كەشە استانادا «شابىت» XVIIءى حالىقارالىق شىعارماشىلىق جاستار فەستيۆالى اشىلۋىنىڭ سالتاناتتى ءراسىمى ءوتتى.
بيىلعى دارىندىلاردى انىق­­تايتىن جارىستىڭ ۇيىم­داس­­تى­رىلۋىنا ۇيىتقى بولعان­دار­دىڭ ۇيعا­رىمى بويىنشا فەس­تي­ۆال 5 اتالىمدى قۇرايدى. ولار: «كلاسسيكالىق مۋزىكا»، «بەينەلەۋ ونەرى»، «حالىق مۋزىكاسى»، «سيرك ونەرى»، «سپورتتىق ءساندى بي».
جىل سايىن «شابىت» جاستار شىعارماشىلىق فەستيۆالىنە قىزىعۋشىلىق ارتا تۇسۋدە. بۇنى بايقاۋعا نيەت بىلدىرگەندەردىڭ سانىنان بىلۋگە بولادى. ءار ۋاقىتتا قازىلار القاسى فەستيۆال جاڭا تالانتتى تابۋعا ءارى ولاردىڭ ونەر جولىن اشۋدا سەپتىگىن تيگىزەتىنىن اتاپ وتەدى. سوندىقتان بۇل فەستيۆالدىڭ الار ورنى ايرىقشا، دەدى استانا قالاسى اكىمىنىڭ ورىنباسارى ەرمەك امانشايەۆ. قاتىسۋشىلاردىڭ تالانتىن ايگىلى ارتىستەر، پروفەسسورلار، جۇڭگو، گەرمانيا، يزرايل، يتاليا، بەلارۋس، رەسەي جانە قازاقستاننان شىققان ونەر مايتالماندارى باعالايتىن بولادى. سونىمەن قاتار، قازىلار القاسىنىڭ مۇشەلەرى ءوز شەبەر­لىكتەرىمەن بولىسەدى.
وسىلايشا، «دومبىرامەن ءان سالۋ» اتالىمىندا قازىلار القاسىنا قازاقستاننىڭ حالىق ءارتىسى، مەملەكەتتىك سىيلىقتىڭ لاۋرەاتى، پروفەسسور قايرات بايبوسىنوۆ ءتوراعالىق ەتەدى. حالىق مۋزىكاسى بويىنشا رامازان ستام­عازييەۆ، ايگۇل قوسا­نوۆا، ساكەن سىزدىقوۆ، جاقسى­گەلدى كەمالوۆ جانە قونىسباي ءابىل سىندى تانىمال ونەر شە­بەرلەرى ءوز باعالارىن بەرەدى. «دوم­بىرا» اتالىمىندا قازىلار القاسىنىڭ ءتوراعاسى قازاقستاننىڭ ەڭبەك ءسىڭىر­گەن قايراتكەرى، پروفەسسور، مەم­لەكەتتىك اكادەميالىق في­لارمو­نيا­نىڭ قازاق حالىق اسپاپ­تارى وركەسترىنىڭ كوركەمدىك جەتەك­ءشىسى جانە باس ديريجەرى ايت­قالي جايىموۆ.
سيرك ونەرىنەن سىنعا تۇسەتىن ۇمىتكەرلەردى استانا سيركى ديرەكتورى ەرىك جولجاقسىنوۆ، ساحا رەسپۋبليكاسى سيركىنىڭ ديرەكتورى سەرگەي راستورگۋيەۆ، الماتى قالالىق قازاق سيركىنىڭ ديرەكتورى داۋلەت دوسباتىروۆ سىندى ونەر تارلاندارى باعالايدى. «اكادەميالىق ءان سالۋ» نوميناسياسى بويىنشا ءادىلقازىلار القاسىنىڭ ءتوراعاسى قازاق ۇلت­تىق ونەر ۋنيۆەرسيتەتىنىڭ پروفەسسورى قانات وماربايەۆ بولادى. سونىمەن قاتار، حالىقارالىق كونكۋرستاردىڭ لاۋرەاتى، تۇركيا مەن يتاليانىڭ مەملەكەتتىك وپە­راسىنىڭ جەكە ءان سالۋشىسى سەدا ورتاچ، مينسكىدەن كەلگەن ونەر­تانۋ دوكتورى ەكاتەرينا دۋلوۆا، يەرۋساليم مۋزىكا اكادە­ميا­سىنىڭ كلارنەت كلاسى بويىنشا پروفەسسورى، يزرايل وپەراسى وركەسترىنىڭ ءبىرىنشى كلارنەتى ميحايل گۋرفينكەل، يەرۋساليم سيمفونيالىق وركەسترىنىڭ باس ديرەكتورى ياير ستەرن سىندى شاقىرىلعان قوناقتار ءادىل قازىلار القاسىنا مۇشە رەتىندە كىردى. فەستيۆالدىڭ ەڭ ۇزدىك سكريپكاشىسىن قازاق ۇلتتىق ونەر ۋنيۆەرسيتەتىنىڭ رەكتورى، قازاقستاننىڭ ەڭبەك ەرى ايمان مۇسا­قوجايەۆا جانە باسقالار انىق­تايتىن بولادى.
وسى جىلعى جارىسقا تىگىلگەن جۇلدەنىڭ دە جۇگى اۋىر. نەگە دە­سەڭىز، باس بايگە قازاقستان رەس­پۋب­ليكاسى پرەزيدەنتىنىڭ كۋبو­گى بولماقشى. فەستيۆالعا قاتى­سۋ وتىنىشتەرىن ۇيىمداستىرۋ كومي­تەتى 2015 جىلدىڭ 15 قازانىنا دەيىن قابىلداعان بولاتىن، كەلىپ ءتۇس­كەن جۇمىستاردىڭ ىشىندە مىڭ­نان تۇلپار، جۇزدەن جۇيرىك شىق­قان 388 ۇمىتكەر قاراشانىڭ 3ء-ى مەن­
8ء-ى ارالىعىندا باقتارىن سىنا­ماق.

دەرەككوز: ەگەمەن قازاقستان