18 مامىر كۇنى الماتىدا حالىقارالىق مۋزەي كۇنىنە وراي – «مۋزەي ءتۇنى – 2026» اكسياسى وتەدى. كەشكى 18:00-دەن تۇنگى 00:00-گە دەيىن قالا تۇرعىندارى مەن قوناقتارى مەگاپوليستىڭ مۋزەيلەرىن تەگىن تاماشالاپ، كۆەستتەرگە، شەبەردىڭ دارىستەرىنە، تەاترلاندىرىلعان ەكسكۋرسيالارعا، دارىستەر مەن كونسەرتتەرگە قاتىسا الادى.
بيىل اكسياعا: الماتى تاريحى مۋزەيى (قابانباي باتىر كوشەسى، 132)، ىقىلاس اتىنداعى حالىق مۋزىكالىق اسپاپتار مۋزەيى (زەنكوۆ كوشەسى، 24ا)، احمەت بايتۇرسىن ۇلىنىڭ مۋزەي-ۇيى (بايتۇرسىن ۇلى كوشەسى، 60)، د. ا. قونايەۆ مۋزەيى (تولەبايەۆ كوشەسى، 117)، ءسابيت مۇقانوۆ مۋزەي-ۇيى (تولەبايەۆ كوشەسى، 125)، عابيت مۇسىرەپوۆ مۋزەي-ۇيى (تولەبايەۆ كوشەسى، 130)، سونداي-اق مۋلتيمەديالىق ءداستۇرلى مۋزىكا ورتالىعى (نۇركەنت شاعىناۋدانى، 5/11)، ن. تىلەندييەۆ مەموريالدى مۋزەيى (قونايەۆ كوشەسى، 96) قاتىسادى.
بىرلەستىك مۋزەيلەرىندە تاڭعى 10:00-دەن تۇنگى 00:00-گە دەيىن اشىق ەسىك كۇنى بولادى، ال نەگىزگى باعدارلاما 18:00-دە باستالىپ، تۇنگە دەيىن جالعاسادى. كەش بويى مۋزەيگە كەلۋشىلەر ۇناعان ءىس-شارالاردى تاڭداي الۋى ءۇشىن مۋزەيارالىق كۆەست-ويىنى، «جۇلدىزدى گيد»، «مۋزەيگە سىي» اكسيالارى، تەاترلاندىرىلعان ەكسكۋرسيالار مەن قويىلىمدار، كورمەلەر، تانىمدىق-ينتەراكتيۆتىك ويىندار، شەبەردىڭ دارىستەرى، جاساندى ينتەللەكتپەن فوتوايماقتار، مۋزەيلىك دارىستەر، كەزدەسۋلەر، كونسەرتتىك باعدارلاما، بليس-كورمەلەر، بالالارعا ارنالعان ايماقتار جانە كينوكورسەتىلىمدەر كەلۋشىلەر نازارىنا ۇسىنىلادى.
18:00-دەن باستاپ اكسيا اياسىندا مۋزەيگە كەلۋشىلەر اراسىندا الماتى قالاسى مۋزەيلەر بىرلەستىگى مۋزەيلەرىن قامتيتىن «تاريح ىزىمەن» تاقىرىبىندا كۆەست-ويىنى وتكىزىلەدى. جاستار اراسىندا تانىمال بلوگەرلەر باستاعان توپتار مۋزەيلەردى ارالاپ، ازىرلەنگەن تاپسىرمالاردى ورىندايدى. كوماندالاردىڭ باستى ماقساتى – مۋزەيلەردىڭ ءمورىن تولىق جيناپ، فينالدىق كەزەڭگە ءوتۋ. ءىس-شارا سوڭىندا كۆەست-ويىنعا قاتىسۋشىلاردى ماراپاتتاپ، برەندتىك سىيلىقتار تابىستالادى.
الماتى مۋزەيىندە (قابانباي باتىر، 132) كينو جانە تەاتر اكتريساسى، قازاقستاننىڭ حالىق ءارتيسى مەرۋەرت وتەكەشوۆانىڭ 75 جىلدىعىنا وراي «قازاق كينوسىنىڭ جاۋھارى – قىز جىبەك» كورمەسى اشىلادى. كورمەدە «قىز جىبەك» ءفيلمىنىڭ اكتەرلەرى قۇمان تاستانبەكوۆ، ءاسانالى ءاشىموۆ جانە فيلم اۆتورلارى سۇلتان قوجىقوۆ، گۇلفايرۋس يسمايىلوۆا، عابيت مۇسىرەپوۆ، نۇرعيسا تىلەندييەۆ سىندى تۇلعالاردىڭ جەكە زاتتارىنان قۇرالعان كورمەسىن تاماشالاۋعا بولادى.
18 مامىر كۇنى 18:00-دەن باستاپ 00:00-گە دەيىن تاريحي كەيىپكەرلەر قاتىساتىن تەاترلاندىرىلعان ەكسكۋرسيالار مەن «ءاسانالى ءاشىموۆ» تەاترىنىڭ «الماتى – ماحابباتىم» سپەكتاكلى، «جۇلدىزدى گيد»، «مۋزەيگە سىي» اكسيالارى، قىش بۇيىمدار، بەينەلەۋ ونەرى، زەرگەرلىك بۇيىمدار جاساۋ بويىنشا شەبەردىڭ ءدارىسى، بالالارعا ارنالعان اكۆاگريم، پازلدار مەن كۆەستتەر ايماعى، جاساندى ينتەللەكت تەحنولوگياسىمەن جابدىقتالعان فوتوزونا جۇمىس ىستەيدى. مۋزەي قورىنان بليس-كورمە «ساق جاۋىنگەرىنىڭ» عىلىمي رەكونسترۋكسياسىنىڭ تانىستىرىلىمى، مۋزەيلىك دارىستەر، تەاترلاندىرىلعان قويىلىمدار كەلۋشىلەر نازارىنا ۇسىنىلادى.
19:00-23:00 ارالىعىندا Kalifarniya، Bayan Sulu، «الاش ۇلى» توبى، IL Canto كۆارتەتى ونەر كورسەتەتىن «الماتى كەشى» كونسەرتتىك باعدارلاماسى باستالادى. 23:00-دە كۆەست جەڭىمپازدارى مەن مۋزەي قىزمەتكەرلەرىن ماراپاتتاپ، ال 23:15-تە اشىق اسپان استىنداعى كينو كورسەتىلىممەن كەش اياقتالادى. بارلىق ءىس-شارا – تەگىن.
ىقىلاس اتىنداعى حالىق مۋزىكالىق اسپاپتار مۋزەيى دە (زەنكوۆ، 24ا) 18 مامىر كۇنى 10:00-دەن تۇنگى 00:00-گە دەيىن «مۋزەي ءتۇنى – 2026» ءىس-شاراسىنا شاقىرادى. بارلىق كەلۋشى ءۇشىن مۋزەيگە كىرۋ تەگىن. 18:00-23:00 ارالىعىندا كەش بويى قۇرمانعازى، قورقىت، ءبىرجان سال سىندى اڭىز كەيىپكەرلەر قاتىساتىن تەاترلاندىرىلعان ەكسكۋرسيالار، مۋزىكالىق اسپاپ جاساۋ بويىنشا شەبەردىڭ ساباعى، «جۇلدىزدى گيد» اكسياسى، زياتكەرلىك تانىمدىق ويىندار، مۋزەي ەكسپوزيسياسى بويىنشا ەكسكۋرسيالار جانە جاساندى ينتەللەكتپەن جابدىقتالعان فوتوايماقتار جۇمىس ىستەيدى.
ىقىلاس اتىنداعى حالىق مۋزىكالىق اسپاپتار مۋزەيىنىڭ قۇرىلعانىنا 45 جىل تولۋىنا وراي، «ۋاقىت ايناسى: مۋزەيدىڭ 45 جىلى» كورمەسىن كەلۋشىلەر تاماشالاي الادى.
20:00-دە «الاتاۋ سەرىلەرى»، «سازگەن سازى»، «ارقايىم»، «پاراسات» ەتنو-فولكلورلىق توپتارى جانە جانار ايجانوۆا ونەر كورسەتەدى. 22:00-دە مۋزەي قىزمەتكەرلەرى مەن قاتىسۋشىلار ماراپاتتالىپ، 23:00-دە اشىق اسپان استىندا كينوكورسەتىلىمدەر قويىلادى.
ن. تىلەندييەۆ مەموريالدى مۋزەيى (قونايەۆ كوشەسى، 96) مۋزەي كەلۋشىلەرىنە باعدارلاما ۇسىنادى. كونسەرتتە ن. تىلەندييەۆ اتىنداعى اكادەميالىق فولكلورلىق-ەتنوگرافيالىق «وتىرار سازى» وركەسترىنىڭ باستاۋىمەن، قازاق ساحناسىنىڭ جارىق جۇلدىزدارى مەدەۋ ارىنبايەۆ، ايدانا مەدەنوۆا، دينارا سۇلتان، ەربولات قۇدايبەرگەن، بەيبارىس جامبىل ونەر كورسەتەدى. كەلۋشىلەرگە «نۇرعيسا سازى – ۇرپاققا امانات» اتتى كۇيشىلەر بايقاۋى ۇيىمداستىرىلىپ، تانىمدىق-ينتەللەكتۋالدى ويىن وتكىزىلەدى. كەش بويى مۋزەي ەكسپوزيسياسى بويىنشا ەكسكۋرسيالار مەن ارنايى فوتوايماقتار جۇمىس ىستەيدى.
23:00-00:00 ارالىعىندا اكسياعا قاتىسۋشىلار مەن مۋزەي قىزمەتكەرلەرىن ماراپاتتاۋ ءراسىمى ءوتىپ، 00:00-دە ءىس-شارا مارەسىنە جەتەدى.
مۋلتيمەديالىق ءداستۇرلى مۋزىكا ورتالىعى دا (نۇركەنت ش/ا، 5/11) وتكەن مەن بۇگىندى بايلانىستىراتىن ەرەكشە باعدارلاما دايىندادى. بۇل ءداستۇرلى قازاق مۋزىكالىق مادەنيەتىنىڭ باي مۇراسىمەن تانىسۋدىڭ تاماشا مۇمكىندىگى. بۇل كۇنى مۋزىكا ورتالىعىنىڭ ەسىكتەرى كەلۋشىلەر ءۇشىن تاڭەرتەڭنەن تۇنگە دەيىن اشىق بولادى.
18:00-دە كەشكى باعدارلاما باستالادى. تاريحي تۇلعالار – دينا نۇرپەيىسوۆا، جامبىل جابايەۆ پەن اقان سەرى بەينەسىمەن تەاترلاندىرىلعان ەكسكۋرسيالار ۇيىمداستىرىلادى. 18:30-23:00 ارالىعىندا «جۇلدىزدى گيد» اكسياسى، مۋزىكالىق اسپاپتار جاساۋدان شەبەردىڭ ءدارىسى وتسە، تاريحي تۇلعالاردىڭ ۇرپاقتارى جۇرگىزەتىن «ەش جەردە ايتىلماعان سىر سۇقبات» ەكسكۋرسياسى كەلۋشىلەرگە تىڭ دەرەكتەر مەن تاعىلىمدى اڭگىمەلەر ۇسىنادى.
20:00-دە ساۋلە جانپەيىسوۆا، مۇرات جانە تالعات ابۋعازييەۆتەر، نۇرجان جانپەيىسوۆ، ەلزا كارابالينا، گۋلفايرۋز دالعاباي، شولپان ءدارجانوۆا، تالعات مۇقىشيەۆ، ارداق يساتايەۆا، نۇرگۇل جاقىپبەك سىندى ءداستۇرلى ورىنداۋشىلار ونەر كورسەتەدى.
دىنمۇحامەد قونايەۆتىڭ مەموريالدىق مۋزەيى دە (تولەبايەۆ كوشەسى، 117) باعدارلاماسىن ۇسىنادى. ساعات 18:00-دەن باستاپ كەلۋشىلەر ارالىعىندا مۋزەيگە كەلۋشىلەر نازارىنا «قۇرمەتتى دىنمۇحامەد احمەت ۇلى» اتتى حاتتار كورمەسى، «ويلان تاپ!» ينتەللەكتۋالدى-تانىمدىق ويىنى، مۋزەي ەكسپوزيسياسى بويىنشا ەكسكۋرسيالار ۇسىنىلادى.
ساعات 19:00-دە قوناقتار «د. ا. قونايەۆتىڭ سۇيىكتى اندەرى» ءان كەشىن، ال 20:00-دا «جۇلدىزدى گيد» اكسياسىنا قاتىسا الادى. سونىمەن قاتار، د.قونايەۆتىڭ تۋىستارىمەن جانە پىكىرلەس جاندارىمەن كەزدەسۋ وتەدى، ال 22:00-دە ماراپاتتاۋ ءراسىمى باستالادى.
ءسابيت مۇقانوۆتىڭ ادەبي-مەموريالدىق مۋزەي-ۇيى دە (تولەبايەۆ كوشەسى، 125) كەشكى باعدارلاما ۇسىنادى. 18:00-23:00 ارىلىعىندا س. مۇقانوۆ بەينەسىندەگى تەاترلاندىرىلعان ەكسكۋرسيالار، زياتكەرلىك ويىندار مەن فوتوزونالار ۇيىمداستىرىلادى.
18:30-20:00 ارالىعىندا اكادەميك-جازۋشى ءسابيت مۇقانوۆتىڭ قىزى جاننا ءسابيت قىزى مۋزەي قورىنا جازۋشىنىڭ پورترەتىن، ولجاس سۇلەيمەنوۆتىڭ قۇتتىقتاۋ حاتىن جانە تاريحشى ورازالى شىڭعىس تاپقان ءسابيت مۇقانوۆتىڭ اتا-بابالارى تۋرالى ارحيۆتىك ماتەريالداردى تاپسىراتىن «مۋزەيگە سىي» جانە «جۇلدىزدى گيد» اكسيالارى وتەدى. «ابايدىڭ 17 قارا ءسوزى» تاقىرىبىندا سپەكتاكل، «بۇل قاي قالامگەر؟» تانىمدىق كۆەست ويىنى، «ءمولدىر ماحاببات» قويىلىمى، شاحماتتان بليس-تۋرنير «كونە جادىگەر» باعدارلاماسى، جاساندى ينتەللەكت تەحنولوگياسىمەن جاسالعان اكادەميك-جازۋشىلار س. مۇقانوۆ پەن ع. مۇسىرەپوۆتىڭ بەينەلەرىمەن سۇراق-جاۋاپ تۇرىندە تىكەلەي سۇحباتتاسۋ، مۋزەيدە كينوكورسەتىلىمدى («بوتاگوز» كوركەم ءفيلمى، «ءبىزدىڭ ءسابيت») تاماشالاۋعا بولادى.
عابيت مۇسىرەپوۆ ادەبي-مەموريالدىق مۋزەي-ۇيىندە (تولەبايەۆ كوشەسى، 130) 18:00-دەن باستاپ تەاترلاندىرىلعان ەكسكۋرسيالار، فوتوايماقتار، «جۇلدىزدى گيد» اكسياسى، «ۇلپان ۇلاعاتى» ع. مۇسىرەپوۆ اتىنداعى تەاتر اكتەرلارىمەن كەزدەسۋ، «بۇل قاي قالامگەر؟» تانىمدىق كۆەست ويىنى، «قوزى كورپەش – بايان سۇلۋ» تەاترلاندىرىلعان قويىلىمى، «ساۋاتتى جازىپ ۇيرەنەيىك» شەبەردىڭ ءدارىسى، قازاق كلاسسيكاسىنىڭ كينوكورسەتىلىمدەرى («قىز جىبەك»، «كلاسسيكتىڭ كەشىككەن ماحابباتى») قويىلادى. كەش ماراپاتتاۋ راسىمىمەن اياقتالادى.
احمەت بايتۇرسىن ۇلىنىڭ مۋزەي-ۇيىندە (بايتۇرسىن ۇلى، 60) 18:00-23:00 ارالىعىندا «الاش ارىستارى» فوتوكورمەسى، «احمەتكە حات» اكسياسى، الاشتانۋشى عالىمدارمەن كەزدەسۋ، مۋزەي ەكسپوزيسياسى بويىنشا ەكسكۋرسيالار، فوتوايماقتار جۇمىس ىستەيدى. «جۇلدىزدى گيد» اكسياسى، ا. بايتۇرسىن ۇلىنىڭ اندەرىنەن كونسەرتتىك باعدارلاما، «احمەت پەن ءاليحان اماناتى» قويىلىمى، احمەت بايتۇرسىن ۇلىنىڭ ولەڭدەرىن مانەرلەپ وقۋ بايقاۋى، «احمەت. الاش ارداقتىسى» اتتى دوڭگەلەك ۇستەل وتەدى. كەش اكسياعا قاتىسۋشىلاردى جانە مۋزەي قىزمەتكەرلەرىن ماراپاتتاۋ راسىمىمەن اياقتالادى.
سونداي-اق، بۇل كۇنى الماتى قالاسى مۋزەيلەر بىرلەستىگىنىڭ قۇرامىنا كىرەتىن الماتى گالەرەياسى (دوستىق داڭعىلى، 44) ساعات 10:00-دەن 00:00-گە دەيىن كەلۋشىلەر ءۇشىن اشىق بولادى. ولجاس سۇلەيمەنوۆتىڭ 90 جىلدىعىنا ارنالعان «ادامعا تابىن، جەر ەندى» اتتى كورمەسى ۇيىمداستىرىلادى. كورمەدە ولجاس سۇلەيمەنوۆتىڭ قۇجاتتىق ماتەريالدارى، فوتوسۋرەتتەرى، كارتينالارى، ارحيۆتىك حرونيكالارى جانە كىتاپتارىنىڭ العاشقى باسىلىمدارى ۇسىنىلادى.

- الماتى مۋزەيى – قابانباي باتىر كوشەسى، 132
- ىقىلاس اتىنداعى حالىق مۋزىكالىق اسپاپتار مۋزەيى – زەنكوۆ كوشەسى، 24ا
- د. ا. قونايەۆ مۋزەيى – تولەبايەۆ كوشەسى، 117
- س. مۇقانوۆ مۋزەي-ۇيى – تولەبايەۆ كوشەسى، 125
- ع. مۇسىرەپوۆ مۋزەي-ۇيى – تولەبايەۆ كوشەسى، 130
- مۋلتيمەديالىق ءداستۇرلى مۋزىكا ورتالىعى – نۇركەنت شاعىناۋدانى 5/11
- ا. بايتۇرسىن ۇلى مۋزەي-ۇيى – بايتۇرسىن ۇلى، 60
- ن. تىلەندييەۆ مەموريالدى مۋزەيى – قونايەۆ كوشەسى، 96
- الماتى گالەرەياسى – دوستىق داڭعىلى، 44