باتىس قازاقستان وبلىسىندا ايماقتىق توتەنشە جاعدايلار دەپارتامەنتى قىزمەتكەرلەرى مىنگەن كولىك جول اپاتىنا ۇشىرادى، - دەپ «قامشى» پورتالى Tengrinews.kz-كە سىلتەمە جاساپ.

جول-كولىك وقيعاسى 18 قاراشا كۇنى ساعات 10.02-دە بولدى.

ورال – اتىراۋ تاس جولىنان 90 شاقىرىم قاشىقتىقتا، اقجايىق اۋدانىندا قۇتقارۋشىلار مىنگەن "ۋاز" جانە "گازەل" كولىگى سوقتىعىسىپ قالعان. ءىىد مالىمەتىنشە، "ۋاز" اۆتوكولىگىنىڭ 43 جاستاعى جۇرگىزۋشىسى تىزگىنگە يە بولا الماي، قاراما-قارسى باعىتتا كەلە جاتقان كولىكپەن سوقتىعىسقان. جول اپاتى سالدارىنان "گازەلدىڭ" 36 جاستاعى جۇرگىزۋشىسى وقيعا بولعان جەردە قازا تاپتى.

"ۋاز" اۆتوكولىگىنىڭ ەكى جولاۋشىسى ورال قالاسىنىڭ اۋرۋحاناسىنا جەتكىزىلدى. وسى دەرەك بويىنشا "كولiك قۇرالدارىن باسقاراتىن ادامداردىڭ جول ءجۇرىسى نەمەسە كولiك قۇرالدارىن پايدالانۋ قاعيدالارىن بۇزۋى" بابى بويىنشا تەرگەۋ امالدارى جۇرگىزىلىپ جاتىر"، - دەپ حابارلادى ايماقتىق ءىىد.

"ۋاز" اۆتوكولىگىندە بولعان تجد قىزمەتكەرلەرىنىڭ قىزمەتتىك ءىسساپارعا بارا جاتقاندارى بەلگىلى بولدى. "بولجام بويىنشا، جول-كولىك وقيعاسى اۋا رايى سالدارىنان بولعان. "ۋازدا" ءبىزدىڭ ءتورت قىزمەتكەر بولدى. ولاردىڭ ەكەۋى ۇيلەرىنە قايتارىلدى، ال ەكەۋى - جارقىن فازىلوۆ (بقو تجد باسشىسىنىڭ ورىنباسارى) جانە زامير بەرداشيەۆ (بقو تجد ازاماتتىق قورعانىس باسقارماسىنىڭ باشىسى) وبلىستىق اۋرۋحانادا جاتىر"، - دەدى بقو تجد ازاماتتىق قورعانىس باسقارماسى باسشىسىنىڭ ورىنباسارى ماكسيم حايرەكەنوۆ.