Ortalyq komýnıkasıalar qyzmetinde Qazaqstan Respýblıkasy men Majarstannyń arasynda bilim berý salasyndaǵy yntymaqtastyq týraly baspasóz konferensıasy ótti, dep habarlaıdy Qamshy.kz aqparat agenttigi.
İs-sharaǵa Qazaqstan Respýblıkasy Bilim jáne ǵylym vıse-mınıstri Asqat AIMAǴAMBETOV jáne Qazaqstan Respýblıkasyndaǵy Majarstannyń Tótenshe jáne Ókiletti Elshisi doktor Baranı ANDRASH qatysty.
Vengrıamen yntymaqtastyq 2013 jyldyń 19 qarashasyndaǵy Qazaqstan Respýblıkasynyń Bilim jáne ǵylym mınıstrligi men Vengrıanyń Adamı resýrstar mınıstrligi arasyndaǵy Kelisim aıasynda júzege asyrylyp jatyr.
Osy Kelisim aıasynda vengrlik tarap Qazaqstan azamattary úshin 45 grant bóledi, onyń ishinde bakalavtrıat boıynsha 20, magıstratýra boıynsha 20 jáne doktorantýra boıynsha 5 grant bar.
Qazaqstandyq tarap 45 grant bóledi, onyń ishinde bakalavtrıat boıynsha 20, magıstratýra boıynsha 20 jáne doktorantýra boıynsha 5 grant bar.
Osy Kelisim barysynda stýdenttermen balamaly almasý 2014 jyly bastaldy. Osylaısha, Vengrıa JOO-na 2014 jyly oqýǵa 40, 2015 jyly 45, 2016 jyly 47 Qazaqstan azamaty jiberilgen.
2016 jyly vengrlik tarap bastamasy boıynsha osy Kelisimge ózgerister men tolyqtyrýlar engizilgen bolatyn, granttar sany 45-ten 200-ge deıin kóbeıtildi.
Osylaısha, 2017 jyldyń 27 naýryzynda dıplomatıalyq qatynastardyń 25 jyldyǵy aıasynda QR Bilim jáne ǵylym mınıstri Erlan Saǵadıev jáne Qazaqstandaǵy Vengrıa elshisi Andrash Baranı 2013 jylǵy 19 qarashasyndaǵy bilim berý salasyndaǵy yntymaqtastyq týraly Qazaqstan Respýblıkasynyń Bilim jáne ǵylym mınıstrligi men Vengrıanyń Adamı resýrstar mınıstrligi arasyndaǵy Kelisimge ózgertýler men tolyqtyrýlar engizý týraly Hattamaǵa qol qoıdy.
Osy Hattamaǵa sáıkes vengrlik tarap 2017 jyldan bastap Qazaqstan azamattary úshin 200 grant bóledi, onyń ishinde bakalavrıat boıynsha 90, magıstratýra boıynsha 90 jáne doktorantýra boıynsha 20 grant bar.
Qazaqstandyq tarap 45 grant bóledi, onyń ishinde bakalavtrıat boıynsha 20, magıstratýra boıynsha 20 jáne doktorantýra boıynsha 5 grant bar.
Pikir qaldyrý