كەشە پرەزيدەنت جانىن­داعى ورتالىق كوممۋنيكاسيالار قىزمەتىندە «حالىق ماركاسى» حالىقتىق داۋىس بەرۋ كونكۋرسىنىڭ قورى­تىن­دىسىنا بايلانىستى باسپا ءسوز ءماسليحاتى ءوتتى. وعان جوبانىڭ جەتەكشىسى ريمما تاجىبايەۆا جانە بايقاۋدىڭ ءبىر­قاتار جەڭىمپازدارى قاتىستى.
سوڭعى كەزدەرى ەلىمىزدە «قا­زاقستاندا جاسالعان» اكسياسى كەڭىنەن تانىلىپ، وتاندىق ونىمگە قولداۋ كورسەتۋ بارىنشا قولعا الىنعانى بەلگىلى. وسى اكسيانى قولداۋ ماقساتىندا مامىر ايىندا جالپىۇلتتىق «حالىق ماركاسى» بايقاۋى باستالعانى تۋرالى رەسمي تۇردە حابارلانعان بولاتىن. جوبانىڭ نەگىزگى ماقساتى وتاندىق تاۋار وندىرۋشىلەردىڭ مۇمكىنشىلىكتەرىن ارتتىرۋ، سونىمەن قاتار، قازاقستاندا جاسالعان ناقتى تاۋار مەن قىزمەت كورسەتۋ بارىسىندا جىل جەڭىمپازىن انىقتاۋدا ولارعا كەشەندى تۇردە باعا بەرۋ بولىپ تابىلادى. ەندى مىنە، سول بايقاۋدىڭ جەڭىم­پازدارى دا بەلگىلى بولدى. جەڭىمپازداردى ءاربىر اتاۋ بويىنشا ماراپاتتاۋ شاراسى ميلان قالاسىنداعى قازاقستاننىڭ «ەكسپو-2015» حالىقارالىق كورمەسىندەگى پاۆيلونىندا 21 قازان كۇنى «بۇكىلالەمدىك ازىق-تۇلىك كۇنى» اپتالىعى اياسىندا ءوتتى. جەڭىمپازدار 30 اتالىم بو­يىنشا انىقتالدى. ولاردىڭ ءىشىن­دە «گازدالعان سۋسىن»، «شاي»، «كون­ديتەرلىك تاعامدار»، «ۇن»، «ءسۇت ونىمدەرى» سىندى بولىمدەر بار.
«حالىق ماركاسى» بايقاۋى جوباسىنىڭ جەتەكشىسى ر.ءتا­ءجى­بايەۆانىڭ ايتۋىنشا، كونكۋرسقا 70-تەن استام وتاندىق ءوندىرۋشى، 100-دەن استام ماركا وتىنىشتەرىن بەرىپ قاتىسقان. قازىرگى تاڭدا 27 كاسىپورىن بايقاۋ جەڭىمپازى. اقتوبە، وڭتۇستىك قازاقستان جانە الماتى قالالارى ايماقتارىنىڭ ازىق-تۇلىك وندىرۋشىلەرى ءوز ساناتتارىندا ەڭ ۇزدىك بولعان. باي­قاۋ تاقىرىبى «ميلان ەكسپو-2015» حالىقارالىق كورمە­ءسىنىڭ تا­قىرىبىمەن ۇشتاستىرىل­عان­دىقتان، وعان ازىق-تۇلىك تاۋارلارىن وندىرەتىن وتاندىق كاسىپورىندار قاتىستى. جەڭىمپازداردى ميل­ليوننان استام تۇتىنۋشىلار ونلاين رەجىمدە داۋىس بەرۋ ارقىلى انىقتادى. «كونكۋرسقا قاتىسۋ ارقىلى، وڭىرلىك كومپانيالار ءوز ونىمدەرىنىڭ ساپاسىنىڭ باسەكەگە ساي ەكەنىن دالەلدەپ، تۇتىنۋشىلار اراسىندا ۇلكەن سەنىمگە يە بولارى انىق. ال تۇتىنۋشى ءوز تاڭداۋىندا سەنىمدىلىككە جەتەدى»، دەدى ر.تاجىبايەۆا.
ۇيىمداستىرۋشىلاردىڭ ءما­لىمدەۋىنشە، كونكۋرس جەڭىمپازدارى «حالىق ماركاسى» بەلگىسىن ءوز تاۋار وراۋىندا جارناما رەتىندە ەكى جىلعا دەيىن قولدانۋعا ءمۇم­كىن­شىلىك العان. سونداي-اق، «حالىق ماركاسى» كونكۋرسى جەڭىمپاز­دارىنىڭ ونىمدەرى استانا قالا­سىندا وتەتىن ەكسپو-2017 كور­مەسىنە ۇسىنىلادى.
جوبا جەتەكشىلەرى 2017 جىلى ەلوردادا وتەتىن حالىقارالىق كورمە كەزىندە ەكسپو-قالاشىقتا وتاندىق تاۋارلارعا نەگىزدەلگەن «قازاقستاندا جاسالعان» پاۆيلو­نىن اشۋدى دا ماقسات تۇتىپ وتىر. «استانا ەكسپو-2017» كوم­پا­نياسى «حالىق ماركاسى» جەڭىم­پازدارى ۇزدىك برەند ەكەنىن ەسكەرە وتىرىپ، ولاردى مىندەتتى تۇردە نازارعا الادى دەگەن ويدامىز. ءبىز ولارعا «قازاقستاندا جاسال­عان» اتتى پاۆيلوندى اشۋدى ۇسىن­دىق. قازىرگى كەزدە وسى ماسەلە تالقىلانۋدا. ەگەر دە ەكسپو-2017 كەزىندە وسىنداي پاۆي­لون اشىلىپ جاتسا، مەنىڭ ويىم­شا، ونى كورۋگە باراتىن حالىق­تىڭ سانى كوپ بولادى»، دەدى ر.تاجىبايەۆا.

دەرەككوز: ەگەمەن قازاقستان