيمىندە قولجەتىمدى. ەڭ باستى ايىرماشىلىعى: باعدارلاما ءبىر قولدانۋشىعا بەيىمدەلەنىپ، تاپسىرمالار مەن تەستتەردە الدىنعى ساباقتا سىزدە قيىنشىلىق بولعان سوزدەردى ۇسىنادى. ەگەر ءبىر ءسوزدى انىقتاعان كەزدە قاتە جىبەرسەڭىز، ەسىڭىزگە ساقتاعانشا سول ءسوز سىزگە قايتا ۇسىنىلادى.
Easy Ten
وسى باعدارلامانىڭ كومەگىمەن كۇن سايىن 10 ءسوز ەسىڭىزگە ساقتاپ لەكسيكاڭىزدى تولىقتىرىپ تۇراسىز. باعدارلاما ءسىزدىڭ كوپ ۋاقىتىڭىزدى المايدى – كۇنىنە 20 مينۋت كوڭىل بولسەڭىز جەتكىلىكتى. 20 مىڭنان استام اعىلشىن ءسوزى بار، ارنايى جاتتىعۋ قۇرىلعى ارقىلى ءسىزدىڭ سويلەي الۋ مۇمكىندىگىڭىزدى جەتىلدىرەدى. سونىمەن قاتار سوزدەردى تاقىرىپ تىزىمدەرى بويىنشا ءبولىپ قويساڭىز بولادى.
Learn English
باعدارلاما ءسىزدىڭ گرامماتيكاڭىزدى جەتىلدىرەدى جانە سويلەم قۇراستىرعان كەزدە قاتەلەرىڭىزبەن جۇمىس جاسايدى. تەكست ماتەريالدارى، اۋديوفايلدار مەن تەستتەر ءبىلىمىڭىزدى تولىقتىرادى.
Rosetta Stone
بۇل باعدارلاما اسسوسياسيالار ارقىلى سوزدەردى ەستە ساقتاۋعا كومەكتەسەدى. ايتىلۋىڭىزدى باعالايتىن باعدارلاما جاتتاعان سوزدەردى دۇرىس ايتۋعا كومەكتەسەدى. باعدارلاما اقىسىز، ءبىراق اقىلى مالىمەتتەر بار.
English Grammar in Use Activities
Cambridge University Press باعدارلاماسى گرامماتيكالىق داعدىلارىڭىزدى جەتىلدىرۋگە كومەك بەرەدى. ارتيكلدار قولدانۋى، تەرىس ەتىستىكتەر مەن زات ەسىمدەردى اۆتوماتيزمعا دەيىن جەتكىزە الاسىز.
Conversation English
يديوما مەن اعىلشىن تىلىندەگى ءسوز تىركەستەرىن وقۋعا ارنالعان ىڭعايلى باعدارلاما. Conversation English ارقىلى كوممۋنيكاتيۆتىك داعدىلارىڭىزدى، داۋىستاپ وقۋىڭىزدى جەتىلدىرىپ، ءسوز قورىڭىزدى كوبەيتەسىز.
English At Work
بيزنەس-اعىلشىن ءتىلىنىڭ تاجىريبەسىنە ارنالعان باعدارلاما. سويلەۋ، ىسكەرلىك حاتتاردى جازۋ داعدىلارىڭىزدى كۇشەيتىپ، سوزدىك قورىڭىزدى جاڭا سوزدەرمەن تولىقتىرىپ، جۇمىستاعى كوممۋنيكاسيادا كەزدەسەتىن جاڭا يديومالاردى جاتتاي الاسىز.
15500 Useful English Phrases
بۇل كۇندەلىكتى ومىرىمىزدە كەزدەسەتىن 15 500 قىزىقتى يديومالارى بار باعدارلاما-سوزدىك.
WordBook — English Dictionary & Thesaurus
بۇل سوزدىك- 15 مىڭ ءسوز بەن 23 مىڭ ەتيمولوگيالىق سوزگە باي. سونىمەن قاتار ورفوگرافيالىق تەكسەرۋگە، اناگرامما قۇرۋ ءۇشىن ءسوز ىزدەۋگە بولادى. وسىعان قوسا كۇن سايىن باعدارلاما ۇسىنعان بۇگىنگى كۇننىڭ ءسوزىن جاتتاي الاسىز. سوزدىك وفلاين رەجيمىندە قولجەتىمدى.
اتالعان باعدارلامانىڭ اعىلشىن ءتىلى ءار-تۇرلى دەڭگەيدەگى ادامدارعا ارنالعان. باعدارلاما كۇردەلىلىگىنىڭ دەڭگەيىن ءوزىڭىز رەتتەي الاسىز. وسىلايشا اعىلشىن ءتىلىن ۇيرەنۋگە بولادى. تالاپتانعان ادامعا ءتىل ۇيرەنۋ قيىن ەمەس.
ايسۇلۋ تۇرسىنبايەۆا
