اباي قۇنانبايەۆتىڭ اكەسى تۋرالى "قۇنانباي" تاريحي دەرەكتى ءفيلمى جالپىۇتتىق پروكاتقا 3 جەلتوقساندا شىعادى. بۇل تۋرالى "قامشى" پورتالى "ءقازاقفيلمنىڭ" باسپا ءسوز قىزمەتىنە سىلتەمە جاساي وتىرىپ حابارلايدى.
كارتينا رەجيسسەرى قازاقستاننىڭ حالىق ءارتىسى دوسحان جولجاقسىنوۆ بولدى. ول باستى ءرولدى دە سومدادى. ابايدى كارتينادا ءالىبي سىرايلى سومداسا، قازاقتىڭ ۇلى اقىنىنىڭ اجەسىنىڭ ءرولىن جامبىل وبلىستىق دراما تەاترىنىڭ ءارتىسى نۇرسيفات سالىقوۆا وينادى.
قۇنانباي وسكەنباي ۇلى 1804 جىلى ايگىلى ءبيدىڭ وتباسىندا دۇنيەگە كەلگەن. ۇزاق جىل ءومىر سۇرگەن ول اقىلدىلىعىمەن جانە كورەگەندىلىگىمەن تانىلدى. ونىڭ بۇل قاسيەتتەرى ساياسي مانساپ جولىن جاساۋعا كومەكتەستى. اباي قۇنانبايەۆتىڭ اكەسى ءتورت ايەل العان، ۇلى اقىن ونىڭ ەكىنشى ايەلى - ۇلجاننان تۋعان.
"وزدەرىڭىز بىلەتىندەي، قۇنانبايعا كەي كەزدەرى ءارتۇرلى كوزقاراس قالىپتاتىراتىن قيىن شەشىمدەر قابىلداۋعا تۋرا كەلدى. مىندەت پەن ادىلدىكتىڭ ورتاسىندا تاڭداۋ تۇردى. قۇنانبايدىڭ كىشى ۇلى يبراگيم اكەسىنىڭ جۇمىسىنىڭ اۋىرتپالىعىن باعالاي المادى. تەك كوپ جىلدان كەيىن عانا اباي اتىمەن تانىلعان يبراگيم اكەسىن تۇسىنە باستادى"، - دەپ جازىلعان "ءقازاقفيلمنىڭ" باسپا ءسوز حابارلاماسىندا.
كارتينادا قۇنانبايدىڭ ءومىرى عانا ەمەس، XIX عاسىرداعى قازاقتاردىڭ تۇرمىسى باياندالعان. فيلم قازاقستاننىڭ تاريحىن بىلگىسى كەلگەندەرگە ارنالعان.
فيلم سەنارييىن دوسحان جولجاقسىنو پەن دارىندى جازۋشى تالاسبەك اسەمقۇلوۆ جازعان. كارتينانىڭ ءتۇسىرىلىم جۇمىستارى اقمولا وبلىسىندا جانە قۇنانبايدىڭ تۋعان جەرى - سەمەي وبلىسى، اباي اۋدانى، قاراۋىل اۋىلىندا ءوتتى.
