رەسەي فەدەراسياسىنىڭ يشيم قالاسىندا ورنالاسقان №4 اۋرۋحانادا دارىگەرلەردىڭ قاتەسى سالدارىنان توتەنشە جاعداي ورىن الدى. 2 جاسار پاسيەنتتىڭ پاپيللوماسىن الىپ تاستاۋ وتاسىن جاساۋ كەزىندە ەلەكتر قۇرالىنان ۇشقىن شىعىپ، ءبۇلدىرشىننىڭ استىندا جاتقان سپيرت سىڭگەن مايلىق جانا باستادى.

«حيرۋرگ دارىگەردىڭ جول بەرگەن بۇزۋشىلىقتارى سالدارىنان كىشكەنتاي جاستاعى پاسيەنت وڭ جاق قۇلاعى مەن بەتىن 1-2 دارەجەلى تەرميالىق كۇيىكتەر شالعان»، - دەپ باياندادى رف-نىڭ تۇمەن وبلىسى بويىنشا تەرگەۋ كوميتەتىنىڭ باسپا ءسوز قىزمەتىنەن.

يشيم اۋدانارالىق تەرگەۋ ءبولىمىنىڭ وكىلدەرى الاڭعاسار دارىگەردىڭ ۇستىنەن «ءومىر مەن دەنساۋلىق قاۋىپسىزدىگى تالاپتارىنا سايكەس كەلمەيتىن قىزمەتتەر كورسەتۋ» بابى بويىنشا ءىس قوزعادى. قىلمىستىق ءىستى تەرگەۋ جالعاسۋدا. ەگەر كۇدىكتىنىڭ كىناسى دالەلدەنسە، ول ەكى جىلعا باس بوستاندىعىنان ايىرىلۋى مۇمكىن، دەپ جازادى شەتەلدىك ب ا ق.