بۇگىندە ەلىمىز بەينە-بىر الىپ قۇرىلىس الاڭىنا اينالعانداي كۇي كەشەمىز. رەسپۋبليكامىزدىڭ قاي قيىرىنا بارساڭىز دا جاڭادان بوي كوتەرگەن نىساندار مەن عيماراتتاردىڭ ماڭايىنداعى قاربالاس قيمىلدارعا كوزىڭىز تۇسەدى. وسىعان قاراپ ەندى كەلگەن ناعىز داعدارىستىڭ ءوزى دە وڭىرلەردەگى قۇرىلىس قارقىنىن تەجەي الماعانىن كورەمىز. ءسوز جوق، مۇنداي ىركىلىسسىز ىرعاق قۇرىلىس يندۋسترياسىنىڭ دا كوشتەن قالىپ قويماۋىن تالاپ ەتەدى. ويتكەنى، بۇگىنگى زامانعى قۇرىلىسقا قاجەتتى ماتەريالدار جەتىسپەسە نەمەسە ونىڭ ءوندىرىسى باياۋلاسا – بۇل تۇتاستاي سالانىڭ شىدەرلى اتتاي بوگەلىپ قالۋىنا اكەلىپ سوقتىرادى.
وسى ورايدا ورال قالاسىنداعى مەتالل جانە تەمىر-بەتون قۇرىلعىلارىن شىعاراتىن «گيدروماش-وريون» ج ش س ۇجىمىنىڭ ونىمدەرىنە سۇرانىس قاشاندا جوعارى ەكەنىن ايتقان ءجون. ءوز اتاۋىنان كورىنىپ تۇرعانداي، اتالعان وتاندىق كاسىپورىن رەسپۋبليكانىڭ باتىستاعى وڭىرلەرىن تەمىر-بەتون بۇيىمدارمەن قامتىپ كەلەدى. بۇل ونىمدەر بۇگىندە جول مەن ونەركاسىپ وشاقتارىندا جانە ازاماتتىق قۇرىلىستىڭ بارلىق جۇيەلەرىندە قولدانىلادى. مۇنداعى ءونىم تۇرلەرى مەيلىنشە سان-الۋان. سۇرانىستارعا قاراي شىعارىلاتىن كولەمدەرى ءارتۇرلى تاۋارلى بەتوندار، نىسانداردىڭ ىرگەتاسى مەن قابىرعاسىنا قاجەتتى بلوكتار، پليتالار مەن ۇستاتقىش-قوسقىش قۇرىلعىلار جانە ارنايى جولدار مەن اەرودروم پليتالارى زاۋىتتىڭ باستى برەندى دەسە دە ارتىق ەمەس. بۇگىنگى زامانعى قۇرىلىس يندۋسترياسى كومپانيالارىنا قويىلاتىن تالاپ تا، سۇرانىس تا جوعارى. ەڭ باستىسى، قازىرگىدەي كۇردەلى كەزەڭدە ءبىر دە ءبىر كاسىپورىن توماعا-تۇيىق، وزىمەن ءوزى وقشاۋ تۇردە وندىرىستەن كەيىن كوتەرە المايدى.
بۇل باعىتتا «گيدروماش-وريون» بىلىكتى وتاندىق جانە شەتەلدىك كومپانيالارمەن قويان-قولتىق قىزمەت جاساپ كەلە جاتقانى تەك قولداۋعا عانا لايىقتى. ءارى ولاردىڭ اراسىندا ادجيپ كپو، كپو ب،ۆ، «ينتەرگاز-ورتالىق ازيا» اق «سينوريس ينجينيرينگ» قازاقستاندىق فيليالى، قۇرىلىس ماتەريالدارى چەندۋ عىلىمي-زەرتتەۋ جوبالاۋ ينستيتۋتى جانە «تەڭىزشيەۆرويل» ج ش س سەكىلدى ءىرى فيرمالاردىڭ بولۋى زاۋىت ونىمدەرىنىڭ وتىمدىلىگىن كوتەرە تۇسەدى. بۇل اتالعانداردىڭ دەنى رەسپۋبليكا اۋماعىندا مۇناي-گاز شيكىزاتىن يگەرىپ جاتقان شەتەلدىك كومپانيالار ەكەنىن ەسكەرسەك، اتالعان كاسىپورىننىڭ قىزمەتى قازاقستاندىق ۇلەس پەن مازمۇنعا تولى ەكەنىن بىردەن بايقايمىز. ءارى بۇعان ەل ىشىندەگى قۇرىلىس يندۋسترياسىمەن اينالىساتىن قۇرىلىمداردىڭ ءبارى بىردەي قول جەتكىزىپ جۇرگەن جوق. «گيدروماشتىڭ» ولاردان باستى ارتىقشىلىعى دا وسىندا.
وزدەرىنە قاجەتتى قۇرال-جابدىقتاردىڭ ءبارىن ءوز ەلدەرىنەن اكەلىپ، قازاقستاندىق ونىمدەردى ساتىپ الۋعا كەلگەندە تارتىنشاقتاپ تۇراتىن، كىنامشىل دە سىنشىل شەتەلدىك كومپانيالاردىڭ «گيدروماشتىڭ» ونىمدەرىن پايدالانۋعا ىقىلاستى بولۋىنىڭ باستى سىرى دا قۇپيا ەمەس. ويتكەنى، 2003 جىلدان باستاپ زاۋىتقا ساپا مەنەدجمەنتى جۇيەسى ەنگىزىلگەن. ءارى مۇنداي جاڭاشىلدىق پەن ءومىرشەڭدىك بۇكىلالەمدىك ساپا مەنەدجمەنتى ستاندارتتارىنا تولىق سايكەس كەلەدى. سونىمەن بىرگە، 2009 جىلدان مۇندا ساپا مەنەدجمەنتىنىڭ ينتەگراسيالانعان جۇيەسى ىسكە قوسىلعان. مەنەدجمەنت دەگەنىمىز جاي ۇعىم ەمەس، اۋقىمى مەيلىنشە كەڭ، وندىرىسكە تيگىزەتىن پايدالى اسەر كوەففيسيەنتى مەيلىنشە جوعارى كۇردەلى ۇعىم. ونىڭ ەكولوگيالىق، ەڭبەكتى قورعاۋ جانە كاسىبي قاۋىپسىزدىك دەلىنەتىن تۇرلەرى دە بار ەكەن. وتاندىق ءوندىرىس ورنى مۇنداي مەنەدجمەنتتەردى دە الەمدىك تالاپتارعا سايكەستەندىرە ءبىلىپتى. «گيدروماش-وريوننىڭ» وسىنداي جەتىستىكتەرىنە تاعى ءبىر قوسارىمىز بۇدان 5-6 جىل بۇرىن ۇجىمدا اۋديت جۇمىستارى تابىستى تۇردە سەرتيفيكاسيادان وتكىزىلگەن. سوعان سايكەس ولارعا سايكەستىك سەرتيفيكاتى الىنعان. ارادا 3-4 جىل وتكەن كەزدە ولار كەلەسى كەزەڭدە دە ويداعىداي قورعاپ شىعىپتى.
وتاندىق كاسىپورىننىڭ اككرەديتتەلگەن جانە كۇردەلى سىناقتار مەن تاجىريبەلەردەن وتكىزىلگەن ءوز لابوراتورياسى بار. زاۋىت جانىنداعى بۇل اسا قاجەتتى قۇرىلىم ارنايى قۇرالدارمەن جابدىقتالعان. وسىنداي قۇرىلعىلاردىڭ كومەگىمەن ماماندار ءونىم ءوندىرۋ ۇدەرىسىنىڭ بارلىق كەزەڭىندە ساپالىق كورسەتكىشتەردىڭ تومەندەمەۋىن ۇدايى باقىلاپ وتىرادى. بۇل رەتتە ولار ءبىرىنشى كەزەكتە نورماتيۆتىك تالاپتارعا ارقا سۇيەيدى.
زاۋىتتا ءونىم شىعارۋعا قولدانىلىپ جۇرگەن وزىق تەحنولوگيالار مەن وزگە دە باستى قاجەتتى ماتەريالدار تەمىر-بەتون قۇرىلعىلارى مەن بەتون بۇيىمدارىنىڭ ءارتۇرلى كولەمدەگى 500-دەن استام تۇرلەرىن شىعارۋعا مۇمكىندىك بەرىپ وتىر. تەحنيكالىق سيپاتتامالارى تۇرعىسىنان بۇل ونىمدەر بىرىنە ءبىرى ۇقسامايدى. ءارى مۇنىڭ ءبارى ەلىمىزدىڭ تابيعي كليماتتىق ەرەكشەلىكتەرىنە تولىق سايكەستەندىرىلگەن. بۇلار قانداي اۋا رايىنا دا ءتوزىمدى كەلەدى. قاتتى ايازدارعا دا شىدامدى. سۋ مەن ىلعال وتكەن جاعدايلاردا بۇرىنعى بەرىكتىگى مەن ساپاسىن جوعالتپايدى. بۇلاي بولۋىنىڭ تاعى ءبىر ءمانىسى – كاسىپورىندا تەحنيكالىق باقىلاۋ ءبولىمىنىڭ قىزمەتى وڭ جولعا قويىلعان.
– زاۋىت ۇجىمىن قۇرايتىن قىزمەتكەرلەردىڭ دەنى بىلىكتىلىگى جوعارى ماماندار، كاسىبي ساۋاتى مول ينجەنەرلەر جانە تەحنيكتەر. ولاردىڭ اراسىندا تاجىريبەلەرى جەتكىلىكتى تالىمگەرلەر دە بار. ءبىزدىڭ كاسىپورىن رەسپۋبليكانىڭ باتىس ءوڭىرىنىڭ تەمىر-بەتون بۇيىمدارىنا دەگەن قاجەتتىلىگىن وتەۋگە لايىقتالعان. زاۋىتتىڭ جاعرافيالىق تۇرعىدان ۇتىمدى تۇردە ورنالاسۋى ونىمدەرىمىزدى تۇتىنۋشىلارعا جەتكىزىپ بەرۋگە جۇمسالاتىن شىعىندى ەداۋىر قىسقارتۋعا مۇمكىندىك بەرەدى. سونىمەن بىرگە، جابدىقتاۋ ىسىندەگى جەدەلدىكتى قالىپتاستىرۋعا قولايلى احۋال تۋعىزادى، – دەيدى متبك «گيدروماش-وريون» ج ش س باس ديرەكتورى الىبەك ءاجماعامبەت.
جوعارى تەحنولوگيالىق ءوندىرىسكە بەت بۇرعان وتاندىق كاسىپورىن ۇجىمى ءوزىنىڭ ەرتەڭىنە ۇلكەن سەنىممەن قارايدى. ولاردىڭ بۇگىنگى باستى ماقساتى باسەكەگە قابىلەتتى ساپالى ونىمدەر شىعارۋدى ودان ءارى جالعاستىرا بەرۋ بولىپ وتىر.
دەرەككوز: ەگەمەن قازاقستان
