جۋىردا الماتىداعى «توعاناي ت» باسپاسىنان حيروشيماداعى جاپونيا-ەۆرازيا ۇيىمىنىڭ، جاپونيا فولكلورتانۋشىلار اسسوسياسياسىنىڭ، ەۆرازيا جازۋشىلار وداعىنىڭ مۇشەسى شارافات جىلقىبايەۆانىڭ «كۇنەكەيدىڭ ەلىندە» دەپ اتالاتىن كىتابى جارىق كوردى.

كءىتاپقا عالىمنىڭ ەجەلگى جاپون مادەنيەتىنىڭ باستاۋلارى مەن بۇگىنگى دامۋ بەلەستەرى تۋرالى زەرتتەۋ ماقالالارى ەنگىزىلگەن. جاپون ميفتەرى، اڭىزدارى مەن ەرتەگىلەرىمەن ايشىقتالعان كىتاپ قازىرگى جاپونيانىڭ عىلىمي، تەحنولوگيالىق جەتىستىكتەرى، ءبىلىم جۇيەسى، ۇلتتىق تاربيە نەگىزدەرى مەن تۇرمىس-تىرشىلىگى تۋرالى مالىمەتتەرگە باي. «الاتاۋ، فۋدزي اراسى»، «وموتەناشي: جاپون قوعامىنداعى مىنسىزدىك»، «فۋدزي گۇلدەگەندە» دەگەن ءۇش تاراۋدان تۇراتىن بۇل ەڭبەك اۆتوردىڭ فولكلورتانۋ، شىعىستانۋ مەن ادەبيەت تاريحى بويىنشا زەرتتەۋ ماقالالارىن، سونداي-اق ءار جىلدارى جاپون ازاماتتارىمەن، قازاقتىڭ عىلىم-ونەر قايراتكەرلەرىمەن جۇرگىزگەن قىزىقتى سۇحباتتارىن دا قامتيدى.