وتكەن اپتادا الماتى اۆتوبۋستارىنا ورناتىلىپ جاتقان «وڭاي» ەلەكتروندىق جۇيەسىنىڭ قۇرىلعىلارى قازاقشا «سويلەيتىن» بولدى دەپ اقپارات قۇرالدارى جارىسا جازدى. وسىعان جاۋاپتى مەكەمە باسشىلارى ەلەكتروندى بيلەتتەندىرۋگە ارنالعان قۇرىلعىلارداعى «جولاقىسىن تولەۋ ءۇشىن كارتانى قويىڭىز» جانە «كارتا تۋرالى اقپارات» دەگەن اقپاراتتاردىڭ قازاقشالانعانىن جەردەن جەتى قويان تاپقانداي جاريالادى.

جاعىمدى جاڭالىقتى ەستىگەنىمىزگە مىنە، ءبىر اپتا ۋاقىت ءوتتى. الايدا، سول «جاڭالىقتى» كوزبەن كورە الماي كەلەمىز. ءوزىم كۇن سايىن تولە بي داڭعىلى بويىمەن جۇرەتىن ءووعامدىق كولىكتەرگە ءجيى وتىرامىن. ناقتى ايتار بولسام، 16، 126-باعىتتاعى اۆتوبۋستاردىڭ تۇراقتى جولاۋشىسىمىن. ساباققا شىققاندا، وقۋدان قايتقاندا كارتام بولماسا دا «وڭاي» قۇرىلعىسىنا ءبىر كوز سالامىن. سول قالپى. «پريلوجيتە كارتۋ» مەن «ينفورماسيا و كارتە» دەگەن ورىس تىلىندەگى مالىمەتتەردەن باسقا تۇك جوق.

«بارماق استىنان كىر ىزدەۋ» جاقسى قاسيەت ەمەس، ارينە. ءبىراق، وسى «وڭايدى» ەنگىزۋشىلەردى ەشكىم تىلىنەن تارتقان جوق. جاڭا يلەتتەندىرۋ جۇيەسى قازاقشالاندى دەپ وزدەرى سۇيىنشىلەپ حابارلادى ەمەس پە؟! ايتىلعان ۋادە ورىندالۋى كەرەك قوي. كەزىندە ۆاليداتورلار بەرەتىن بيلەت-چەكتەر دە سول قالپى قازاقشالانباي كەتكەن ەدى. «الماتى كولىك حولديگى» مەكەمەسىنىڭ وسى ارەكەتىنەن كەيىن بۇل دا سونىڭ اياعىن قۇشا ما دەگەن ءقاۋىپ كەلەدى كوڭىلگە. 

اقنۇر جاقسىلىق

ستۋدەنت