ەلورداداعى جەكەمەنشىك كومپانيالاردىڭ بىرىندە جۇمىس ىستەيتىن بەرەن ءجۇسىپوۆا عالامتوردى شارلاپ وتىرىپ، قىزىقتى كورىنىسكە تاپ بولىپتى.
جەمىس-جيدەكتى شوكولادپەن وراپ، دايىندايتىن ءوندىرىستى كورگەن ول «بىزدە نەگە وسىنى جاساماسقا؟» دەگەن سۇراققا بايلاندى دا قالدى. كۇندىز-تۇنى تىنىمسىز ويلانعان ول جولداستارىمەن اقىلداسا كەلە، يدەياسىن قاعازعا ءتۇسىرىپ، اينالاسىنان كومەك سۇرايدى. سول كەزدە بەرەن اتا-اناسىنان قازاقستاندا ءوز ءىسىن باستايمىن دەۋشىلەرگە كومەك كورسەتەتىن باعدارلامالارى بار «دامۋ» قورىن ەستىپ ءبىلىپتى. مەملەكەتتىك قوردىڭ استانا قالاسى بويىنشا ايماقتىق فيليالىنا بارعان ول كاسىپتىڭ كوزىن اشۋعا ءبىرتابان جاقىنداي ءتۇسىپتى. 
– ول بىزگە كەلگەن سوڭ، كەڭەس­ءشى­لەرمەن اقىلداسا وتىرىپ، جەمىس-جيدەكتى شوكولادقا وراپ جاساي­تىن سەحتى اشۋ ءۇشىن بيزنەس جوس­پار دايىندادى، – دەيدى كەشە مەملەكەتتىڭ دەمەۋ قارجىسىمەن اشىلعان كاسىپورىنداردى جۋرنا­ليستەرگە ارالاپ كورسەتكەن «دامۋ» قورى استانا قالالىق في­ليا­لىنىڭ مەنەدجەرى دانا ءتاۋىپ­بايەۆا. – ءقازىر بەرەننىڭ يدەياسى تولىقتاي جۇزەگە استى. بىلىكتى دە تاجىريبەلى كونديتەرلەر جەمىس-جيدەك پەن شوكولادتان وزدەرىنىڭ ايرىقشا بۇيىمدارىن جاساۋدا، «Astana Mall» ساۋدا ويىن-ساۋىق ورتالىعىندا دايىن ءونىمدى ساتۋ دا جولعا قويىلدى. شوكولاد قو­سىلعان جاڭا نەمەسە قۇرعاتىلعان جەمىس-جيدەكتەر وتە ءدامدى بولىپ شىقتى. بەرەن العان نەسيە قارا­جاتىنا وندىرىستىك سەحقا قاجەتتى شيكىزات پەن قۇرال-جابدىقتار ساتىپ الدى.
ءيا، «CHOCO FRUITS» جك-نىڭ سە­حى بۇگىندە استانانىڭ ورتالى­عىن­دا توقتاۋسىز جۇمىس ىستەپ، بىرنەشە ادامدى جۇمىسپەن قامتىپ وتىر. ال ونىڭ جەتەكشىسى بەرەننىڭ جاسى –  نە­ءبارى 29-دا. «دامۋ» قورىنىڭ سا­راپ­شى­­لارى ماقساتتى نەسيەنىڭ ءبىر ءبو­ءلى­گى تاپ وسى وتىزعا تولماعان  جاس­­­­­­­تارعا ارنالعانىن ايتادى. ولار­دىڭ تۇسىندىرۋىنشە، بۇگىنگى تاڭدا قوعام­نىڭ الەۋمەتتىك-دەموگرا­فيالىق قۇرىلىمىندا قازاقستان جاستارى ەڭ ۇلكەن الەۋمەتتىك توپ بولىپ تا­بىلادى. جاسى 18 بەن 29 جاس ارا­لى­عىنداعى جاس ازاماتتار كاتە­گو­رياسى مەملەكەتتىڭ بارلىق حالىق سانىنىڭ 20 %-نا تەڭ. ءارى بۇل توپ جاڭا تەحنو­لو­گيالاردى قولدانۋدا وتە بەلسەندى. ەلىمىزدە كاسىپكەرلەردىڭ قالىپ­تاسۋى­نىڭ جاڭا تولقىنى جاقسى قار­قىنمەن ءجۇرىپ جاتقانىنا وسىن­داي مىسالداردى كولدەنەڭ تارتۋعا بولادى.
– مەملەكەتكە راقمەت ايتامىن، «دامۋ» قورىنىڭ قولداۋىمەن قيا­لىمدا عانا جۇرگەن يدەيامدى شىن مانىندە ىسكە اسىردىم، – دەيدى جاس كا­سىپكەر بەرەن ءجۇسىپوۆا. – ءوز زا­مان­داستارىما دا قورىقپاستان ءوز كاسىبىن باستاۋعا كەڭەس بەرەر ەدىم. مە­ءنىڭ جاڭا جوبام ءقازىر اياققا تۇرا باس­تادى. قالاداعى بىرنەشە نۇكتەدەن ساتۋ ورىندارىن اشتىم. ەندىگى استا­ناداعى ءىرى ساۋدا ورتالىقتارمەن كە­لىسىمگە كەلىپ، ساتۋ كولەمىن ۇلعاي­تۋ­دى كوزدەيمىن. سول سياقتى جوعارى وقۋ ورىندارى مەن كينوتەاترلار، تا­ماقتاندىرۋ جەلىسىنىڭ جەتەك­شىلەرىمەن كەلىسىمشارت جاساۋدى قاراستىرىپ جاتىرمىن. 
كاسىپكەرلىكتى دامىتۋدىڭ مەم­لە­كەتتىك باعدارلامالارى شەڭ­بە­رىندە قولداۋ العان كەلەسى نىسان – «ال­تىن ۇيا» بالاباقشاسى. ءبىر ەرەك­­شەلىگى، مۇنىڭ جەتەكشىسى دانيسا ورازيا دا وتىزعا تولماعان. دانيسا­نىڭ جاڭا جوبانى باستاۋىنا ومىرلىك قاجەتتىلىك يتەرمەلەگەن ەكەن. كىش­كەن­تاي قىزىن بالاباقشاعا ورنا­لاس­تىرا الماي، ەسىكتەردى توزدىرعان ول اقىرىندا وسىنداي ورىندى ءوزى اشۋ­عا بەل بايلاپتى. قازىرگى كەزدە «التىن ۇيا» بالاباقشاسىندا 17 ءبۇل­ءدىرشىن تاربيەلەنىپ جاتىر. ولارمەن بىلىكتى ماماندار اينالىسىپ، با­لا­لاردى قىزىقتى ويىن تۇرىندە قازاق، اعىلشىن تىلدەرىنە، ءان، ماتەماتيكا، لوگيكا، شاپشاڭ وقۋعا ۇيرەتۋدە. 
مەملەكەتتىك باعدارلامانىڭ ارزان نەسيە قاراجاتىن پايدالانا وتى­رىپ، دانيسا عيماراتتى بالا-باق­شاعا بەيىمدەپ، جوندەۋ جۇ­مىس­تارىن جۇرگىزدى، سونىمەن بىرگە قا­جەتتى قۇرال-جابدىقتار مەن جيھاز سا­تىپ العان. استانادا مەكتەپكە دەيىن­گە ءبىلىم بەرۋ مەكەمەلەرىنە دەگەن قاجەتتىلىك كۇن ارتقان سايىن ءوسىپ كەلەتىندىگىن ەسكەرسەڭىز، بالا­ب ا ق­­شا قىزمەتىنىڭ ءارقاشان دا سۇرا­نىسقا يە ەكەندىگىن اڭعارۋعا بولادى.
«دامۋ» قورى استانا قالالىق في­ليالىنىڭ مەنەدجەرى دانا ءتاۋىپ­بايەۆانىڭ تۇسىندىرۋىنشە، «بيز­نەستىڭ جول كارتاسى – 2020» بيزنەستى قولداۋ مەن دامىتۋدىڭ ءبىرىڭعاي باع­دارلاماسى بىرنەشە باعىتتار بويىنشا جۇزەگە اسىرىلىپ كەلەدى. ونىڭ «كاسىپكەرلەردى سالالىق قول­داۋ» باعىتىنا ساي ايماقتىق ءۇي­لەستىرۋ كەڭەسىمەن استانا قالاسىندا 2015 جىلى 12،6 ملرل تەڭگەنى قۇراي­تىن 65 ءوتىنىش وڭ شەشىمگە يە بولىپ­تى. ال بيىلعى جىلدىڭ وزىندە ءىسىن جۇرگىزۋشى كاسىپكەرلەرگە 1،96 ملرد تەڭگە كولەمىندە سۋبسيديا تولەنگەن. جالپى، قارجىلىق داعدارىس قوس وك­پەدەن قىسقان سايىن تىعىرىققا ءتى­رەلگەن كاسىپكەرلەر مەملەكەتتىك قور­دىڭ كومەگىنە ءجيى جۇگىنۋدە ەكەن. ولاردىڭ، شامامەن، 60 پايىزدايى قا­جەت ەتىلگەن قارجىلاي قولداۋدى الىپ جاتىر. 

دەرەككوز: ايقىن-اقپارات