Qazaqstanda Ulttyq biryńǵaı testileýde test qorytyndysyna kóńili  tolmaǵan kez kelgen talapker appelásıaǵa bere alady.  Talapkerdiń qandaı jaǵdaıda jáne qansha ýaqyt aralyǵynda appelásıaǵa bere alatyny jaıynda Ulttyq testileý ortalyǵynyń dırektory Ramazan Álimqulov baıandap berdi.

Tehnıkalyq qateler. Eger kitapsha durys basylmaǵan bolsa, ıaǵnı test mátini aralasyp ketken jaǵdaıda appelásıaǵa berýge bolady.  Ondaı jaǵdaıda bitirýshi túlek bul qatelikti appelásıalyq komıssáıǵa kórsetýi kerek, al olar kitapshany respýblıkalyq komısıaǵa jiberedi.  Al komısıa sheshimimen talapkerge baldyń qosylý, qosylmaýy sheshiletin bolady.

— Talapker qolyndaǵy kitapshasyn aýdıtorıadaǵy kezekshige kórsetip, qateniń bar ekenin habarlaýy kerek. Biz dál sondaı nusqa bolsa, kitapshany aýystyryp beremiz. Sebebi, ár nusqa árbir talapkerge arnalyp jeke-jeke daıyndalady, - deıdi Álámqulov.

Al eger talapker suraqtan qate baıqasa, kitapsha ózgertilmeıdi.

— Eger talapker suraǵynyń mazmunynda qate bar degen aryzǵa negiz bolsa, kitapsha respýblıkalyq komısıaǵa jiberiledi.  Jergilikti appelásıalyq komısıa baǵalaýshylardyń arasynda bul máseleni aldyn ala  qaraıdy. Respýblıkalyq  komısıa olardyń sheshimderin qaraǵannan keıin talapkerge bal qosý, qospaý týraly sheshim shyǵarady, - dedi Ulttyq testileý ortalyǵynyń dırektory.

2018 jyly test suraqtarynyń 50 paıyzy jańartylǵan. Qazir bazada 120 myń suraq bar. Test qorytyndysyn tek habarlama taqasynan ǵana emes birneshe ınternet-resýrstan, Telegramnan bilýge bolady.

Aıta keteıik, 2016 jyly UBT tapsyrý boıynsha birqatar ózgeris engizildi. Qazaqstan halqynyń turǵyndary joǵarǵy bilim alýy úshin testti eki ret tapsyra alady.