3 مامىر ساعات 19:00-دە بالۋان شولاق اتىنداعى سپورت جانە مادەنيەت كەشەنىندە 2025–2026 ماۋسىمىنداعى الماتى ستۋدەنتتىك ليگاسىنىڭ (اسل) فينالى جانە جەڭىمپازداردى سالتاناتتى ماراپاتتاۋ ءراسىمى وتەدى.
الماتى ستۋدەنتتىك ليگاسى — 2025 جىلى الماتى قالاسى اكىمدىگىنىڭ قولداۋىمەن ىسكە قوسىلعان اۋقىمدى سپورت جوباسى. قىسقا ۋاقىت ىشىندە ليگا قالانىڭ ستۋدەنتتىك سپورتىنداعى ماڭىزدى وقيعالاردىڭ بىرىنە اينالىپ، 36 جوعارى وقۋ ورنىنان 1300-دەن استام قاتىسۋشىنى جانە 108 كوماندانى بىرىكتىردى.
جارىس وقۋ جىلى بويى تولىققاندى چەمپيونات فورماتىندا فۋتبول، ۆولەيبول جانە باسكەتبول بويىنشا وتەدى. 2025–2026 ماۋسىمى قىركۇيەك ايىندا باستالىپ، كۇزگى جانە كوكتەمگى كەزەڭدەردى قامتي وتىرىپ، مامىر ايىندا قورىتىندىلانادى.
فينال جارقىن سپورتتىق-ويىن-ساۋىق ءىس-شاراسى بولماق. باعدارلامادا جەڭىمپاز كوماندالاردى ماراپاتتاۋ، جەكەلەي نوميناسيالار بويىنشا ۇزدىك ويىنشىلاردى قۇرمەتتەۋ، سونداي-اق تانىمال جاس ورىنداۋشىلاردىڭ ونەر كورسەتۋى قاراستىرىلعان.
كەشتىڭ جۇرگىزۋشىلەرى — ستەنداپ-كوميك اڭساعان سادىرعانوۆ پەن ينفليۋەنسەر ايدانا كەنتايەۆا. قوناقتاردى تانىمال ارتيستەردىڭ قاتىسۋىمەن مازمۇندى كونسەرتتىك باعدارلاما كۇتەدى.
اسل — تەك جارىس الاڭى عانا ەمەس، ستۋدەنتتىك سپورتتى دامىتۋعا، سالاۋاتتى ءومىر سالتىن ناسيحاتتاۋعا جانە جوعارى وقۋ ورىندارى اراسىنداعى دوستىق بايلانىستى نىعايتۋعا باعىتتالعان زاماناۋي پلاتفورما. ليگانىڭ بىرەگەي فورماتى، تەگىن قاتىسۋ مۇمكىندىگى جانە ويىنداردىڭ ونلاين كورسەتىلىمى جوبانى جاستار ءۇشىن قولجەتىمدى ءارى تارتىمدى ەتەدى.
بارشاڭىزدى كوماندالاردى قولداۋعا جانە الماتىداعى ەڭ جارقىن جاستار سپورت وقيعالارىنىڭ ءبىرىنىڭ كۋاسى بولۋعا شاقىرامىز.
اككرەديتاسيا ءۇشىن بايلانىس: 87771153355، اسەل.
