ەلىمىزدىڭ بارلىق زاڭدارىنىڭ نەگىزى بولعان «اتازاڭىمىزعا»  20 جىل تولىپتى. بارلىعىڭىزدى وسى ايتۋلى مەرەكەمەن قۇتتىقتايمىن!  ءبىر عاسىردىڭ 1/5 بولاتىن 20 جىل ىشىندە ەلىمىز ءۇشىن وسى زاڭنىڭ ءرولى قالاي بولدى؟ اتا-بابامىزدىڭ مۇرا قىلىپ تاستاپ كەتكەن دالاسىنا الاشتىڭ ارمانى بولعان تاۋەلسىزدىگىمىزدە «اتازاڭىمىز» قازاققا قالاي قىزمەت ەتۋدە؟ نەدەن ۇتقانىمىزدى وتاندىق تەلەارنالارىمىز ايتىپ تا جاتقان بولار. ءبىز نەدەن ۇتىلىپ جاتقانىمىزدى ايتىپ، «اتازاڭنىڭ» ورىندالماي جاتقان جانە وزگەرتۋگە ءتيىستى ءبىر- ەكى باپىنا توقتالىپ كەتەيىك.

«اتازاڭىمىزدىڭ» بەتىن اشىپ وقىپ باستاي سالساڭىز، مىناداي تاماشا باپقا كوڭىلىڭىز تولادى. 1- ءبولىمنىڭ 1- بابى: «قازاقستان رەسپۋبليكاسى ءوزiن دەموكراتيالىق، زايىرلى، قۇقىقتىق جانە الەۋمەتتiك مەملەكەت رەتiندە ورنىقتىرادى، ونىڭ ەڭ قىمبات قازىناسى - ادام جانە ادامنىڭ ءومiرi، قۇقىقتارى مەن بوستاندىقتارى»،- دەلىنگەن. قالاي ريزا بولمايسىڭ؟ الايدا،  گەپتيل مەن پروتوننىڭ ۋىن جۇتىپ وتىرعان ادامنىڭ قۇقىقتارى قورعالدى دەپ ايتۋعا كەلمەس. ەگەر ەلىمىزدىڭ بايلىعى ادام جانە ونىڭ ءومىرى بولسا،  "انتيگەپتيل" قوعامدىق ۇيىمىنىڭ پروتون مەن گەپتيلدىڭ ادام ومىرىنە قانشالىقتى ءقاۋىپتى ەكەنى تۋارلى جانايعايىنا بيلىك جاعىنان جاۋاپتار بولار ەدى. ەكونوميكالىق جاعىنان پايدالى بولعاندىقتان، ادام ءومىرى مەن دەنساۋلىعىنا توندىرەر قاۋىپكە قاراماستان، بايقوڭىر ايلاعىنان ۇشىرىلاتىن «پروتون» زىمىران-تاسىعىشتارى 2025 جىلعا دەيىن توقتاتىلمايتىنى تۋرالى تالعات مۇسابايەۆ مىرزا ايتقان بولاتىن.

 ءدىن جاعىنان ايتساق، زايىرلى ەل ەكەنبىز، دۇرىس. ءبىراق زايىرلى ەكەنبىز دەپ كورىنگەن سەكتا مەن اعىمنىڭ وشاعىنا اينالماعانىمىز ءجون. ءبىر ۇلتتىڭ ۇلتتىق بەلگىسىنىڭ ءبىرى- ونىڭ ءتىلى. ال ءبىز مەملەكەتتى قۇراۋشى ۇلتپىز، ءبىزدىڭ مەملەكەتىمىزدىڭ ءتىلى -قازاق ءتىلى. مەملەكەتتىك ءتىلىمىز- قازاق ءتىلى بولسا دا، ءالى كۇنگە دەيىن رەسمي تۇردە مەملەكەتتىك ءتىلدى تولىق مارتەبەگە يە بولا الماي وتىر. نەگە دەسەڭىز، «اتازاڭىمىزدىڭ» 7- باپىنىڭ 2- تارماعىندا: «مەملەكەتتiك ۇيىمداردا جانە جەرگiلiكتi ءوزiءن-وزi باسقارۋ ورگاندارىندا ورىس تiلi رەسمي تۇردە قازاق تiلiمەن تەڭ قولدانىلادى»،- دەگەن مەملەكەت تىلىنە جاسالعان ۇلكەن قيانات تۇر. اقىن، قوعام قايراتكەرى مۇحتار شاحانوۆ باستاپ ەلباسىنا وسى تارماقتى الىپ تاستاۋ تۋرالى نەشە رەت اشىق حاتتار جازسا دا، وسى تارماقتى الۋعا ءبىزدىڭ بيلىكتىڭ شاماسى ءالى دە كەلمەۋدە. وسى باپ الىنبايىنشا، ءبىزدىڭ مەملەكەتتىك ءتىلىمىز – انا ءتىلىمىزدىڭ كوسەگەسى كوگەرمەسى انىق. انا ءتىلىمىزدىڭ قادىرىنە جەتپەي تۇرىپ اتا-بابا اماناتىن ورىندادىق دەپ ايتۋىمىزعا كەلمەس.

پرالمەنت پەن ۇكىمەت، سوتتار تۋرالى بولىمدەرىن ايتىپ ءسوزدى كوبەيتىپ وتىرۋدىڭ قاجەتى بولماس. اتازاڭىمىزدا كورسەتىلگەندەي، مەملەكەتىمىز ءوز اۋماعىنىڭ تۇتاستىعىن، قول سۇعىلماۋىن جانە ءبولiنبەۋiن قامتاماسىز ەتەدi دەگەن سەنىمدەمىز. 20 جاسقا تولعان «اتازاڭىمىز» اتا-بابا اماناتىن ارقالاپ، ۇرپاق الدىندا ادال قىزمەت اتقارىدى دەگەن سەنىمدەمىز.

تۇردىبەك قۇرمەتحان