وتان قورعاۋشى كۇنىنە وراي الماتىداعى «سۇڭقار» حالىقارالىق شاڭعى ترامپليندەرى كەشەنىندە مەملەكەتتىك تۋ سالتاناتتى تۇردە كوتەرىلدى.
سالتاناتتى راسىمگە الماتى اكىمى دارحان ساتىبالدى، اسكەري بولىمدەردىڭ، قۇقىق قورعاۋ ورگاندارىنىڭ، ۇكىمەتتىك ەمەس جانە جاستار ۇيىمدارىنىڭ وكىلدەرى قاتىستى.
مەملەكەتتىك تۋدى كوتەرۋ بارىسىندا اسكەري ۇرمەلى اسپاپتار وركەسترىنىڭ سۇيەمەلدەۋىمەن قازاقستان رەسپۋبليكاسىنىڭ ءانۇرانى ورىندالدى.
مەرەكەلىك ءىس-شارا ءارى قاراي 28 گۆاردياشى-پانفيلوۆشىلار اتىنداعى ساياباقتا كونسەرتتىك باعدارلامامەن جالعاستى.
كونسەرت الماتى قالاسى اكىمىنىڭ ەسترادالىق-سيمفونيالىق وركەسترى مەن «سالتانات» مەملەكەتتىك بي ءانسامبلىنىڭ سۇيەمەلدەۋىمەن شىرقالعان «ۇلى ەلىم» انىمەن اشىلدى. ساحنادا تانىمال وتاندىق ەسترادا جۇلدىزدارى پاتريوتتىق اندەر ورىندادى.
سونداي-اق، قازاق باتىرلارى تۋرالى تەاترلاندىرىلعان قويىلىمدار مەن پاتريوتتىق حورەوگرافيالىق كومپوزيسيالار ۇسىنىلدى.
