مەملەكەت باسشىسى نۇرسۇلتان نازاربايەۆ قازاقستان رەسپۋبليكاسى پارلامەنتىنىڭ سەناتىنا ۇندەۋ جولدادى، دەپ حابارلادى پرەزيدەنتتىڭ باسپا ءسوز قىزمەتى.
مەملەكەت باسشىسى ءوز ءۇن­دەۋىندە ق.كەلىمبەتوۆتى ۇلت­تىق بانك ءتوراعاسى لاۋازىمىنان بوساتۋ تۋرالى شەشىم قابىل­دانعانىن ءما­ءلىم­دەدى. قازاق­ستان رەسپۋبليكاسى كونستي­تۋسياسىنىڭ 44-بابىنىڭ 4-تارماعىنا، 55-بابىنىڭ 2-تار­ماقشاسىنا سايكەس، نۇرسۇل­تان نازاربايەۆ ۇلتتىق بانك ءتور­اعاسى لاۋازىمىنا پرەزيدەنتتىڭ كومەك­ءشىسى قىزمەتىن ۋاقىتشا اتقارۋشى – پرەزيدەنت اكىمشىلىگىنىڭ الەۋمەتتىك-ەكونوميكالىق مونيتورينگ ءبولىمىنىڭ مەڭگەرۋشىسى دانيار اقىشيەۆتى تاعايىنداۋعا كەلىسىم بەرۋ جونىندە پارلامەنت سەناتىنا ءوتىنىش جولدادى.
نۇرسۇلتان نازاربايەۆ د.اقى­شيەۆتىڭ بىلىكتىلىگىن جانە مول تاجىريبەسى بار ەكەنىن اتاپ ءوتتى.
– ول قازاق مەملەكەتتىك باس­قا­رۋ اكادەمياسىن ۇزدىك بىتىرگەن. 18 جىلدان استام ۋاقىت ۇلتتىق بانك­­تە ەڭبەك ەتتى، سونىڭ جەتى جى­لىندا ءتوراعانىڭ ورىنباسارى بولدى. قازىرگى ۋاقىتتا پرە­زي­دەنت اكىمشىلىگىندە قىزمەت ىستەي­ءدى، ەلىمىزدەگى احۋال مەن ەكو­نو­مي­كا­لىق ماسەلەلەردى جان-جاق­تى زەر­دە­لەي بىلەدى، – دەدى مەم­لەكەت باس­شىسى.
قازاقستان پرەزيدەنتى ۇلتتىق بانك باسقارۋ جۇيەسىنىڭ، اسىرەسە، مەملەكەتتىك قارجىنى باسقارۋدىڭ ماڭىزدى ەلەمەنتى بولىپ تابىلاتىنىن ايتتى.
– ءقازىر بانككە جانە ۇلتتىق ۆاليۋتا – تەڭگەگە دەگەن سەنىم ازايدى، بۇعان جول بەرۋگە بولمايدى. ەلدە تەڭگە وتىمدىلىگىنىڭ تاپشىلىعى سەزىلەدى، ەكونوميكانى نەسيەلەۋ كولەمى تومەندەۋدە. بۇلار – تومەن كور­سەتكىشتەر، ولاردى تۇزەتۋ ءۇشىن جۇمىس ىستەۋ كەرەك. د.اقىشيەۆتىڭ ءبىلى­ءمى مەن تاجىريبەسى وعان وسى ءمىن­دەتتى اتقارۋعا سەپتىگىن تيگىزەتىنىنە سەنىمدىمىن. پارلامەنت سەناتىنان ەلدىڭ قارجى جۇيەسىنىڭ يگىلىگى ءۇشىن مەنىڭ وسى شەشىمىمدى قولداۋدى سۇرايمىن، – دەدى نۇرسۇلتان نازاربايەۆ.
مەملەكەت باسشىسى وتاندىق ەكونوميكانىڭ جاعدايىنا ءبىرقاتار فاكتورلار ىقپال ەتەتىنىن ايتتى. ولاردىڭ قاتارىندا نەگىزگى ەكس­پورتتىق تاۋارلار باعاسىنىڭ تومەندەۋىن، الەمدەگى گەوساياسي جاع­دايدى، سونداي-اق، قىتايداعى ەكو­نوميكالىق احۋالدى اتاۋعا بو­لادى.
– ءبىز بۇل قاتەردىڭ ءبارىن ەڭ­سە­رەمىز، ول ءۇشىن قاجەتتى ءمۇم­كىن­دىك­تەر بار، جوسپارلار ازىرلەنگەن. قازاقستاننىڭ مەملەكەتتىك قارىزى تومەن دەڭگەيدە. ءىجو-نىڭ 40 پايىزى كولەمىندە رەزەرۆتەرىمىز بار، ەگەر سونى ءتيىمدى پايدالاناتىن بولساق، ەكونوميكانىڭ دامۋىن جالعاستىرا الامىز جانە حالىق­تىڭ الەۋمەتتىك كوڭىل-كۇيىنىڭ ناشار­لاۋ­ىنا جول بەرمەيمىز. ءبىز ءجۇر­گىزىپ جاتقان يندۋستريالان­دىرۋ جانە «نۇرلى جول» ينفراقۇرىلىمدىق باعدارلاماسى سىرتقى تەرىس ىق­پال­داردىڭ اسەرىن ازايتۋعا باعىت­تال­عان. بارلىق ونەركاسىپتىك ءىرى كاسىپ­­ورىندارعا تاعى دا ءسوز ارناي وتىرىپ، جۇمىس ورىندارىن ساق­تاۋدى قامتاماسىز ەتۋگە شاقى­را­مىن، – دەدى قازاقستان پرەزيدەنتى.

دەرەككوز: ەگەمەن قازاقستان