قالالىق كوممۋنالدىق قىزمەتتەرگە تيەسىلى اۆتوبۋس مەدەۋدەن قالاعا قاتىنايتىن جولدا جول ەرەجەسىن ورەسكەل بۇزعان. قوعامدىق كولىك ەنسىز تاۋ جولىندا ۇلكەن جىلدامدىقپەن قارسى باعىتقا بىرنەشە رەت شىققان. وقيعا تۇسىرىلگەن ۆيدەنوى پاۆەل پلوتيسىن ەسىمدى ازامات فەيسبۋك الەۋمەتتىك جەلىسىنە جۇكتەگەن، - دەپ حابارلايدى «قامشى» پورتالى.
وقيعا 22 قاراشا كۇنى بولعان.
«شىمبۇلاقتان كەلە جاتىپ، قوعامدىق كولىكتى پايدالانۋ بىزدە ءقاۋىپتى ەكەنىنە تاعى ءبىر كوز جەتكىزدىم. رەيستىك اۆتوبۋس (مەملەكەتتىك ءنومىر سيفرلارى – 711، بورت ءنومىرى – 745) بىرنەشە رەت ءوز جولاۋشىلارىن ولتىرۋگە ارەكەت جاسادى. ياعني، تار جولدا بىرنەشە رەت قارسى باعىتقا شىقتى، جىلدامدىقتى شامادان تىس اسىردى، تاعى باسقا تارتىپسىزدىكتەر..» دەپ جازادى جەلى قولدانۋشىسى.
