Ulttyq ulan sarbazdary Rolan Tyshqanbaı men Asyljan Aıtbaı kásipkerdiń 5 mıllıon teńgesin qaıtaryp berdi dep habarlaıdy Qamshy aqparattyq agenttigi Sputnik-ke silteme jasaı otyryp.
15 maýsym kúni 5573 áskerı bóliminiń jasaǵy Astana qalasy Qabanbaı dańǵyl kóshesiniń boıynan (“Trıýmf” turǵyn úı kesheni tusynan) ámıan taýyp alady. Ámıannyń ishinde 20-25 dana evro kýpúrasy (tól valútaǵa shaqqanda 5 mıllıon teńgege jýyq) bar eken. Áskerı jasaq quramy Rolan Tyshqanbaı men Asyljan Aıtbaı osy jaıt týraly dereý áskerı jasaq kezekshisi leıtenant Nursultan Ámirovke, İİD qyzmetkerlerine baıandaıdy. Quqyq qorǵaýshylar ámıan ıesin izdestirýge shuǵyl kirisip ketedi.
“Snejnyı bars” jeke kásipkerliginiń dırektory Hamıt Haırýllın myrza osy ýaqytta qomaqty aqshasy joǵalǵany jóninde quqyq qorǵaý pýnktine ótinish jazǵan. Kóp uzamaı áskerı jasaqpen kezdesip, ámıanyn qaıtaryp alǵan kásipker ulandyq jaýyngerlerge jedel kómegi, adaldyǵy men tárbıesi úshin alǵys bildirdi. QR Ulttyq ulannyń baspasóz qyzmeti habarlaǵandaı, qurama komandıri polkovnık Sákentaı Shekarbekovtyń buıryǵymen Rolan Tyshqanbaı men Asyljan Aıtbaı úlgili qyzmeti úshin “Qoǵamdyq tártipti saqtaǵany úshin” keýde belgisimen marapattaldy.
Sondaı-aq, sarbazdardyń vzvod jáne rota komandırleri de jeke qurammen tárbıe jumysyn durys júrgizgeni úshin Ulttyq ulan sımvolıkasy beınelengen saǵattarmen marapattaldy.
Al búgin Ulttyq ulannyń astanalyq jedel maqsattaǵy brıgadasynyń bazasynda qyzmet barysynda adaldyǵymen kózge túsken jaýyngerlerdi qurmetteý keshi ótedi.
Sholýshy: Ásel Óteshova
