3 مامىر بالۋان شولاق اتىنداعى سپورت سارايىندا 2025–2026 ماۋسىمىنداعى الماتى ستۋدەنتتىك ليگاسىنىڭ (اسل) فينالدىق تۋرى جانە جەڭىمپازداردى سالتاناتتى ماراپاتتاۋ ءراسىمى ءوتتى.

الماتى قالاسى اكىمدىگىنىڭ قولداۋىمەن وتكەن جوبا بيىل 30-دان استام جوعارى وقۋ ورنىنان 1300-دەن استام ستۋدەنتتى بىرىكتىردى. وقۋ جىلى بويى كوماندالار فۋتبول، ۆولەيبول جانە باسكەتبول بويىنشا ب ا ق سىناپ، جوعارى دايىندىق پەن ناعىز كوماندالىق رۋح كورسەتتى.

فينالدىق كۇن تارتىستى ماچتارعا تولى بولىپ، ماۋسىمنىڭ ۇزدىك كوماندالارى انىقتالدى. كەشكىسىن قۇرمەتتى قوناقتار، سپورتشىلار مەن جانكۇيەرلەر قاتىسقان اۋقىمدى ماراپاتتاۋ ءراسىمى ۇيىمداستىرىلدى.

جەڭىمپازدار مەن جۇلدەگەرلەر ءار سپورت ءتۇرى مەن ديۆيزيون بويىنشا انىقتالىپ، سونداي-اق ءتۋرنيردىڭ ۇزدىك ويىنشىلارىنا، جاتتىقتىرۋشىلارىنا جانە سپورتشىلارىنا جەكە ماراپاتتار تابىستالدى. ءىس-شارانىڭ ەرەكشە رۋحىن ارتيستەر مەن جۇرگىزۋشىلەردىڭ ونەرى تولىقتىرىپ، ونى تەك سپورتتىق ەمەس، جارقىن جاستار مەرەكەسىنە اينالدىردى.

الماتى ستۋدەنتتىك ليگاسى ستۋدەنتتىك سپورتتى دامىتۋداعى ماڭىزدى الاڭ رەتىندە قالىپتاسىپ، جاستاردى بىرىكتىرىپ، سالاۋاتتى ءومىر سالتىن ناسيحاتتاپ، جاڭا ەسىمدەردىڭ تانىلۋىنا جول اشىپ كەلەدى.

ماۋسىم قورىتىندىسى بويىنشا ۆولەيبول، فۋتبول جانە باسكەتبول بويىنشا جەڭىمپازدار مەن جۇلدەگەرلەر انىقتالدى.

ۆولەيبول (ا ديۆيزيونى، ەرلەر):

1 ورىن — قازاق سپورت جانە تۋريزم اكادەمياسى (قازستا)

2 ورىن — SDU University

3 ورىن — ءال-فارابي اتىنداعى قازۇۋ

ۆولەيبول (ايەلدەر، ا ديۆيزيونى):

1 ورىن — قازستا

2 ورىن — Satbayev University

3 ورىن — ءال-فارابي اتىنداعى قازۇۋ

ۆولەيبول (ۆ ديۆيزيونى، ەرلەر):

1 ورىن — ۇقك اكادەمياسى

2 ورىن — قازبسقا

3 ورىن — ۇقك شەكارا اكادەمياسى

ۆولەيبول (ايەلدەر، ۆ ديۆيزيونى):

1 ورىن — قازستا

2 ورىن — UIB

3 ورىن — قازاق ۇلتتىق اگرارلىق زەرتتەۋ ۋنيۆەرسيتەتى

فۋتبول (ا ديۆيزيونى):

1 ورىن — Turan University

2 ورىن — قازستا

3 ورىن — الماتى گۋمانيتارلىق-ەكونوميكالىق ۋنيۆەرسيتەتى

فۋتبول (ۆ ديۆيزيونى):

1 ورىن — س.د. اسفەندياروۆ اتىنداعى قازۇمۋ

2 ورىن — قازستا

3 ورىن — UIB

فۋتبول (س ديۆيزيونى):

1 ورىن — Narxoz University

2 ورىن — ازاماتتىق اۆياسيا اكادەمياسى

3 ورىن — Turan University

باسكەتبول (ا ديۆيزيونى):

1 ورىن — IT Legion (حاتۋ)

2 ورىن — قازستا

3 ورىن — Turan University

باسكەتبول (ۆ ديۆيزيونى):

1 ورىن — س.د. اسفەندياروۆ اتىنداعى قازۇمۋ

2 ورىن — الماتى ەنەرگەتيكا جانە بايلانىس ۋنيۆەرسيتەتى (اەجبۋ)

3 ورىن — قازبسقا

باسكەتبول (ايەلدەر):

1 ورىن — ءال-فارابي اتىنداعى قازۇۋ

2 ورىن — قازستا

3 ورىن — قبتۋ

سونداي-اق، تۋرنير قورىتىندىسى بويىنشا ۇزدىك ويىنشىلارعا جەكە ماراپاتتار تابىستالدى:

— فۋتبولدان ۇزدىك ويىنشى (ا ديۆيزيونى) — ماقسۇت تاگير ۇلى (Turan University)

— ۇزدىك بومباردير — كيم ليەۆ (Turan University)

— ۇزدىك قاقپاشى — ەرتۋعان دانيار (اگەۋ)

— ۆولەيبولدان MVP اتاعى — ەرتاس نۇربولات (قازستا)

— باسكەتبولدان ۇزدىك ويىنشى — ارمون اسلان (Turan University)