ەلىمىزدىڭ پرەزيدەنتى – ەل­باسى نۇرسۇلتان نازاربايەۆ حا­لىقتار دوستىعىنا، ۇلتتاردىڭ ىنتى­ما­عىنا ۇنەمى كوڭىل ءبولىپ كەلەدى. قازاقستان حالقى اسسامبلەياسى دا سول يدەيانىڭ جەمىسى. اسسامبلەيا – ول ءارى ىرگەتاس، ءارى بەيبىتشىلىك، رۋحاني كەلىسىم مادەنيەتىنىڭ ن­ە­گىزگى قاعيداتى. ول – مەملەكەتتىك ورگانداردىڭ حالىقپەن جەمىستى ءۇنقاتىسۋىن، بارلىق ەتنوستار ومىرلەرىنىڭ وزەكتى ماسەلەلەرىنىڭ شەشىلۋىن قامتاماسىز ەتۋشى ۇيىم. «دامۋدىڭ سىرى – بىرلىكتە، تابىستىڭ سىرى – تىرلىكتە» دەگەندەي، جولىن تاپقان مۇراتقا جەتەدى. ەڭبەگىمىزدىڭ جانباعى ءبىزدىڭ ورتاق ءۇيىمىزدى بەيبىتشىلىكتىڭ بەسىگى ەتىپ، باردى باعالاي بىلۋىمىزگە بايلانىستى. قازاقتى قاسيەتتى قاراشاڭىراققا بالاساق، ەلىمىزدەگى بارشا ەتنوستار – سول شاڭىراققا شانشىلعان ۋىقتار.
مىنە، بۇل بۇگىنگى قازاقستان حالقى اسسامبلەياسىنا ەلباسىمىز نۇرسۇلتان ءابىش ۇلىنىڭ بەرگەن سيپاتتاماسى. شىن مانىسىندە، وسىناۋ اسسامبلەيا قۇرىلعالى قازاقستاندا تۇراتىن وزگە ۇلت وكىلدەرى ءبىر شاڭىراقتىڭ استىنا بىرىگىپ، ياعني قاراشاڭىراققا قادالعان ۋىقتاي ەل پرەزيدەنتىنىڭ سارابدال ساياساتىنان ءنار الىپ، ورتاق ءۇيىمىز بولعان قازاقستاننىڭ الەمدەگى الدىڭعى قاتارلى 30 ەلدىڭ قاتارىنان كورىنۋىنە اتسالىسىپ كەلەدى. اسسامبلەيا ومىرگە كەلگەن العاشقى كۇنىنەن باستاپ قازاق ۇلتىنىڭ كەمەل كەلەشەگىنە سەنىممەن قاراپ، ەلدىڭ دامۋىنا وزدەرىنىڭ سۇبەلى ۇلەستەرىن قوسىپ وتىر.
وسىناۋ كوپ ۇلت وكىلدەرىنىڭ باسىن بىرىكتىرگەن اسسامبلەيا اتتى دوستىق وتاۋىنىڭ قۇرىلعانىنا بيىل 20 جىل تولدى. اتالعان شاڭىراق قازاقستان پرەزيدەنتىنىڭ 1995 جىلعى 1 ناۋرىزداعى جار­لىعىمەن مەملەكەت باسشىسىنىڭ جانىنداعى كونسۋلتاتيۆتىك-كەڭەسشى ورگان رەتىندە قۇرىلدى. ەلباسىمىز بۇل يدەيانى 1992 جىلى ەل تاۋەلسىزدىگىنىڭ ءبىر جىلدىعىنا ارنالعان قازاقستان حالقىنىڭ ءبىرىنشى فورۋمىندا جاريالادى. مۇن­داي ينستيتۋتتى قۇرۋ قاجەت­تىلىگى ساياسي تۇرعىدان، سونداي-اق، جاڭادان قۇرىلعان، تاۋەلسىز، پولي­ەتنوستى، پوليكونفەسسيالى مەم­لەكەتتىڭ تۇراقتى دامۋ تۇر­عىسىنان تۋىنداعان ەدى. بۇل باستاما مادەنيەتارالىق ءۇنقاتىسۋدى نىعايتۋدىڭ جاڭا كەزەڭىنىڭ نەگىزىن قالاپ، ەتنوسارالىق قاتىناستاردى دامىتۋ ماسەلەلەرىن جوعارى دەڭگەيدە شەشۋگە مۇمكىندىك جاسايتىن الەمدىك تاجىريبەدەگى تىڭ باعىت بولىپ تابىلادى. ونىڭ دامۋى بارىسىندا ن.نازاربايەۆتىڭ ەتنوسارالىق تولەرانتتىلىق پەن قوعامدىق كەلىسىمنىڭ قازاقستاندىق ۇلگىسى قالىپتاستى. وسى جىلدار ىشىندە قازاقستان حالقى اسسامبلەيا­سىنىڭ ينستيتۋتتىق قۇرى­لىمى نىعايىپ، قوعامدى ۇيىس­تىرۋشى الەۋەتى تولىستى، ول – حا­لىق ديپلوماتياسىنىڭ ما­ڭىزدى كۇرەتامىرىنا اينالدى. بۇگىندە اسسامبلەيا ەل پرەزيدەنتى ءتوراعالىق ەتەتىن كونستيتۋسيالىق ورگان بولىپ تابىلادى.
سونداي-اق، ۇستىمىزدەگى جىلى وزدەرىنىڭ قۇرىلعانىنا 20 جىل­دىق تورقالى تويىن اتاپ ءوتىپ جاتقان وسىناۋ اسسامبلەيا وكىلدەرى ەلىمىزدەگى قوعامدىق ءتارتىپتىڭ نىعايۋىنا، سوت جۇيەسىنىڭ جەتىلۋى­نە وزىندىك ۇلەستەرىن قوسىپ كەلە جاتقىندىعىن اتاپ ءوتۋىمىز كەرەك. اسىرەسە، ەلباسىمىز تاراپى­نان ۇسىنىلىپ، اسسامبلەيا­دان سايلانعان پارلامەنت دەپۋتاتتارى ەل تىنىشتىعىن ساقتاۋعا اتسالىسىپ كەلەدى. كوپتەگەن يگىلىكتى باستامالاردىڭ ۇيىتقىسى بولىپ جۇرگەنىنە تۇرعىندارىمىز كۋا ­بولۋدا.
سول سياقتى، ەلىمىزدەگى سوت سالاسىندا دا وزگە ۇلت وكىلدەرى جەرگىلىكتى ۇلت وكىلدەرىمەن، ياعني مەملەكەت قۇراۋشى ۇلت مۇشەلەرىمەن بىرگە ءتاتۋ-تاتتى، ءبىر جەڭنەن قول، ءبىر جاعادان باس شىعارىپ، قويان-قولتىق ەڭبەك ەتۋدە. سوندىقتان وسى ارىپتەستەرىمىز بەن قازاقستان حالقى اسسامبلەياسىنىڭ بارلىق مۇشەلەرىن وسىناۋ تاريحي مەرەيلى مەرەكەسىمەن قۇتتىقتايمىز. قا­زاق­ستاننىڭ دامۋىنا ۇلەس قوسا بەرۋلەرىنە تىلەكتەسپىز.

دەرەككوز: ەگەمەن قازاقستان